រដ្ឋាភិបាលយោធាថៃកោះ ហៅមនុស្ស៣៨នាក់រួមមាន អ្នកនយោបាយផង
រដ្ឋាភិបាលយោធាថៃ កាលពីថ្ងៃទី២ ខែមិថុនា ឆ្នាំ២០១៤
បានកោះហៅមនុស្ស៣៨នាក់ រួមទាំងអ្នកនយោបាយផងដែរ ឱ្យទៅបង្ហាញមុខ
ក្រោយពីស្ថានការណ៍ប្រឆាំងរដ្ឋាភិបាលយោធាចេះតែបន្ដកើតឡើងមិនឈប់ឈរ
។ អ្នកដែលត្រូវកោះហៅខាងលើនេះ រួមមានអ្នកនយោបាយគណបក្សភឿថៃ
ដូចជាលោកRuangkrai Leekitwat-tana, លោក Karom Ponpornklang
មេធាវីរបស់ក្រុមអាវក្រហម និងលោក Sitthichai Kittithanesuan
អតីតតំណាង រាស្ដ្រខេត្ដ Nakhon Nayok ជាដើម។
អ្នកនយោបាយ បញ្ញវន្ដ និងបុគ្គល
សំខាន់ៗជាង១០០នាក់កន្លងមកហើយ ដែលរដ្ឋាភិបាលយោធាបានហោះហៅ
ឱ្យមកបង្ហាញមុខនៅទីចាត់ការរបស់ កម្លាំងយោធា ។
អ្នកនយោបាយខ្លះត្រូវ យោធាចាប់ឃាត់ខ្លួន ហើយអ្នកខ្លះទៀត
ត្រូវដោះលែង ប៉ុន្ដែស្ថិតក្រោមការឃ្លាំ មើលពីយោធា
ក្នុងនោះមានលោកស្រី យីងឡាក់ ស៊ីណាវ៉ាត្រា អតីតនាយករដ្ឋ
មន្ដ្រីជាប់ឆ្នោតផងដែរ ។
រដ្ឋាភិបាលយោធាថៃបានដាក់កម្លាំង
ជាច្រើននាក់បន្ថែមទៀតឱ្យទៅកាន់ទី
ក្រុងបាងកកដើម្បីពង្រឹងសកម្មភាពការ
ពារនិងទប់ស្កាត់កុំឱ្យមានការធ្វើបាតុកម្មបន្ថែមទៀតពីសំណាក់
ក្រុមបាតុករ ប្រឆាំងការធ្វើរដ្ឋប្រហារយោធាថ្ងៃទី២២ ឧសភា
បន្ទាប់ពីមេរដ្ឋប្រហារបាន ប្រកាសថា ផ្លូវលទ្ធិប្រជាធិបតេយ្យអាច
ចំណាយពេលជាងមួយឆ្នាំទៀតទម្រាំនឹង ដើរទៅដល់នោះ ។
ថ្លែងតាមកញ្ចក់ទូរទស្សន៍
អគ្គមេបញ្ជាការកងទ័ពថៃ លោក ប្រាយុទ្ធ ចាន់អូចា បានបញ្ជាក់ថា
យោធាអាចចំណាយ ពេលវេលានៅក្នុងការសម្រុះសម្រួល
គូជម្លោះនយោបាយក្នុងប្រទេសថៃ ព្រម
ទាំងការកែទម្រង់ម៉ាស៊ីនដឹកនាំផងនោះ រយៈពេលជាងមួយឆ្នាំទៀត។
លោកប្រាយុទ្ធដែលធ្វើរដ្ឋប្រហារ
រដ្ឋាភិបាលលោកស្រីយីងឡាក់ ស៊ីណា វ៉ាត្រា
ក្រោយបាតុកម្មជាច្រើនខែដែល ពេលខ្លះបង្កជាអំពើហិង្សាផងនោះបាន
អំពាវនាវឱ្យបណ្ដាសម្ពន្ធមិត្ដអន្ដរជាតិ
ទាំងឡាយរបស់ប្រទេសថៃមានការអត់ ធ្មត់ចំពោះស្ថានការណ៍កើតឡើងនា
ពេលថ្មីៗនេះ បន្ទាប់ពីការប្រកាសពី ផែនការកែទម្រង់។
ប៉ុន្ដែទោះយ៉ាងណា ក៏ដោយរដ្ឋាភិបាលប្រទេសខាងក្រៅនៅ
តែគាបឱ្យរដ្ឋាភិបាលយោធានៅប្រទេស
ថៃត្រូវតែប្រញាប់រៀបចំបោះឆ្នោតឱ្យបានឆាប់រហ័សបំផុត ។
នៅក្នុងសន្និសីទក្នុងប្រទេសសិង្ហបុរី
រដ្ឋមន្ដ្រីក្រសួងការពារជាតិអាមេរិក លោក Chuck Hagel
បានជំរុញឱ្យកម្លាំង ទាហានថៃត្រូវតែដោះលែងអ្នកដែល ឃុំខ្លួន
