អាជីវករផ្សារព្រៃវែងធ្វើបាតុកម្ម ទាមទារលក្ខខណ្ឌសំណងឆេះផ្សារ
អាជីវករ
ផ្សារព្រៃវែង ខេត្តព្រៃវែង ជិត ២០០នាក់ នៅព្រឹកថ្ងៃទី២៤ មិថុនា
ធ្វើបាតុកម្មដង្ហែក្បួនទាមទារលក្ខខណ្ឌសំណងឆេះទំនិញក្នុងផ្សារ។
លក្ខខណ្ឌសំណងដែលក្រុមអាជីវករទាមទារឲ្យ
អ្នកគ្រប់គ្រងផ្សារដោះស្រាយរួមមានទី១
នៅពេលដែលភ្លើងឆេះផ្សារចាប់ពីម៉ោង ៦ល្ងាច រហូតដល់ម៉ោង ៦ព្រឹក
អ្នកគ្រប់គ្រងផ្សារត្រូវទទួលខុសត្រូវប្រាក់សំណងតាមសៀវបន្ទុក។
ទី២
ការយកភាស៊ីផ្សារ អ្នកគ្រប់គ្រងត្រូវអនុវត្តតាមសៀវភៅបន្ទុក
មិនអនុញ្ញាតឲ្យយកភាស៊ីតាមអំពើចិត្តឡើយ និងទី៣
ក្រុមអាជីវករស្នើឲ្យយកតម្លៃសេវាអគ្គិសនីក្នុង ផ្សារ ១.០៥០រៀល
ក្នុងមួយគីឡូវ៉ាត់ ដូចតម្លៃសេវាតាមផ្សារនានាក្នុងខេត្ត។
ក្រុមអាជីវករនាំគ្នាដង្ហែក្បួនតាមផ្លូវ
ក្នុងក្រុងព្រៃវែង ហើយមានគម្រោងដង្ហែទៅខាងមុខសាលាខេត្ត
ដើម្បីទាមទារឲ្យជួយដោះស្រាយ។
អាជ្ញាធរមានសមត្ថកិច្ចព្រមានក្រុមអាជីវករមិនឲ្យហែក្បួនទៅ
សាលាខេត្តនោះទេ ហើយបើសិនជានៅរឹងទទឹង
កម្លាំងសមត្ថកិច្ចនឹងមានវិធានការបង្ក្រាប។ ទោះយ៉ាងណា
ក្រុមអាជីវករបានអះអាងថា ពួកគេនឹងនៅតែទៅសាលាខេត្ត
ហើយបើមានការបង្ក្រាប ពួកគេនឹងទៅបិទផ្លូវជាតិតែម្ដង។
មកដល់ម៉ោងជិត ១០ព្រឹកនេះ មិនទាន់មានការបង្ក្រាបណាមួយពីសំណាក់សមត្ថកិច្ចឡើយ។
សូមរង់ចាំអានព័ត៌មាននេះពិស្ដារ…
