ព័ត៌មានអន្តរជាតិ ៖ ប៉ូលីសម៉ាឡេស៊ី បានចាប់ខ្លួនមន្ត្រី ធនាគារម្នាក់ រួមទាំងស្វាមីរបស់នាង ដែលមាន ជាប់ពាក់ព័ន្ធនឹង ការបន្លំដកប្រាក់ពី​  គណនី​  ធនាគារ របស់ជនរងគ្រោះបួននាក់ ដែលបានបាត់ខ្លួន​ជា​មួយ​នឹងយន្តហោះ MH370  ក្នុងទឹកប្រាក់ចំនួន ៣ ម៉ឺន  ដុល្លារអាម៉េរិក ដែលស្មើនឹង ៣៧.៣០០ដុល្លារ សិង្ហបុរី ។ នេះបើយោងតាមសេចក្តីរាយ ការណ៍របស់ទីភ្នាក់ងារសារព័ត៌មាន Channel News Asia នៅ ថ្ងៃទី១៦ ខែសីហា ឆ្នាំ២០១៤នេះ។

គូស្វាមីភរិយាទាំងពីរនាក់   ត្រូវបានចាប់ខ្លួនមកសួរចម្លើយ  កាលពីថ្ងៃព្រហស្បតិ៍ កន្លងទៅ ដោយជាប់ សង្ស័យថា  បានដកប្រាក់    ពីគណនីធនាគា របស់ជនរងគ្រោះជាជនជាតិម៉ាឡេស៊ីពីរនាក់ និងចិន ពីរ នាក់ ។ នេះបើយោងតាម ការលើកឡើងរបស់មេបញ្ជាការប៉ូលីស។ប្រភពដដែលបានឲ្យដឹងថា ប៉ូលីស ក៏កំពុងស្វែងរកចាប់ខ្លួនជនសង្ស័យម្នាក់ទៀត ជាជនជាតិ  ប៉ាគីស្ថាន ដែលត្រូវ បានគេជឿជាក់ថាបាន ទទួលផលចំណេញពីការដកប្រាក់នេះផងដែរ ហើយជនសង្ស័យរូបនេះទទួលបានប្រាក់ នេះ តាមរយៈ ការ បញ្ចូល ទៅក្នុងគណនីធនាគារ     របស់ខ្លួន។ ប៉ូលីសជឿជាក់ថា បុរសរូបនោះមិនទាន់គេចខ្លួននៅ ឡើយ ដើម្បីឲ្យទទួលព័ត៌មានកាន់តែច្បាស់ប៉ូលីសកំពុងធ្វើការស៊ើបអង្កេត៕