ភូមិគ្រឹះអតីតស្នងការនគរបាល ខេត្ដព្រះសីហនុសង់លើដីតំបន់ ព្រៃទប់ប្រឈមនឹងការវាយកម្ទេចចោល
ខេត្ដព្រះសីហនុ ៖
បើតាមការលើកឡើងពីមន្ដ្រីក្រសួងក៏ដូចជាមន្ទីររៀបចំដែនដី
នគរូបនីយកម្មសំណង់
និងសុរិយោដីខេត្ដព្រះសីហនុភូមិគ្រឹះដ៏ធំស្គឹមស្គៃ
របស់អតីតស្នងការនគរបាលខេត្ដព្រះសីហនុលោកតាក វណ្ណថា
អាចប្រឈមនឹងការវាយកម្ទេចចោលធ្វើជាគំរូដូចអ្វីដែលកន្លងទៅ
ក្រសួងធនធានទឹកនិងឧតុនិយមដឹកនាំដោយលោករដ្ឋមន្ដ្រីលឹម គានហោ
ធ្លាប់ប្រើគ្រឿងចក្រវាយរលំ ទៅលើភូមិគ្រឹះធំៗនៅតំបន់ទំនប់កប់
ស្រូវនោះផងដែរ ។
មន្ដ្រីដដែលបានលើកឡើងយ៉ាងដូច្នេះ
ខណៈរាជរដ្ឋាភិបាលបានចាត់ឱ្យប្រតិភូ
របស់ក្រសួងបរិស្ថានសចុះមកពិនិត្យ ជាក់ស្ដែងកាលពីថ្ងៃទី១០
ខែមិថុនា ឆ្នាំ ២០១៤ ជុំវិញសំណង់មិនប្រក្រតីជាច្រើន
ឋិតនៅតំបន់ព្រៃទប់ដែលជាបឹងប្រវត្ដិ
សាស្ដ្រស្ដុបទឹកស្អាតទាំងពីសម័យដូនតា
សម្រាប់បម្រើឱ្យតម្រូវការរបស់ប្រជាពលរដ្ឋក្នុងខេត្ដព្រះសីហនុ
នោះ ។
មន្ដ្រីជំនាញអះអាងថា មកទល់ពេល
នេះសំណង់ដ៏ស្គឹមស្គៃរបស់លោកតាក វណ្ណថា
បានសង់សម្រេចស្ទើរ៨០ភាគ រយ ប៉ុន្ដែសំណង់នេះឋិតនៅក្នុងតំបន់
ហាមឃាត់
ដាច់ខាតត្រូវប្រឈមនឹងការវាយកម្ទេចចោលលើកលែងតែលំនៅឋានរបស់
ប្រជាពលរដ្ឋរស់នៅជាក់ស្ដែងរស់នៅជិតវត្ដឥន្ទញាណ
និងជិតអង្គភាពរដ្ឋាករទឹកនោះតែប៉ុណ្ណោះ ។
មន្ដ្រីសាលាខេត្ដព្រះសីហនុបានធ្លោយឱ្យ
ដឹងថា ការចុះមកពិនិត្យជាក់ស្ដែង
ដោយក្រុមប្រតិភូក្រសួងបរិស្ថាននៅ
លើដីតំបន់ព្រៃទប់ដែលជាបឹងស្ដុបទឹក
ប្រវត្ដិសាស្ដ្រតាំងពីសម័យដូនតាគ្រប់ គ្រងដោយរដ្ឋ
រកឃើញនូវភាពមិន ប្រក្រតីនៃអំពើឃុបឃិតគ្នាបែបលក្ខណៈ
ប្រព័ន្ធពីសំណាក់ថ្នាក់ដឹកនាំ
មន្ដ្រីជំនាញនិងអាជ្ញាធរខេត្ដព្រះសីហនុ (សម័យ លោកស្បោង
សារ៉ាត់មកម្ល៉េះ) ។
ប៉ុន្ដែបច្ចុប្បន្ននេះរាល់ការចេញប្លង់កម្មសិទ្ធិ
-លក់-ទិញ-ផ្ទេរកម្មសិទ្ធិ ជួល បញ្ចាំ ឬ
