មេធាវី CCIM ត្រៀមភស្តុតាងដាក់ទៅ សាលាដំបូងរាជធានី ករណីប្ដឹងអភិបាលរាជធានីភ្នំពេញ
មេធាវី
តំណាងឲ្យដើមបណ្តឹងរបស់មជ្ឈមណ្ឌលកម្ពុជា
ដើម្បីប្រព័ន្ធផ្សព្វផ្សាយឯករាជ្យ(CCIM)
ថាលោកត្រៀមភស្តុតាងដាក់ទៅសាលាដំបូងរាជធានីភ្នំពេញនៅចុងសប្តាហ៍
នេះ ពាក់ព័ន្ធនឹងករណីសន្តិសុខខណ្ឌដូនពេញ វាយអ្នកសារព័ត៌មាន VOD។
មេធាវីដើមបណ្តឹងរបស់ CCIM លោក សេង សោភ័ណ្ឌ
ឲ្យVODដឹងនៅថ្ងៃអង្គារនេះថា លោកត្រៀមភស្តុតាងដូចជា វីឌីអូ
រូបថត និងឯកសារមួយចំនួនទៀត
ដើម្បីដាក់ទៅសាលាដំបូងរាជធានីភ្នំពេញនៅចុងសប្តាហ៍នេះ
ពាក់ព័ន្ធនឹងបណ្ដឹងរបស់CCIM។
កាលពីថ្ងៃទី១៦ ខែមិថុនា
សាលាដំបូងរាជធានីភ្នំពេញ
បានកោះហៅដើមបណ្តឹងដែលជានាយកប្រតិបត្តិមជ្ឈមណ្ឌលកម្ពុជា
ដើម្បីប្រព័ន្ធផ្សព្វផ្សាយឯករាជ្យ(CCIM)
ចូលបំភ្លឺករណីប្តឹងអភិបាលរាជធានី ភ្នំពេញ លោក ប៉ា សុជាតិវង្ស
និងអតីតអភិបាលលោក សុខ សម្បត្តិ ព្រមទាំងអភិបាលរងខណ្ឌដូនពេញលោក សុខ
ពេញវុធ ពីបទផ្តើមគំនិតក្នុងអំពើហិង្សាដោយចេតនា
មកលើអ្នកយកព័ត៌មានVOD។
សូមរំឭកថា ក្នុងពាក្យបណ្តឹងរបស់ CCIM
ក្រៅតែពីស្នើឲ្យព្រះរាជអាជ្ញា
បើកការស៊ើបអង្កេតលើបទឧក្រិដ្ឋពាក់ព័ន្ធនឹងអាជ្ញាធរនេះ
ក៏ប្តឹងទាមទារសំណងថ្លៃព្យាបាល
និងសំណងជំងឺចិត្តដល់ជនរងគ្រោះសរុប១២០ ០០០ ០០០រៀល
ស្មើនឹងប្រមាណជា៣ម៉ឺនដុល្លារអាមេរិក បន្ទាប់ពីលោក ឡាយ សាមាន
ព្យាបាលជំងឺនៅប្រទេសថៃអស់ប្រាក់ប្រមាណ១ម៉ឺន៥ពាន់ដុល្លាររួចហើយ។
លោក ឡាយ សាមាន កាលពីថ្ងៃទី០២ ខែឧសភា
ឆ្នាំ២០១៤ ត្រូវបានក្រុមកងសន្តិសុខខណ្ឌដូនពេញប្រមាណជា៦ទៅ១០នាក់
វាយរហូតដល់សន្លប់ និងផុងឆ្អឹងថ្ពាល់ខាងស្តាំ
ខណៈអ្នកយកព័ត៌មានVODរូបនេះ ទៅយកព័ត៌មានស្តីពី
យុទ្ធនាការឃោសនាការបោះឆ្នោត នៅជិតទីលានប្រជាធិបតេយ្យ។
CCIM
បានដាក់ពាក្យបណ្តឹងទៅកាន់សាលាដំបូងរាជធានីភ្នំពេញ
កាលពីថ្ងៃទី២៨ខែឧសភា ដោយប្តឹងអភិបាលរាជធានីភ្នំពេញ
និងអតីតអភិបាល
ព្រមទាំងអភិបាលរងខណ្ឌដូនពេញពីបទផ្តើមគំនិតក្នុងអំពើហិង្សាដោយ
ចេតនា មកលើអ្នកយកព័ត៌មានVOD៕
ប្រភពពី vodhotnews.com
