បុរសសរសៃប្រសាទចង កសម្លាប់ខ្លួនដោយសារសុំ លុយម្តាយ២ម៉ឺនរៀលមិនបាន
បុរសដែលធ្វើអត្តឃាតចងសម្លាប់ខ្លួន នឹងដើមឈើនេះ ត្រូវបានគេស្គាល់ឈ្មោះថា យី កូលាប ភេទ ប្រុស អាយុ៣៦ឆ្នាំ ស្នាក់នៅផ្ទះជួលភូមិកើតហេតុខាងលើ និងមានជំងឺសរសៃប្រសាទយូរឆ្នាំមក ហើយ ។ ប្រភពព័ត៌មានពីក្រុមគ្រួសារសពបានឲ្យដឹងថា មុនពេលកើតហេតុ គឺនៅពេលយប់ថ្ងៃទី២ ខែមិថុនា ឆ្នាំ២០១៤ បុរសរូបនេះបានសុំលុយម្តាយចំនួន២ម៉ឺនរៀល តែម្តាយមិនព្រមឲ្យ ក៏នាំគ្នាចូលដេកលក់ អស់ទៅ លុះព្រឹកឡើង ស្រាប់តែគេប្រទះឃើញបុរសរូបនេះចងកសម្លាប់ខ្លួនលើដើមឈើក្បែរ ផ្ទះ មិន ដឹងជាតាំងពីពេលណាមកទេ ។
បន្ទាប់ពីកើតហេតុភ្លាម ក្រុមគ្រួសារសពបានទូរស័ព្ទទៅអាជ្ញាធរមាន សមត្ថកិច្ចដើម្បីចុះមកពិនិត្យ និងធ្វើកោសល្យវិច័យសព ដោយបានបញ្ជាក់ថា ជនរងគ្រោះពិតជាស្លាប់ ដោយការធ្វើអត្តឃាតពិតប្រាកដមែន រួចបានប្រគល់សពឲ្យក្រុមគ្រួសារធ្វើបុណ្យបានប្រពៃណី ៕
________________
ប្រភពពីនគរវត្ត
