នារីលក់ស្រាបៀរ ម្នាក់ត្រូវបុរសជាមេការ សំណង់ចាប់ច្របាច់ សុដន់ដល់ក្នុងបន្ទប់ជួល
ខេត្ត
កណ្តាល ៖
នារីម្នាក់ជាអ្នកលក់ស្រាបៀរគីនេសនៅក្នុងហាងផឹកស៊ីយីហោវិល
វិញ ត្រូវបានបុរសជាមេការសំណង់ស្នាក់នៅបន្ទប់ជួលក្បែរគ្នា
ច្រានទ្វារចូលទៅក្នុងបន្ទប់ជួលផ្ទាល់ខ្លួនរបស់នាង
ហើយបានធ្វើសកម្មភាពចាប់ច្របាច់សុដន់ធ្វើឲ្យនាងស្រែកឆោឡោឡើង
បង្កការភ្ញាក់ផ្អើលដល់ប្រជាពលរដ្ឋ
និងម្ចាស់ផ្ទះជួលប្តឹងសមត្ថកិច្ចនគរបាលមូលដ្ឋាន
ឲ្យជួយអន្តរាគមន៍ឃាត់ខ្លួនបុរសជាមេការសំណង់កំហូច
បញ្ជូនទៅកាន់អធិការដ្ឋាននគរបាលក្រុងតាខ្មៅ
ដើម្បីកសាងសំណុំរឿងចាត់ការតាមច្បាប់ ។ហេតុការណ៍បៀតបៀនកេរ្តិ៍ខ្មាស់ទៅលើនារីលក់ស្រាបៀរនេះ កើតឡើងកាលពីវេលាម៉ោង១៣និង៣០នាទី ថ្ងៃទី២៨ ខែសីហា ឆ្នាំ២០១៤ ត្រង់ចំណុចបន្ទប់ជួលស្នាក់នៅរបស់ជនរងគ្រោះ ស្ថិតក្នុងភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល ។
មន្ត្រីនគរបាលក្រុងតាខ្មៅបានឲ្យដឹងថា នារីរងគ្រោះមានឈ្មោះ ប៊ន វាសនា ភេទស្រី អាយុ២៣ឆ្នាំ មុខរបរកល់ស្រាបៀរគីនេសនៅហាងផឹកស៊ីយីហោវិលវិញ បច្ចុប្បន្នស្នាក់នៅបន្ទប់ផ្ទះជួលក្នុងភូមិ-ឃុំកើតហេតុខាងលើ និងមានស្រុកកំណើតក្នុងភូមិចុងថ្នល់ ឃុំយាង ស្រុកពួក ខេត្តសៀមរាប ។ ចំណែកជនសង្ស័យមានឈ្មោះ សាខន វីយ៉ា ភេទប្រុស អាយុ២៨ឆ្នាំ មុខរបរជាមេការសំណង់ បច្ចុប្បន្នស្នាក់នៅបន្ទប់ផ្ទះជួលក្បែរបន្ទប់ជួលរបស់នារីរង គ្រោះ និងមានស្រុកកំណើតនៅភូមិក្តីស្លា ឃុំស្វាយជ្រុំ ស្រុកស្វាយជ្រុំ ខេត្តស្វាយរៀង ។
ប្រភពដដែលបានបន្តថា នៅមុនពេលកើតហេតុវេលារសៀល ថ្ងៃទី២៨ ខែសីហា ឆ្នាំ២០១៤ ជនរងគ្រោះបាននៅអង្គុយហូបក្តាមប្រៃនៅខាងមុខបន្ទប់ជួលរបស់ ខ្លួន ហើយជនសង្ស័យក៍បានដើរកាត់តាមមុខបន្ទប់ជួលទៅទិញស្រាបៀរនៅ ក្បែរនោះមកផឹក ។ ពេលត្រឡប់មកវិញ ជនសង្ស័យក៍បានបក់ដៃហៅជនរងគ្រោះឲ្យទៅជាមួយ តែជនរងគ្រោះពុំបានយល់ព្រមទៅជាមួយនោះទេ ព្រោះជាមនុស្សមិនដែលស្គាល់គ្នា បន្ទាប់មកជនរងគ្រោះក៏បានដើរចូលទៅក្នុងបន្ទប់ជួលរួចចាក់ គន្លឹះទ្វារពីខាងក្នុង ។ លុះមួយសន្ទុះក្រោម មកជនសង្ស័យក៏បានដើរទៅស្រែកហៅជនរងគ្រោះឲ្យបើកទ្វារទាំងសភាព ស្រវឹងជោកជាំ ។
ប្រភពដដែលបានបន្តថា ពេលឮដូច្នេះជនរងគ្រោះមិនបានបើកទ្វារតាមការស្រែងហៅរបស់ជន សង្ស័យនោះទេ រហូតដល់មានសភាពស្ងាត់ដោយនឹកស្មានថា ជនសង្ស័យត្រឡប់ទៅវិញបាត់ហើយនោះ ជនរងគ្រោះក៏បានបើកទ្វារក្នុងគោលបំណងចេញមកក្រៅ រំពេចនោះជនសង្ស័យដែលកំពុងអង្គុយសំងំនៅមាត់ទ្វារបានស្ទុះច្រាន ទ្វារចូលទៅក្នុងបន្ទប់ចាប់ច្របាច់សុដន់នាងទាំងកំរោល ធ្វើឲ្យនាង ស្រែកផ្អើលឆោឡោដល់ប្រជាពលរដ្ឋជិតខាង និងម្ចាស់បន្ទប់ជួលទូរស័ព្ទប្តឹងសមត្ថកិច្ចនគរបាលមូលដ្ឋានឲ្យ ជួយអន្តរាគមន៍ឃាត់ខ្លួនជនសង្ស័យ បញ្ជូនទៅកាន់អធិការដ្ឋាននគរបាលក្រុងតាខ្មៅ ដើម្បីចាត់ការតាមនីតិវិធីច្បាប់ ។
ជនសង្ស័យឈ្មោះ សាខន វីយ៉ា បានសារភាពថា នៅមុនពេលកើតហេតុរូបគេបានផឹកស្រារហូតស្រវឹងជោកជាំ ខណៈនោះក៏បានឃើញជនរងគ្រោះនៅបន្ទប់ម្នាក់ឯង ក៏បានបក់ដៃហៅជនរងគ្រោះឲ្យមកតាមខ្លួននៅបន្ទប់ តែដោយសារមិនឃើញជនរងគ្រោះមកក៍ទៅហៅដល់បន្ទប់ហើយនាងមិនព្រម បើកទ្វារក៏អង្គុយចាំ ។ ជនសង្ស័យបានបន្តថា មួយសន្ទុះក្រោយមកនារីរងគ្រោះបើកទ្វារបន្ទប់រូបគេ ក៏បានច្រានទ្វារចូលទៅក្នុង ហើយបានចាប់ច្របាច់សុដន់នាងតែម្តង ។
លោកវរសេនីយ៍ត្រី ស៊ឹម ប៊ុតបណ្ឌិត អធិការនគរបាលក្រុងតាខ្មៅបានបញ្ជាក់ថា បន្ទាប់ពីមានពាក្យបណ្តឹង និងចម្លើយសារភាពរបស់ជនសង្ស័យរួចមក លោកបានបញ្ជាឲ្យកម្លាំងនគរបាលជំនាញកសាងសំណុំរឿង ដើម្បីបញ្ជូនខ្លួនជនសង្ស័យទៅកាន់ស្នងការដ្ឋាននគរបាលខេត្តកណ្តា ល ចាត់ការបន្តតាមនីតិវិធីច្បាប់ ៕
____________________
ប្រភពពីនគរវត្ត
