ក្មេងទំនើង១០នាក់កាន់ ដាវសាម៉ូរៃនៅតាមផ្លូវ ត្រូវប៉េអឹមខណ្ឌសែនសុខឃាត់ខ្លួន
ភ្នំពេញ
: កម្លាំងកងរាជអាវុធហត្ថខណ្ឌសែនសុខបានធ្វើការ ឃាត់ខ្លួន
ក្រុមក្មេងទំនើង ប្រ មាណ១០នាក់ រួមជាមួយនឹងដាវសាំម៉ូរ៉ៃពីរដើម
ខណៈក្មេងស្ទាវទាំងនោះ ត្រៀមធ្វើសកម្មភាពកាប់ប្រហារបក្ខពួក
មួយក្រុមទៀត កាលពីម៉ោង២:៣០នាទីរំលងអាធាត្រ ឆ្លងចូលចូលថ្ងៃទី
២៤ ខែមិថុនា ឆ្នាំ២០១៤
នៅចំណុចក្បែរស្ថានីយ៍ប្រេងឥន្ធនះ:សូគីម៉ិក ផ្លូវណតប្រ៊ីត
កែងនឹងផ្លូវលេខ២០០៤ ស្ថិតនៅក្នុងភូមិស្លែងរលើង សង្កាត់ទឹកថ្លា
ខណ្ឌសែនសុខ ។
មន្ត្រីអាវុធហត្ថខណ្ឌសែនសុខបានប្រាប់ថា
មុនពេលកើតហេតុ កម្លាំងអាវុធហត្ថខ័ណ្ឌ
បានបើកម៉ូតូល្បាតតាមមូលដ្ឋាន
ក៏ប្រទះឃើញទំនើងមួយក្រុមមានគ្នា១០នាក់ ជិះម៉ូតូ៣គ្រឿងឌុបគ្នា
ប្រសេកប្រសាចពេញដងផ្លូវ ក្បែរស្ថានីយ៍ប្រេងឥន្ធន:សូគីម៉ិក មាន
អាវុធដាវសាំម៉ូរ៉ៃនៅកាន់និងដៃទៀតផង ។
ឃើញសកម្មភាព ដូច្នោះកម្លាំងអាវុធហត្ថ
បានចូលទៅសូរនាំ ស្រាប់តែពួកក្មេងស្ទាវទាំងនោះបាន
ស្រែកឡូឡាយ៉ាងព្រហើន ដាក់សមត្ថកិច្ចទៀតផង ទើបសមត្ថកិច្ច
បើកប្រតិបត្តិការណ៏ បង្ក្រាបភ្លាមៗ រហូតឃាត់ខ្លួនជនទំនើងទាំងអស់នោះ
បានទាំងអស់តែម្តង ។
សមត្ថកិច្ចបានបន្តថា ក្រុមក្មេងទំនើង
នៅឈររងចាំស្ទាក់កាប់ទៅលើក្មេងស្ទាវមួយ
ក្រុមទៀតដែលចេញពីក្លឹបប៊ូស
បន្ទាប់ពីមានទំនាស់ផឹកស៊ីនៅក្នុងក្លឹប កាលពីម៉ោងជិត ៨យប់
ថ្ងៃទី២៣ ។បច្ចុប្បន្នក្រុមក្មេងស្ទាវ ទំនើង រួម
ជាមួយវត្ថុតាងដាវសាំម៉ូរ៉ៃពីរដើម ត្រូវសមត្ថកិច្ច
បញ្ជូនទៅកាន់ទីបញ្ជាការ កងរាជអាវុធហត្ថខណ្ឌសែនសុខ
ដើម្បីសួរនាំបន្តតាមនិតិវិធី៕
ប្រភពពី The Free Press Magazine
