តុលាការកោះហៅ បេក្ខជនតំណាងរាស្ត្រ បក្សសង្គ្រោះជាតិ១រូបទៀត
តុលាការកោះហៅបេក្ខជនតំណាងរាស្ត្រ ជាប់ឆ្នោតបក្សសង្គ្រោះជាតិ ១រូបអោយចូលខ្លួនករណីព្រហ្មទណ្ឌនៅថ្ងៃទី ២២ ខែកក្កដា ។
ស្របពេលដែលបេក្ខជនតំណាងរាស្ត្រជាប់ឆ្នោត
របស់គណបក្សសង្គ្រោះជាតិ ៧
រូបត្រូវបានតុលាការសម្រេចឃុំឃាំងក្នុងពន្ធនាគារព្រៃស លោក ចាន់ ចេង
តំណាងរាស្ត្រជាប់ឆ្នោតបក្សសង្គ្រោះជាតិ
នៅមណ្ឌលខេត្តកណ្ដាលក៏ត្រូវបានព្រះរាជអាជ្ញាសាលាដំបូងខេត្ត
កណ្ដាលកោះហៅសាកសួរពីករណីព្រហ្មទណ្ឌដែរ។
ដីកាបានបញ្ជាក់ថា
នោះគឺជាសំណុំរឿងចាស់កាលពី បួនឆ្នាំមុន
ដោយតុលាការចោទប្រកាន់លោកពីបទរំដោះជនសង្ស័យម្នាក់ចេញពី
ពន្ធនាគារ ពេលលោកនៅជាតំណាងរាស្ត្របក្ស សម រង្ស៊ី។
លោក ចាន់ ចេង បានអះអាងថា
មេធាវីការពាររូបលោក នឹងចូលទៅតុលាការទៅតាមការកោះហៅរបស់តុលាការនេះ។
លោក
ចាត់ទុកការកោះហៅរូបលោកនៅពេលនេះថាជាប់ពាក់ព័ន្ធនឹងការដាក់
គំនាបទៅលើបក្សប្រឆាំងពីសំណាក់បក្សកាន់អំណាច
គឺមិនខុសគ្នាពីបេក្ខជនតំណាងរាស្រ្តជាប់ឆ្នោតទាំង៧រូប
ដែលកំពុងជាប់ឃុំនោះឡើយ៖ «ខ្ញុំ
យល់ឃើញថារឿងនេះជារឿងសំពាធនយោបាយ អត់មានរឿងអីក្រៅពីនេះទេ
ព្រោះរឿងនេះយូរមកហើយ ៣ឆ្នាំហើយ
ខ្ញុំបានឆ្លើយបំភ្លឺកាលពី៣ឆ្នាំមុន
ស្រាប់តែពេលនេះមានដីកាកោះហៅឲ្យខ្ញុំចូលសវនា
រឿងនេះជាសំពាធនយោបាយ»។
ការកោះហៅលោក ចាន់ ចេង
ជាករណីថ្មីមួយទៀតបន្ទាប់ពីលោក កឹម សុខា
អនុប្រធានគណបក្សសង្គ្រោះជាតិ
ក៏ត្រូវបានព្រះរាជអាជ្ញាសាលាដំបូងរាជធានីភ្នំពេញកោះហៅទៅសាក
សួរបញ្ជាក់នៅថ្ងៃទី ២៥ ខែកក្កដា ពីករណីហិង្សានៅស្ពាននាគ
ក្បែរទីលានប្រជាធិបតេយ្យកាលពីថ្ងៃទី ១៥ កក្កដាកន្លងមក។
គណបក្សសង្រ្គោះជាតិបានការកោះហៅបេក្ខជនតំណាងរាស្រ្តជាប់ឆ្នោត
ជាបន្តបន្ទាប់ ថា ជាការបន្តដាក់សម្ពាធទៅគណបក្សនេះ៕
ប្រភពពី វិទ្យុអាស៊ីសេរី
