អ្នកបុរីកីឡាពីរនាក់ ដួលសន្លប់ក្នុងការប៉ះទង្គិច ជាមួយសមត្ថកិច្ចពេល តវ៉ានៅមុខសាលារាជ ធានីភ្នំពេញ
អ្នក
តវ៉ាទំនាស់ដីធ្លីមកពីបុរីកីឡាពីរនាក់ដួលសន្លប់នៅក្នុង
ការប៉ះទង្គិចជាមួយសមត្ថកិច្ចនៅមុខសាលារាជធានីភ្នំពេញនៅព្រឹកថ្ងៃ
ចន្ទនេះ ។ ការប៉ះទង្គិច
នេះបានកើតឡើងបន្ទាប់ពីអ្នកមានទំនាស់ដីធ្លីនៅទីក្រុងភ្នំពេញ
ដែលភាគច្រើនជាអ្នកបុរីកីឡា និងអតីតអ្នកបឹងកក់ប្រហែល៨០នាក់ ដាក់គ្រឿងបំពងសម្លេង
តវ៉ាមុខសាលារាជធានីភ្នំពេញ
ទាមទារឲ្យអភិបាលរាជធានីបញ្ជាក់ពីគោលជំហររបស់ខ្លួនឲ្យច្បាស់
នៅក្នុងដំស្រាយជូនពួកគាត់ ។
អ្នកដួលសន្លប់ទាំងពីរនោះរួមមាន អ្នកស្រីប្រាក់ ប្រាក់ សុខ និង អ្នកស្រី ហែម ស្រី មកពីបុរីកីឡាទាំងពីរនាក់ ។
ក្រុមអ្នកតវ៉ាបាននិយាយថា ខ្លួនចង់បានអន្តរាគមន៍ពីអភិបាលរាជធានី ដោយទាមទារឲ្យមានការស៊ើបអង្កេតលើការបណ្ដេញចេញ
ពួកគាត់ ពីក្រុមហ៊ុនផានអ៊ីមិច ។ ក្រុមអ្នកតវ៉ាបានបន្តថា
ភាពគ្មានដំណោះស្រាយនេះចេះតែពន្យារពីមួយឆ្នាំទៅមួយឆ្នាំដែល
គាត់មិនអាចរង់ចាំតទៅទៀតបានទេ ។
ក្រុមអ្នកតវ៉ាបានទាមទារឲ្យអភិបាលរាជធានីចេញមកជួបតែ តែបែរជាមានកងសន្តិសុខចេញមករុញ ពួកគាត់ឲ្យទៅនៅម្ខាងផ្លូវ
ដោយថាការប្រមូលផ្ដុំរបស់អ្នកតវ៉ាបណ្ដាល់ឲ្យមានការកកស្ទះចរាចរណ៍ ។
កងសន្តិសុខបានប្រើប្រាស់ដំបងឆក់ ដែលបណ្ដាលឲ្យស្ដ្រីទាំងពីររូបដួលសន្លប់ ។
ប្រភពពី vodhotnews.com
