រាជធានី​ភ្នំ​ពេញ៖ ស ​មាគ​រោងចក្រ​កាត់ដេរ​កម្ពុជា ​(GMAC )​ ​កាលពី​ថ្ងៃ​ទី​២៣​ខែ​សីហា​ បាន​​សេចក្តីថ្លែងការណ៍មួយ ​បង្ហាញថាមានសហព័ន្ធ ​សហជីព​៩​ដែល​មិន​មាន​បញ្ជី​កា​ក្នុង​រោងចក្រ បាន​ដឹកនាំ​កូដកម្ម​មិន​ត្រឹមត្រូវ​តាម​នីតិវិធី​នៃ​ ច្បាប់​ស្តីពី​ការងារ ដោយ​បាន​បិទ​ផ្លូវ​សាធារណៈ និង​តវ៉ា​បាន​ឈាន​ដល់​ការ​ប្រី​ហិង្សា វាយបំផ្លាញ​ទ្រព្យសម្បត្តិ​របស់​រោងចក្រ Jiun Ye Garment Cambodia Co., Ltd កាលពី​ថ្ងៃ​ទី​២០ ខែ​សីហា និង​រោងចក្រ ​FWKK Cambodia Limited កាលពី​ថ្ងៃ​ទី​២១​សីហាជាដើម​។

សេចក្តីថ្លែងការណ៍​បាន​បញ្ជ​ក់ថា សហព័ន្ធ​សហជីព​ស្មារតី​កម្មករ​ខ្មែរ បាន​ដឹកនាំ​ដោយ​លោក​ មុំ សៀក និង​សហព័ន្ធ​សហជីព​ចំនួន​៨​ទៀត រួម​នឹង​បក្សពួក​បាន​រំលោភ​បំពាន​លើ​សិទ្ឋិ​របស់​កម្មករ​និយោជិត​ភាគច្រើន​ ដែល​មិន​ចង់​ចូលរួម​ការតវ៉ា ដោយ​បាន​រារាំង គំរាមកំហែង ប្រី​ពាក្យសំដី​មិន​សមរម្យ បិទ​ច្រក​ចេញចូល​រោងចក្រ ក្នុង​គោលបំណង​កុំ​ឲ្យ​កម្មករ​ភាគច្រើន​បាន​ចូល​ធ្វើការ​បាន​។​ក្នុង​នោះ​ផង ​ដែរ សហព័ន្ធ​សហជីព​ស្មារតី​កម្មករ​ខ្មែរ និង​បក្សពួក បាន​បង្ក​ឲ្យមាន​ការតវ៉ា​ហិង្សា​នៅ​មុខ​រោងចក្រ Jiun Ye ដែល​បាន​បណ្ដាលឲ្យ​ខូចខាត​ទ្រព្យសម្បត្តិ​រោងចក្រ​មួយ​ចំនួន​ដូចជា ទ្វារ កញ្ចក់​បន្ទប់ ការិយាល័យ និង​សម្ភារៈ​មួយចំនួនទៀត​។​

GMAC បាន​ព្យាយាម​លើក​យក​ច្បាប់​ជា​ច្រើន​ មាត្រា​មក​បញ្ជាក់​នៅក្នុង​សេចក្តីថ្លែងការណ៍ ដែល​រួមមាន​ទាំង​ច្បាប់​ការងារ និង​ក្រមព្រហ្មទណ្ឌ​ផង​នោះ ដើម្បី​ស្នើ​ដល់​ស្ថាប័ន​មាន​សមត្ថកិច្ច និង​រាជរដ្ឋាភិបាល​កម្ពុជា​ឲ្យមាន​ការលើកកម្ពស់​ស្មារតី​ឲ្យមាន​ការអនុវត្ត​ ច្បា​ប់ និង​ផ្តន្ទាទោស​ជន​ប្រព្រឹត្ត​បទល្មើស ដើម្បី​ឲ្យមាន​ការទុកចិ​ត្ត​ពី​វិនិយោគិន ដែល​បាន​បោះ​ទុក​រកស៊ី​នៅ​កម្ពុជា​។​

GMAC បាន​ហៅ​សហព័ន្ធ​សហជីព ដែល​បាន​ដឹកនាំ​កម្មករ​តវ៉ា ទាំង​៩​នោះ​ថា​ ជា​សហជីព​ខិលខូច និង​ជា​ការគំរាមកំហែង​ដ៏​ធំ​ទៅលើ​ឧស្សាហកម្ម​កាត់ដេរ និង​ផលិត​ស្បែកជើង​ទាំង​២​ខាងលើ ឲ្យ​វិនា​សសាបសូន្យ​ពី​កម្ពុជា​។​

សារព័ត៌មានសេរី ​មិន​អាច​ទំនាក់ទំនង​សហព័ន្ធ​សហជីព​ទាំង​៩​នេះ​បាន​ទេ នៅថ្ងៃនេះ​៕

ប្រភពពី Free Press Magazine