យីឌុបបុកម៉ូតូទាំង ព្រឹកស្លាប់ប្រពន្ធ និងប្តីរងរបួសធ្ងន់
ខេត្ត
រតនគិរី
៖ ហេតុការណ៍គ្រោះថ្នាកចរាចរណ៍ដែលបង្កឡើងដោយរថយន្តនិងម៉ូតូ
ទាំងព្រឹក
នៅកណ្តាលក្រុងបានលុង បណ្តាអោយមនុស្សម្នាក់ស្លាប់ភ្លាមៗ
និងរងរបួសធ្ងន់ម្នាក់ ។ហេតុការណ៍ដ៏រន្ធត់នេះបានកើតឡើងកាលពីវេលាម៉ោង៨ព្រឹក ថ្ងៃទី២៦ ខែសីហា ឆ្នាំ២០១៤ នៅត្រង់ចំណុចផ្លូវបំបែកជា៤ ក្បែរ ផ្ទះសំណាក់យីហោហេង ហេង រតនៈវិឡា ស្ថិតក្នុងភូមិអភិវឌ្ឍន៍ សង្កាត់ឡាបានសៀក ក្រុងបានលុង ។
តាមការះអោយដឹងពីមន្ត្រីនគរបាលចរាចរណ៍នៃស្នងការដ្ឋាននគរបាល ខេត្ត បានអោយដឹងថា កាលពីវេលាម៉ោងខាងលើ រថយន្តប្រភេទ យីឌុប អត់ស្គាល់ស្លាកលេខ ធ្វើដំណើរក្នុងទិសដៅពីជើងទៅត្បូងក្នុងល្បឿនមធ្យម តាមកំណាត់ផ្លូវជាតិលេខ៧៨A ខណៈមកដល់ចំណុចកើតហេតុខាងលើ ស្រាប់តែមានម៉ូតូមួយគ្រឿងបើកបរក្នុងល្បឿនលឿនក្នុងទិសដៅពី កើតទៅលិច ក៏ប៉ះទង្គិចគ្នាជាមួយរថយន្តពេញទំហឹង បណ្តាលអោយ មនុស្សស្លាប់ភ្លាមម្នាក់ និងរងរបួសធ្ងន់ម្នាក់ ។ប្រភពបានបន្តទៀតថា ជនរងគ្រោះត្រូវបានគេស្គាល់ឈ្មោះ ស្មាន សាឡែស ភេទប្រុស អាយុ៥៤ឆ្នាំជនជាតិខ្មែរអ៊ិស្លាម មានទី លំនៅបច្ចុប្បន្ននៅភូមិជ្រៃ សង្កាត់យក្ខឡោម ក្រុងបានលុង ខេត្ត រតនគិរី(រងរបួសធ្ងន់អ្នកបើកបរម៉ូតូ) និងឈ្មោះ ឡែស ម៉ារី អាយុ៥០ឆ្នាំ ជនជាតិខ្មែរអ៊ិស្លាម ត្រូវជាប្រពន្ធ បានស្លាប់ភ្លាមៗនៅកន្លែងកើតហេតុ ជិះម៉ូតូម៉ាកវ៉េវS ពណ៌ខ្មៅ ពាក់ស្លាកលេខរតនគិរី 1A-3649 ។ ចំណែករថយន្តដែលបង្កមិនស្គាល់ អ្នកបើកបរក្រោយពេលកើតហេតុបានបើករត់គេចខ្លួនដោយសុវត្ថិភាព ។
ក្រោយពេលកើតហេតុ នគរបាលចរាចរណ៍នៃស្នងការដ្ឋានខេត្ត បានចុះមកធ្វើការវាស់វែង នាំយកម៉ូតូជនរងគ្រោះទៅរក្សាទុកនៅស្នងការដ្ឋាននគរបាលខេត្ត ចំណែកជនរងគ្រោះ(ជាប្តី)បញ្ជូនទៅសង្គ្រោះបន្ទាន់នៅឯមន្ទីរ ពេទ្យបង្អែកខេត្តតាមរថយន្តសាមុយ ។ ចំណែកសាកសពប្រពន្ធជនរងគ្រោះដែលបានស្លាប់សមត្ថកិច្ចបានប្រគល់ទៅ អោយក្រុមគ្រួសារដើម្បីធ្វើបុណ្យទៅតាមប្រពៃណី ។ ដោយឡែក ចំពោះរថយន្តដែលបង្កម៉ាកយីឌុប សមត្ថកិច្ចកំពុងតាមស្វែងរក ដើម្បីមកដោះស្រាយតាមនីតិវិធី ៕
_______________________
ប្រភពពីនគរវត្ត
