ភ្នំពេញ ៖ នាថ្ងៃទី២៩ ខែកក្កដា ឆ្នាំ២០១៤ មានគ្រោះថ្នាក់ចរាចរណ៍ នៅទូទាំងប្រទេស ១៦លើក (យប់ ១២លើក) មានមនុស្សស្លាប់ ០៧នាក់ (ប្រុស) និងមានមនុស្សរបួសធ្ងន់ ១៣នាក់ (ស្រី ០៣នាក់) និងរបួសស្រាល ២០នាក់ (ស្រី ០៣នាក់ ) មិនពាក់មួកពេលគ្រោះថ្នាក់ ២៨នាក់ (យប់ ១៧នាក់)។
យោងតាមគេហទំព័ររបស់អគ្គស្នងការដ្ឋាននគរបាលជាតិ បានឲ្យដឹងថា ក្នុងគ្រោះថ្នាក់ ចរាចរណ៍ទាំង ១៦លើក បានបង្កឲ្យខូចខាតយានយន្តសរុប ២៦គ្រឿង ក្នុងនោះម៉ូតូ ១៩គ្រឿង, រថយន្តធុនតូច ០៣គ្រឿង, រថយន្តធុនធំ ០៣គ្រឿង និងយានផ្សេងៗ ០១គ្រឿង។
ប្រភពខាងលើឲ្យដឹងបន្តទៀតថា មូលហេតុដែលបណ្តាលឲ្យមានគ្រោះថ្នាក់ គឺបណ្តាល មកពីល្បឿន ០៧លើក, ស្រវឹង ០១លើក, មិនគោរពសិទ្ធ ០១លើក, មិនប្រកាន់ស្តាំ ០២លើក, បត់គ្រោះថ្នាក់ ០១លើក, ប្រជែងគ្រោះថ្នាក់ ០៤លើក។
ចំពោះរថយន្តដែលទទួលរងការផាកពិន័យនៅអង្គភាព នៅថ្ងៃទី២៩ ខែកក្កដា ឆ្នាំ២០១៤នេះ មានចំនួន ៣៩០គ្រឿង គឺរថយន្តទេសចរណ៍គ្រួសារ ២៤គ្រឿង, រថយន្តដឹកអ្នកដំណើរធុនតូច ១៧១គ្រឿង, រថយន្តដឹកអ្នកដំណើរធុនធំ ១៩គ្រឿង, រថយន្តទំនិញធុនតូច ៥១គ្រឿង និងរថយន្ត ដឹកទំនិញធុនធំ ១២៥គ្រឿង។ រថយន្តទាំងអស់ខាងលើបានបង់ប្រាក់ពិន័យរួចរាល់នៅអធិការដ្ឋាន នគរបាលស្រុក ៧០គ្រឿង, នៅស្នងការដ្ឋាននគរបាលខេត្ត ៣២០គ្រឿង៕

_________________
ផ្តល់សិទ្ទិដោយ៖dap-news