អំណោយទានណាមួយត្រូវបានហាមឃាត់ និងផ្អាកជាបណ្ដោះអាសន្នហើយ
ដូច្នេះ ការដកហូតដីរបស់រដ្ឋលើដីទាំងនោះឋិត
ក្នុងបឹងស្ដុបទឹកត្រូវវាយកម្ទេចសំណង់
ធំៗឬមួយយ៉ាងណានោះជាសិទ្ធិសម្រេច របស់ក្រសួងបរិស្ថាន
និងរាជរដ្ឋាភិបាល ។
គួររំលឹកផងដែរ តំបន់ព្រៃទប់ជាបឹង
ប្រវត្ដិសាស្ដ្រស្ដុបទឹកស្អាតសម្រាប់បម្រើ
ឱ្យប្រជាពលរដ្ឋនៅក្នុងក្រុង-ខេត្ដព្រះ សីហនុប្រើប្រាស់ ។
ពួកគាត់ដែលរស់នៅម្ដុំដីតំបន់ព្រៃទប់បានរំលឹកផងដែរ
ពីអតីតកាលដែលអាជ្ញាធរខេត្ដ អាជ្ញាធរក្រុងព្រះសីហនុ ដឹកនាំដោយ
លោកសាយ ហាក់ គឺនៅថ្ងៃទី២៨ ខែ ឧសភា ឆ្នាំ២០០៥
រាល់សំណង់ខុសច្បាប់ ដែលហ៊ានសង់រំលោភបំពានលើដីបឹង
បឹងដីចំណីបឹងព្រែកទប់ ក្រៅពីដីរបស់ ប្រជាពលរដ្ឋចំនួន៥១គ្រួសារ
សម្ដេច តេជោនាយករដ្ឋមន្ដ្រីសបានដាក់បទ
បញ្ជាយ៉ាងម៉ឺនម៉ាត់ឱ្យលោកសាយ ហាក់ វាយកម្ទេចចោល
បើទោះជាសំណង់ទាំង នោះជារបស់អ្នកណាក៏ដោយ
ហើយប្រជាពលរដ្ឋគាំទ្រអនុសាសន៍ សម្ដេចតេជោ
ការពារនូវបឹងធម្មជាតិ
ដែលបម្រើឱ្យតម្រូវការរបស់ប្រជាពលរដ្ឋទូទៅក្នុងក្រុង-ខេត្ដព្រះ
សីហនុ ។
មន្ដ្រីសាលាខេត្ដព្រះសីហនុបាននិយាយ
សំណង់ភូមិគ្រឹះដ៏ស្គឹមស្គៃរបស់លោក តាក វណ្ណថា
ដែលសង់បានប្រមាណ៨០ ភាគរយនោះគឺឋិតនៅលើដីតំបន់ដែល
អតីតចៅហ្វាយក្រុងព្រះសីហនុ លោក សាយហាក់ ធ្លាប់ដឹកនាំសមត្ថកិច្ច
មន្ដ្រី ជំនាញវាយកម្ទេចចោល អនុវត្ដតាម
បទបញ្ជាដ៏តឹងតែងរបស់សម្ដេចតេជោ នាយករដ្ឋមន្ដ្រី
ដូច្នេះសំណង់ភូមិគ្រឹះដ៏ ស្គឹមស្គៃរបស់លោកតាក់ វណ្ណថា
ក៏អាចប្រឈមនឹងការវាយកម្ទេចចោល បន្ទាប់
ពីប្រតិភូក្រសួងបរិស្ថានចុះមកស៊ើប
អង្កេតពិនិត្យឃើញជាក់ស្ដែងរកឃើញពី
ភាពមិនប្រក្រតីរំលោភយកដីបឹងព្រែកទប់នេះ ។
ទាក់ទិននឹងករណីនេះ នគរវត្ដមិនអាច
ទំនាក់ទំនងបានទេពីប្រតិភូក្រសួងបរិស្ថាន
ក៏ដូចជាម្ចាស់សំណង់លោកតាក់ វណ្ណថា កាលពីរសៀលថ្ងៃទី៤
ខែកក្កដា ឆ្នាំ២០១៤ ដោយគ្មានលេខទូរស័ព្ទ ៕
ប្រភពពី នគរវត្ត
