“Expendables 3” ភាពយន្តថ្មីរបស់រ៉ាំបូ និងលីលានជា វិលមកវិញហើយ!!!!
កំពូលខ្សែភាពយន្តបាញ់ប្រហារដ៏ល្បីល្បាញ “Expendales” ដែលប្រជុំដោយតារាល្បីៗទាំងអាមេរិក និងអាស៊ី នឹងចេញវគ្គ ៣របស់ខ្លួននៅខែក្រោយនេះហើយ ប៉ុន្តែខ្សែភាពយន្តនេះមានបម្រាមមិនឲ្យក្មេងអាយុក្រោម ១៣ឆ្នាំចូលទស្សនានោះទេ។
សមាគមភាពយន្តអាមេរិក (MPAA) បានធ្វើការបញ្ជាក់កាលពីដើមសប្ដាហ៍នេះ ថា ខ្សែភាពយន្ត “Expendables 3” មិនអាចបើកទូលាយសម្រាប់អ្នកទស្សនាគ្រប់វ័យឡើយ ដោយសារមានរូបភាពអំពើហិង្សា បាញ់ប្រហារ សាហាវៗច្រើន។ ទោះយ៉ាងណាគេនៅតែរំពឹងខ្ពស់ថាភាពយន្តនេះនៅតែទទួលបានចំណូលច្រើន ខណៈវគ្គ ២ដែលចេញកាលពីឆ្នាំ២០១០ មានការកំណត់អាយុអ្នកទស្សនាខ្ពស់ជាងនេះទៅទៀត (១៩ឆ្នាំ) ប៉ុន្តែនៅតែរកបានចំណូលជាង ៣១១លានដុល្លារ ដែលស្មើនឹងទុនចំណាយ ៣ដង។
“Expendables”វគ្គថ្មីនេះ នឹងមានការវិលត្រលប់របស់តួល្បីៗក្នុងវគ្គមុនៗដូចជា Sylverster Stallone (រ៉ាំបូ), Joson Statham, Jet Li (លីលានជា), Dolph Lundgren, Randy Couture, Terry Crews, និង Arnold Schwarzenegger។ ចំណែកតួថ្មីៗមានដូចជា Kellan Lutz, Ronda Rousey, Victor Ortiz, Glen Powell និង Robert Davi។
“Expendables 3” នឹងចាប់ផ្ដើមបញ្ចាំងនៅអាមេរិក និងកម្ពុជានៅថ្ងៃទី១៥ ខែសីហា ឆ្នាំ២០១៤។
ទស្សនាឈុតខ្លីៗ៖
