ស៊យមែន Nani! ចូលលេងថ្ងៃដំបូងឱ្យ Sporting ស៊ុតបាល់ពិន័យ ១១ម៉ែត្រមិនចូលហើយ បានកាតលឿងទៀត
ការប្រកួត
ដំបូងរបស់ Nani នៅក្លិប Sporting Lisbon
ដូចជាមិនកាក់កបសោះព្រោះទទួលកាតលឿងមួយនិងស៊ុតបាល់ពិន័យ១១
ម៉ែត្រមិនចូលទៀត ហើយត្រូវប្ដូរចេញនៅនាទីទី៧៧។
Nani
ដែលក្លិប Sporting បានខ្ចីជើងពី Manchester United
កាលពីសប្ដាហ៍មុននោះបានចូលលេងក្នុងជម្រើស១១នាក់ដំបូងក្នុង
ការប្រកួតលីកកំពូលព័រទុយហ្គាល់ទល់នឹងក្រុម Arouca
ប៉ុន្តែការបង្ហាញខ្លួននេះធ្វើមិនសូវបានល្អសោះដោយសារទទួលកាត
លឿងមួយ
និងទាត់បាល់ពិន័យ១១ម៉ែត្រមិនចូលនៅនាទីទី៦៣ហើយក៏ត្រូវប្ដូរ
ចេញទៀតនៅនាទីទី៧៧។
ការស៊ុតមិនចូល១គ្រាប់របស់ខ្សែបម្រើវ័យ២៧ឆ្នាំរូបនេះស្ទើរតែ
ឱ្យម្ចាស់ផ្ទះមិនអាចឈ្នះទៅហើយ ប៉ុន្តែជាសំណាងល្អខ្សែប្រយុទ្ធ
Carlos Mane រកបានគ្រាប់ជ័យជម្នះនៅនាទីទី៩០+២ដែលធ្វើឱ្យ
Sporting រកបាន៣ពិន្ទុដោយឈ្នះក្រុម Arouca ក្នុងលទ្ធផល១-០។
ការ
ផ្លាស់មកលេងនៅក្លិបដើមវិញនេះគឺដោយសារតែកីឡាករខ្សែបម្រើ
ស្លាបជម្រើសជាតិព័រទុយហ្គាល់វ័យ២៧រូបនេះបង្ហាញទម្រង់លេងមិន
ត្រូវចិត្តរបស់គ្រូបង្វឹកថ្មី របស់ Man Utd លោក Louis van Gaal
និងដើម្បីជាថ្នូរសម្រាប់ផ្ទេរខ្សែការពារ Marcos Rojo ទៅ Old
Trafford៕
ប្រែសម្រួល៖ សុខ មុន្នីរម្យប្រភព៖ sport
