ក្មេងប្រុសអាយុ១៥ឆ្នាំ រំលោភក្មេងស្រី អាយុ៧ឆ្នាំបានសម្រច ៧ដងត្រូវសមត្ថកិច្ចចាប់ខ្លួន
ខេត្ដសៀមរាប
៖ ក្មេងប្រុសអាយុ១៥ឆ្នាំម្នាក់ ត្រូវបានសមត្ថកិច្ចឃាត់ខ្លួន
បន្ទាប់ពីបានរំលោភសេពសន្ថវៈទៅលើ
ក្មេងស្រីជីដូនមួយអាយុ៧ឆ្នាំបានសម្រេចចំនួន៧ដងនៅប្រទេសម៉ាឡេ
ស៊ី រួចហើយ
ស្ដ្រីជាម្ដាយក្មេងស្រីរងគ្រោះបានទៅប្ដឹងសមត្ថកិច្ចនិងអង្គការ
ការពារសិទ្ធិកុមារនៅក្នុងស្រុកខ្មែរឱ្យជួយធ្វើអន្ដរាគមន៍ ។
ហេតុការណ៍ឃាត់ខ្លួនជនសង្ស័យដែលមិនទាន់បាត់ធុំក្លិនទឹកដោះម្ដាយ ហើយ ប្រព្រឹត្ដ
អំពើគួរឱ្យស្អប់ខ្ពើមនេះបានធ្វើ ឡើងនៅម៉ោង១០ព្រឹក
ថ្ងៃទី២៤ខែសីហា ឆ្នាំ២០១៤ នៅក្នុងសង្កាត់គោកចក ក្រុង
សៀមរាបបន្ទាប់ពីលិខិតឆ្លងដែនជន សង្ស័យរូបនោះផុតកំណត់ហើយបាន
ត្រឡប់ចូលប្រទេសសីហាវិញ ។
លោកវរសេនីយ៍ឯក ថង សាគុណ
ស្នងការរងទទួលបន្ទុកកណ្ដាលយុត្ដិធម៌
នៃស្នងការដ្ឋាននគរបាលខេត្ដសៀមរាប
បានឱ្យដឹងតាមទូរសព្ទ័នៅព្រឹកថ្ងៃទី២៥ ខែសីហាថា
ករណីនេះត្រូវបានខាងអង្គ ការការពារសិទ្ធិកុមារនិងគ្រួសារជនរង
គ្រោះបានធ្វើការតាមដានចាប់តាំងពី
ប្រទេសម៉ាឡេស៊ីរហូតឈានមកធ្វើការ
ចាប់ខ្លួនជនសង្ស័យទៅតាមពាក្យបណ្ដឹង របស់ម្ដាយក្មេងស្រីរងគ្រោះ
។
លោកបន្ដថា យោងតាមពាក្យបណ្ដឹង
របស់ម្ដាយក្មេងស្រីរងគ្រោះបានឱ្យដឹងថា ជនសង្ស័យមានឈ្មោះមាស ពៅ
អាយុ ១៥ឆ្នាំ មានស្រុកកំណើតភូមិគាប ឃុំទឹក ថ្លា
ក្រុងសិរីសោភ័ណ ខេត្ដបន្ទាយ
មានជ័យបានទៅស្នាក់នៅប្រទេសម៉ាឡេស៊ីជាមួយបងប្អូន
ហើយក៏មានគំនិតមិនល្អ រហូតចាប់រំលោភលើប្អូនស្រីជីដូនមួយ
ដែលមានអាយុ៧ឆ្នាំបានសម្រេចចំនួន៧ដងទើបបែកការណ៍មកដល់ម្ដាយ
ក្មេង ស្រីរងគ្រោះក៏ប្ដឹងឱ្យសមត្ថកិច្ចចាប់ ខ្លួនតែម្ដង ។
លោកស្នងការរងបានបន្ថែមថា នៅ
ក្នុងការសាកសួរជនសង្ស័យបានសារ ភាពថា ខ្លួនពិតជាបានចាប់រំលោភទៅ
លើប្អូនស្រីជីដូនមួយឈ្មោះ ធ ស អ ខ អាយុ៧ឆ្នាំប្រាកដមែន
កាលរស់នៅ ប្រទេសម៉ាឡេស៊ី ។ ករណីនេះកម្លាំង
នគរបាលព្រហ្មទណ្ឌកម្រិតធ្ងន់នៃស្នង
ការដ្ឋាននគរបាលខេត្ដសៀមរាបកំពុង
រៀបចំកសាងសំណុំរឿងបញ្ជូនជនសង្ស័យទៅតុលាការដើម្បីចាត់ការបន្ដតាម
ផ្លូវច្បាប់ ៕
