ឈ្មួញលួចកាប់ឈើ ប្រណីតនៅតំបន់ការពារ រមណីយដ្ឋានបឹងយក្ខឡោម
ខេត្ត
រតនគិរី
៖ ព្រៃតំបន់ការពាររមណីយដ្ឋានបឹងយក្ខឡោម ត្រូវក្រុមឈ្មួញហ៊ាន
យកម៉ាស៊ីនត្រង់ស៊ឺន័រលួចចូលកាប់យកឈើប្រណីតយ៉ាងអនាធិបតេយ្យ
ដែលធ្វើអោយមជ្ឈដ្ឋានជាតិ និងអន្តរជាតិមានការភ្ញាក់ផ្អើលយ៉ាង
ខ្លាំង
។ ហេតុការណ៍នេះបានកើតឡើងកាលពីវេលាម៉ោង៧និង៣០នាទីនាព្រឹកថ្ងៃ
ទី២៩ ខែកក្កដា ឆ្នាំ២០១៤ ។ព្រៃតំបន់ការពាររមណីយដ្ឋានបឹងយក្ខឡោមជាតំបន់ទេសចរណ៍ដ៏ល្បី សុះសាយ គ្រប់មជ្ឈដ្ឋានទាំងទេសចរណ៍ជាតិ និងអន្តរជាតិ និយមមកទស្សនា កំសាន្តជារៀងរាល់ថ្ងៃ ប៉ុន្តែជាអកុសលនៅក្នុងតំបន់ការពាររមណីយ ដ្ឋាននេះ បែរជាខ្វះកងកម្លាំងការពារអោយម៉ត់ចត់ បណ្តែត បណ្តោយអោយឈ្មួញមួយក្រុមតូចលួចឆ្មក់ឆ្លៀតឱកាសចូលទៅលួចកាប់ ប្រភេទឈើប្រណីត តែអាជ្ញាធរមូលដ្ឋានសង្កាត់យក្ខឡោម បែរជាឆ្លើយថាអត់ដឹងទៅវិញ ។
ជាក់ស្តែងកាលពីព្រឹកថ្ងៃទី២៩ ខែកក្កដា ឆ្នាំ២០១៤ វេលាម៉ោង៧និង៣០នាទី មានក្រុមឈ្មួញបានលួច ចូលទៅកាប់ឈើប្រណីតប្រភេទឈើនាងនួនចំនួន០១ដើម ស្ថិតនៅក្នុង តំបន់ព្រៃការពាររមណីយដ្ឋានរបស់សហគមន៍យក្ខឡោម មានចំងាយពីបឹងប្រមាណជាង៣០០ម៉ែត្រប៉ុណ្ណោះ ហើយជនល្មើសនាំគ្នា ជ្រៀកឈើមួយដើមនេះបានចំនួន៤សន្លឹក មានមុខកាត់ (៥០x២០x៣ម៉ែត្រx២ និង៧០x២០x៣ម៉ែត្រx២) ហើយដឹកជញ្ជូនមកទំលាក់ ទុកនៅក្បែរតូបអ្នកលក់អីវ៉ាន់ ដែលមានឈ្មោះ អា អួយ បឹង យក្ខឡោម ។
លោក យ៉ុង សាម ប្រធានសហគមន៍តំបន់ការពាររមណីយដ្ឋានបឹងយក្ខឡោម បានអោយដឹងថា កម្លាំងសន្តិសុខរបស់លោកបានដើរល្បាតការពារជុំ វិញបឹងក៏ប្រទះឃើញឈើដែលគេលួចកាប់ និងតាមដានស្នាមផ្លូវដឹក ជញ្ជូនឈើទាំងនេះ រហូតដល់ទីតាំងដែលពួកគេទុកដាក់ខាងលើ ហើយកម្លាំងរបស់លោកក៏ រាយការណ៍ទៅមន្ត្រីបរិស្ថានខេត្តជាបន្ទាន់។ប្រភពបានបន្តទៀត ថា ក្រោយពេលឃើញហេតុការណ៍ជាក់ស្តែង លោកប្រធានសហគមន៍បានស៊ើបដឹង ថាជនដៃដល់ដែលលួចកាប់ឈើ គឺមានឈ្មោះ ធឿន ភេទប្រុស អាយុជាង៤០ឆ្នាំ ជនជាតិខ្មែរ មានទីលំនៅអចិន្ត្រៃយ៍នៅជាមួយអ្នកលក់អីវ៉ាន់ឈ្មោះ អា អួយ នេះតែម្តង ជាឈ្មួញរកស៊ីឈើ ។
លុះនៅថ្ងៃទី៣០ ខែកក្កដា ឆ្នាំ២០១៤ កម្លាំងជំនាញ មានខណ្ឌរដ្ឋបាលព្រៃឈើ ប្រធានមន្ទីរទេសចរណ៍ខេត្ត និងមន្ត្រី បរិស្ថានខេត្ត ព្រមទាំងមន្ត្រីប៉ុស្តិ៍សង្កាត់យក្ខឡោម បានចុះផ្ទាល់ទៅដល់ចំណុចកើតហេតុដកហូតយកវត្ថុតាងនាំទៅរក្សា ទុកនៅខណ្ឌរដ្ឋបាលព្រៃឈើខេត្តដើម្បីតាមចាប់ខ្លួនជនដែលបាន ប្រព្រឹត្ត ។
ជុំវិញករណីខាងលើ លោក ង៉ែត ពិទូ ប្រធានមន្ទីរទេសចរណ៍ ខេត្តបានអោយនគរវត្តដឹងកាលពីរសៀលថ្ងៃទី៣០ ខែកក្កដា ឆ្នាំ ២០១៤ថា បញ្ហាការលួចកាប់ឈើនៅក្នុងតំបន់ព្រៃការពារសហគមន៍រមណីយ ដ្ឋានបឹងយក្ខឡោមខាងលើ លោកបានធ្វើរបាយការណ៍ជូនលោកអភិបាលក្រុងជ្រាបរួចហើយ ដែលស្ថិត ក្រោមការគ្រប់គ្រងរបស់អាជ្ញាធរ ដើម្បីជួយអន្តរាគមន៍ នាំខ្លួន ជនដែលបានកាប់មកព្រមាន ឫធ្វើកិច្ចសន្យាកុំអោយប្រព្រឹត្តបន្ត ទៀតហើយ ធ្វើអ្វីត្រូវមានការឆ្លងកាត់ពីសហគមន៍ការពារតំបន់ហាមឃាត់ ៕
ប្រភពពី នគរវត្ត
