នារីម្នាក់ត្រូវសង្សារច្របាច់ កសម្លាប់នៅក្នុងបន្ទប់ ផ្ទះសំណាក់“អង្គរទិព្វ”
ខេត្ដសៀមរាប ៖
ស្ដ្រីម្នាក់ត្រូវបានគេប្រទះឃើញស្លាប់នៅក្នុងបន្ទប់ផ្ទះសំណាក់
“អង្គរទិព្វ” នៅកណ្ដាលក្រុងសៀមរាប
ជាន់ទី២ក្នុងបន្ទប់លេខ២០៥បង្កឱ្យភ្ញាក់
ផ្អើលដល់សមត្ថកិច្ចកាលពីម៉ោង១០ព្រឹក ថ្ងៃទី៩ ខែកក្កដានេះ
ស្ថិតនៅក្រុមទី២ ភូមិស្លក្រាម សង្កាត់ស្លក្រាម ។
នគរបាលក្រុងសៀមរាបបានប្រាប់ឱ្យដឹងថា
បើតាមសម្ដីអ្នករត់ម៉ូតូឌុបដែល
បានដឹកមនុស្សប្រុសស្រី២នាក់ពីស្ពានថ្មចូលមកផ្ទះសំណាក់អង្គរ
ទិព្វថាមនុស្ស ២នាក់នេះឱ្យគាត់រង់ចាំប្រហែល២ម៉ោង
ដើម្បីឌុបបន្ដទៅកន្លែងផ្សេងទៀត។
ប៉ុន្ដែក្រោយពីគាត់រង់ចាំរយៈពេល២ម៉ោង
មកគាត់មិនឃើញមនុស្សស្រីចុះមកជាមួយបុរសនោះទេ ។ ខណៈនោះបុរសរូប
នេះក៏បានឱ្យគាត់ឌុបបន្ដទៅតាមផ្លូវជាតិលេខ៦
ហើយពេលមកដល់កន្លែងបញ្ចូល ហ្គាសម៉ាស៊ីនត្រជាក់យីហោបាត់ដំបង
ស្ថិតនៅភូមិបន្ទាយចាស់ សង្កាត់ស្ល ក្រាម
គេក៏បានចុះពីលើម៉ូតូនិងឱ្យលុយ
គាត់រួចក៏បានគេចខ្លួនបាត់តែម្ដង ។
ប្រភពបន្ដទៀតថា លុះក្រោយមកនៅ
ម៉ោងប្រមាណជា១០ព្រឹកក្នុងថ្ងៃដដែលក៏មានការភ្ញាក់ផ្អើលពី
ម្ចាស់ផ្ទះសំណាក់អង្គរទិព្វប្ដឹងទៅសមត្ថកិច្ចថា មានមនុស្ស
ស្រីស្លាប់នៅក្នុងបន្ទប់ ។
ចំពោះនារីរងគ្រោះដែលគេសម្លាប់នោះឈ្មោះ
ភា ចាន់ទី អាយុ២៦ឆ្នាំ មានស្រុកកំណើត នៅខេត្ដឧត្ដរមានជ័យ
បច្ចុប្បន្នស្នាក់ នៅភូមិបន្ទាយស្រី ឃុំខ្នារសណ្ដាយ
ស្រុកបន្ទាយស្រី ខេត្ដ សៀមរាប ។ នគរបាលជំនាញបានហៅ
ករណីនេះជាអំពើឃាតកម្ម ប៉ុន្ដែនៅ
មិនទាន់ដឹងថាជារឿងប្លន់ឬគំនុំនោះទេ
ព្រោះមានស្នាមច្របាច់.ក ។
ប្រភពបន្ដទៀតថា ស្ដ្រីដែលស្លាប់
នេះសមត្ថកិច្ចបានទាក់ទងរកក្រុមគ្រួសារ នៅឯស្រុកបន្ទាយស្រី
តែរហូតដល់ល្ងាច ថ្ងៃដដែលនៅមិនទាន់រកឃើញក្រុម
គ្រួសារជនរងគ្រោះនៅឡើយទេ។
ចំណែកសពនារីរងគ្រោះត្រូវបានសមត្ថកិច្ចយកមករក្សាទុកនៅ
មន្ទីរពេទ្យបង្អែក
ខេត្ដដើម្បីរង់ចាំក្រុមគ្រួសារមកទទួលយកទៅធ្វើបុណ្យ ៕
ប្រភពពី នគរវត្ត
