ភ្នំពេញ ៖ ប្រជាពលរដ្ឋ និងកម្លាំងសមត្ថ កិច្ចជាច្រើននាក់ បាននាំគ្នាឡោមព័ទ្ធបឹង កំបោ្លកមួយកន្លែង ស្ថិតនៅតាមផ្លូវលេខ ៣៧១ សង្កាត់បឹងទំពុន ខណ្ឌមានជ័យ កាល ពីវេលាម៉ោង១០និង៣០នាទីព្រឹកថ្ងៃទី២៥ ខែសីហា ឆ្នាំ២០១៤ ក្រោយពីជនសង្ស័យរូប នេះ បានវាយយកគ្រឿងអលង្កាពីក្មេង ស្រី ម្នាក់នៅចំណុចនោះ ។

សេចក្ដីរាយការណ៍ ពីប្រជាពលរដ្ឋបានឱ្យដឹងថា ក្មេងស្រីម្នាក់ ត្រូវបានជនសង្ស័យ វាយយកគ្រឿង អលង្កាពីខ្លួន រួចហើយរត់ ចូលទៅបឹងកំប្លោក ប៉ងគេចខ្លួន ប៉ុន្ដែត្រូវបាន ប្រជាពលរដ្ឋដឹងទាន់ ក៏នាំគ្នាចុះទៅឡោម ព័ទ្ធបឹងកំបោ្លក រួមជាមួយសមត្ថកិច្ចដើម្បី តាមប្រមាញ់មុខ សញ្ញារូបនេះ ។

យោងតាមប្រភពព័ត៌មានពីសមត្ថកិច្ច បានឱ្យដឹងថា ជនរងគ្រោះដែលត្រូវជនសង្ស័យ មានគ្នាតែ ម្នាក់ឯងឡើងវាយយកលុយនិង គ្រឿងអលង្កាដល់លើផ្ទះនោះ ឈ្មោះស៊ុត យ៉ាវឌី អាយុជិត២០ឆ្នាំ មុខរបរជាអ្នករកស៊ី បេះត្រកួន រស់នៅជាមួយម្ដាយឈ្មោះហេង សុខជា អាយុ៤៥ឆ្នាំ ក្នុងភូមិក្បាលទំនប់ សង្កាត់បឹងទំពុន ខណ្ឌមានជ័យ ។ ហើយ នៅពេលកើតហេតុនោះ ជនរងគ្រោះនៅផ្ទះ តែម្នាក់នោះទេ ខណៈដែលស្ដ្រីជាម្ដាយចេញ ទៅក្រៅ ។

បើតាមសមត្ថកិច្ច មុនពេលកើតហេតុជន រងគ្រោះងូតទឹកនៅក្រោមផ្ទះ កាលពីវេលា ម៉ោង១០និង ៣០នាទីព្រឹកថ្ងៃទី២៥ ខែសីហា ឆ្នាំ២០១៤ ហើយក្រោយពីងូតទឹករួចជនរង គ្រោះ បានឡើងទៅលើផ្ទះ ពេលនោះជន សង្ស័យឆ្លៀតឱកាសបានឡើងទៅតាមក្រោយ ក៏ខ្ទប់ទ្វារសំឡុត ជនរងគ្រោះនិងវាយពីរបី ដៃ ប្លន់យកលុយអស់ចំនួន៤៧០ដុល្លារនិង គ្រឿងអលង្កាមួយចំនួន ប៉ុន្ដែមិនដឹងប៉ុន្មាន នៅឡើយទេ ។

បើតាមសមត្ថកិច្ចក្រោយវាយជនរងគ្រោះ និងប្លន់យកទ្រព្យសម្បត្ដិរួចហើយ ជនសង្ស័យ រូបនេះបាន រត់គេចខ្លួនបាត់ ធ្វើឱ្យមានការភ្ញាក់ ផ្អើលដល់ប្រជាពលរដ្ឋ និងសមត្ថកិច្ចអាជ្ញា ធរមូលដ្ឋាន ចុះទៅកាន់ កន្លែងកើតហេតុភ្លាមៗ ហើយនាំគ្នាឡោមព័ទ្ធនិងរាវរកនៅក្នុងបឹង កំបោ្លក ដោយគិតថា ជនសង្ស័យបាន ពួននៅ ទីនោះ ប៉ុន្ដែអស់រយៈពេលជាច្រើនម៉ោងមិន បានរកឃើញជនសង្ស័យនោះឡើយ ។