បុរសម្នាក់ត្រូវសាំងឆេះរង របួសធ្ងន់ធ្ងរនៅពេលចាក់ សាំងម៉ូតូជក់បារី
ខេត្ត
បន្ទាយមានជ័យ ៖ បុរសម្នាក់ត្រូវភ្លើងឆេះរាលដាលពេញខ្លួន
បណ្តាលឲ្យរងរទៅបួសធ្ងន់
ត្រូវក្រុមគ្រួសារដឹកបញ្ជូនយកសង្គ្រោះជីវិតនៅមន្ទីរពេទ្យ
ខណៈជនរងគ្រោះនៅពេលចាក់សាំងម៉ូតូទាញដែក កេះអុជជក់បារី ។
ហេតុការណ៍នេះកើតឡើងកាលពីល្ងាចថ្ងៃទី០២ ខែកក្កដា ឆ្នាំ២០១៤
នៅចំណុចភូមិកំពង់ក្រសាំង ឃុំភ្នំលៀប ស្រុកព្រះនេត្រព្រះ
ខេត្តបន្ទាយមានជ័យ។ជនរងគ្រោះមានឈ្មោះ អាត សុភ័ក្ត្រ អាយុ២៥ឆ្នាំ បច្ចុប្បន្នរស់នៅភូមិ ឃុំ ខាងលើ។
តាមប្រភពព័ត៌មានពីនគរបាលស្រុកព្រះនេត្រព្រះ បានប្រាប់ឲ្យដឹងថា មុនពេលកើត ហេតុ ជនរងគ្រោះ អាត សុភ័ក្ត្រ បានឡើងជិះម៉ូតូបម្រុងទៅរកត្រីនៅឯស្រែ តែម៉ូតូអស់សាំងក៏ទៅទិញសាំងមួយលីត្រនៅផ្ទះអ្នកជិតខាងយកមក ចាក់ម៉ូតូ ។ នៅពេល ចាក់សាំងចូល ស្រាប់តែជនរងគ្រោះយកដែកកេះយកអុជបារីជក់ បណ្តាលឲ្យភ្លើងឆេះមកលើពេញរាងកាយយ៉ាងសន្ធោសន្ធៅតែម្តង ។ ឃើញដូច្នេះក្រុមគ្រួសារក៏នាំគ្នាដងទឹកចាក់ពន្លត់ភ្លើង ធ្វើឲ្យជនរងគ្រោះដេកសន្លប់បាត់ស្មារតីរបួសធ្ងន់ធ្ងរ ។ ភ្លាមៗនោះក្រុមគ្រួសារបានគេដឹកបញ្ជូនយកសង្គ្រោះជីវិតនៅ មន្ទីរពេទ្យបង្អែកមិត្តភាពកម្ពុជា- ជប៉ុន ស្រុកមង្គលបូរី ហើយមកដល់ពេល នេះគេពុំទាន់ ដឹងច្បាស់ថា ជនរងគ្រោះអាចគេចផុតពីគ្រោះដល់អាយុជីវិត ឬយ៉ាងណា នោះទេ ។ ដោយគេសង្កេតឃើញអាការៈជនរងគ្រោះនៅលើដងខ្លួន និងផ្ទៃមុខមានស្នាមភ្លើងឆេះរលួយរលេះទៅហើយនោះ។
បើតាមប្រភពព័ត៌មានដដែលបានប្រាប់ឲ្យដឹងទៀតថា ហេតុការណ៍នេះកើតឡើងដោយសារតែជនរងគ្រោះមានការធ្វេសប្រហែស មិនបានគិតដល់សុវត្ថិភាពចំពោះខ្លួន ពីព្រោះសាំងនិងភ្លើងនៅក្បែរគ្នាវាងាយនឹងបង្កឲ្យគ្រោះថ្នាក់ គ្រប់ពេលវេលា ៕
ប្រភពពី នគរវត្ត
