បន្ទាយមានជ័យ: រថយន្ដ ​យី​ឌុប​ពាក់​ស្លាក​លេខ​តាកែវ 3A 0135 ដែល​ដឹក​ម៉ូតូ​ថ្មី​ប្រភេទ​ស្គុ​ត​ទ័​រ ម៉ាក​ហុងដា​ឃ្លី​ក ៥ គ្រឿង ម៉ាក​ហុងដា​ស្គុ​ប​ពី ៣ គ្រឿង ម៉ាក C B R ពីរ​គ្រឿង ម៉ាក M S X ១​គ្រឿង បើកបរ​ដោយ​ឈ្មោះ អ៊ូ វុទ្ធី ភេទ​ប្រុស លំនៅ​ស្រុក​សំឡូត​ខេត្តបាត់ដំបង​នោះ ត្រូវបាន​ឃាត់​ចាប់​និង​ផាកពិន័យ​ប្រាក់​ពន្ធ ដោយ​មន្ដ្រី​គយ​សហការ​ជាមួយ​មន្ដ្រី​យោធា​ការិយាល័យ ​ទី​២ មន្ដ្រីនគរបាល​ប៉ុស្ដិ៍​រដ្ឋបាល​ឃុំ​បឹងបេង មន្ដ្រីនគរបាល​ព្រំដែន​វរៈ ៨១៥ មន្ដ្រីនគរបាល​ប្រឆាំង​បទល្មើស​សេដ្ឋកិច្ច និង​មន្ដ្រី​កងរាជអាវុធហត្ថ​ស្រុក​ម៉ាឡៃ​។ នេះ​បើតាម​ការដឹក​ពី​លោក ឈុន សុទ្ធា​សុ​វណ្ណា​រី នៃ​គយ​ចល័ត​ក្រសួង​ប្រចាំខេត្ត​បន្ទាយមានជ័យ​។​
​    ​
​ការឃាត់​នោះ ធ្វើឡើង​នៅវេលា​ម៉ោង ៤ និង ២៥ ទៀបភ្លឺ​ថ្ងៃទី​២៩ សីហា ២០១៤ ផ្លូវជាតិ​លេខ​៥៩ ភូមិ​ចម្បក់ ឃុំ​បឹងបេង ស្រុក​ម៉ាឡៃ បន្ទាប់ពី​សង្ស័យ​លើ​រថយន្ដ​ដែល​ដឹកទំនិញ​គីប ចេញទៅ​ប្រទេស​ថៃ ហើយ​តែងតែ​វិល​មកវិញ​នៅ​ម្ដុំ​ម៉ោង ១១ ទៅ ១២ យប់ តែ​លើក​នេះ​បាន​វិល​មកវិញ​នៅ​ម៉ោងជាង ៤ ទៀបភ្លឺ​។​
​    ​
​លោក សុខ ភារ​ម្យ ភ្នាក់ងារ​ក្រុម​គយ​ចល័ត​អគ្គនាយកដ្ឋាន​គយ​និង​រដ្ឋាករ​ប្រចាំខេត្ត​ បន្ទាយមានជ័យ ឲ្យ​ដឹង​ថ្ងៃទី​២៩ សីហា ថា ដោយ​ក្រុមហ៊ុន​ទទួល​សិទ្ធិ​នាំចូល​ម៉ូតូ និង​មន្ដ្រី​គយ​រឹតបន្ដឹង​ខ្លាំងប្រាក់​ពន្ធគយ និង​ផាកពិន័យ​ម៉ូតូ ១ គ្រឿង​ពីមុន​តម្លៃ​ស្មើ ៧១០ ដុល្លារ ឥឡូវ​អាច​ឡើងដល់ ១.០០០ ដុល្លារ​។ ក្រុមហ៊ុន គេ​ប៉ាវ​ផ្ដាច់មុខ ដើម្បី​កុំ​ឲ្យ​មាន​អំពើ​រត់ពន្ធ​។ បើ​រត់ពន្ធ ហើយ​ត្រូវ​ចាប់បាន ក៏ត្រូវ​បង់​ផាកពិន័យ​ខ្ពស់ ទើប​តម្លៃ​លក់​ម៉ូតូ​មិនអាច​ប្រជែង​ទីផ្សារ នឹង​ម៉ូតូ​របស់​ក្រុមហ៊ុន​បាន​៕H/L
ប្រភពពី CEN