ស្ត្រីម្នាក់ខឹងប្តីទារលុយ យកទៅលេងល្បែង លោតពីលើផ្ទះជាន់ទី២ របួសធ្ងន់
ភ្នំពេញ
៖ ស្ត្រីម្នាក់តូចចិត្តប្តីទារលុយយកទៅលេងល្បែង
និងពិបាកចិត្តខ្លាំងពេកបានលោតពីលើផ្ទះជាន់ទី២
បណ្តាលឲ្យរងរបួសធ្ងន់តែម្តង ។កើតហេតុកាលពីវេលាម៉ោង៥ល្ងាច ថ្ងៃទី១៧ ខែសីហា ឆ្នាំ២០១៤ ចំណុចផ្ទះលេខ៩៧E2 ផ្លូវលេខ២១៧ ក្នុងសង្កាត់អូរឫស្សទី៣ ខណ្ឌ៧មករា ។
ស្ត្រីរងគ្រោះឈ្មោះ សុខ ណារីន អាយុ២៥ឆ្នាំ មុខរបរលក់ដូរ រីឯប្តីកំហូចឈ្មោះ សុខ យិន អាយុ៤៣ឆ្នាំ មុខរបរលក់ដូរ ។
ប្រភពព័ត៌មានពីអ្នកជិតខាងនិងសាច់ញាតិស្ត្រីរងគ្រោះបានឲ្យ ដឹងថា មុនពេលកើតហេតុប្តីប្រពន្ធបានឈ្លោះប្រកែកគ្នាព្រោះប្តីបានទារ លុយពីប្រពន្ធយកទៅលេងល្បែង ហើយប្រពន្ធមិនព្រមឲ្យក៏មានខឹងសម្បានឹងគ្នា ធ្វើឲ្យប្រពន្ធទ្រាំនឹងទង្វើដដែលៗរបស់ប្តីមិនបាន ហើយណាមួយពិបានចិត្តនឹងជីវភាពគ្រួសារផងក៏សម្រេចចិត្តលោតពីលើ ផ្ទះជាន់ទី២ តែសំណាងល្អស្ត្រីរងគ្រោះគ្មានគ្រោះថ្នាក់ដល់ជីវិតនោះទេ ។
ក្រោយពីកើតហេតុសាច់ញាតិបានដឹកស្ត្រីរងគ្រោះយកពីសង្គ្រោះនៅមន្ទីរពេទ្យភ្លាមៗផងដែរ ៕
_________________
ប្រភពពីនគរវត្ត