បញ្ឈប់ការគាប់សង្កត់ និងប្រញាប់ប្រគល់អំណាចទៅឱ្យប្រជាជន
ថៃតាមរយៈការរៀបចំបោះឆ្នោតប្រកប ដោយសិរី និងយុត្ដិធម៌ឡើងវិញ
។
ប្រទេសអូស្ដ្រាលីបានពិចារណាឡើងវិញ
ដល់ទំនាក់ទំនងរបស់ខ្លួនជាមួយរដ្ឋាភិ
បាលយោធាថៃហើយបានសម្រេចហាម
ផ្ដាច់មិនឱ្យមេដឹកនាំរដ្ឋប្រហាររដ្ឋាភិ
បាលថៃធ្វើដំណើរចូលទៅកាន់អូស្ដ្រាលីនោះឡើយ ។
ក្នុងសេចក្ដីថ្លែងការណ៍ លោកប្រាយុទ្ធ ចាន់អូចារបានបញ្ជាក់ថា
«យើងបាន យល់ច្បាស់ណាស់ថា យើងកំពុងរស់នៅ
ក្នុងពិភពលទ្ធិប្រជាធិបតេយ្យ» ។
ជម្លោះនៅក្នុងប្រទេសថៃកើតឡើង
ដោយសារតែមានការមិនចុះសម្រុងគ្នារវាងក្រុមស្និទ្ធិនឹងព្រះរាជ
បល្ល័ង្ក ក្រុមអភិជននឹងក្រុមគ្រួសារលោកថាក់ស៊ីន ស៊ីណាវ៉ាត្រា
ដែលស្រឡាញ់ចូលចិត្ដ ភាគច្រើនលើលលប់ ។ លោកថាក់ស៊ីន
ដែលរដ្ឋប្រហារយោធាទម្លាក់ពីអំណាច កាលពីឆ្នាំ២០០៦បានរស់នៅនិរទេស
ខ្លួនក្នុងឆ្នាំ២០០៨ រត់គេចពីការជាប់
ពន្ធនាគារក្រោមបទចោទប្រកាន់ប្រព្រឹត្ដ អំពើពុករលួយ ។
កម្លាំងសន្ដិសុខនៅក្នុងទីក្រុងមានការ
រិតបន្ដឹង ជាពិសេសនៅវិមានឯករាជ្យ
ទីដែលមានការតវ៉ារបស់ពលរដ្ឋប្រឆាំង ការធ្វើរដ្ឋប្រហារយោធា។
ជាមួយគ្នានេះ ទាហានក៏បានបិទផ្លូវមួយចំនួនដូចជាផ្លូវ
ឆ្ពោះទៅកាន់ស្ថានីយរថភ្លើងជាដើម
ព្រមទាំងត្រួតពិនិត្យការជួបជុំរបស់ពលរដ្ឋមិនឱ្យប្រមូលផ្ដុំតាម
ដងផ្លូវឡើយ ។
រថយន្ដធុនធំយ៉ាងតិច៧គ្រឿងបាន
ដឹកទាហាន និងប៉ូលិសចូលទៅកាន់ រាជធានី ដោយបំពាក់ឧបករណ៍បំពង
សំឡេងផងដែរនៅលើរថយន្ដ។ ប៉ូលិស
ទាហានទាំងនេះបានទៅកាន់តាមទីសួនឧទ្យាននានាដើម្បីត្រួតពិនិត្យការ
ជួបជុំរបស់ពលរដ្ឋ ។
បើទោះបីយោធាអនុវត្ដច្បាប់អាជ្ញា សឹក
និងការហាមប្រាមជួបជុំមិនឱ្យ លើសពី៥នាក់ក៏ដោយ ប៉ុន្ដែនៅក្នុង
ទីក្រុងបាងកកហាក់គ្មានអំពើហិង្សាទ្រង់ ទ្រាយធំកើតឡើងនោះឡើយ។
ក្រុម សកម្មជនបញ្ចេញសំឡេងរបស់ពួកគេ
តាមរយៈបណ្ដាញទំនាក់ទំនងសង្គម ដោយបញ្ជាក់ថា ពួកគេនឹងជួបជុំគ្នា
ទ្រង់ទ្រាយធំទាមទារឱ្យមានលទ្ធិប្រជា ធិបតេយ្យឡើងវិញ ។
លោកប្រាយុទ្ធបានថ្លែងនៅក្នុងសុន្ទរក
ថាមួយមានរយៈពេល៤០នាទីដោយបាន បញ្ជាក់ថា
ពេលវេលានេះកំពុងស្ថិតក្នុង ការកែទម្រង់។ លោកថា ការកែទម្រង់
មាន៣ដំណាក់កាលដែលដំណាក់កាល ទី១ត្រូវការពេលវេលាយ៉ាងតិច៣ខែ
ដើម្បីសម្របសម្រួល។ ដំណាក់កាលទី២
គឺការជ្រើសរើសនាយករដ្ឋមន្ដ្រីបណ្ដោះអាសន្ន និងគណៈរដ្ឋមន្ដ្រី
ហើយដំណាក់ កាលចុងក្រោយគឺការបោះឆ្នោតដែល
ត្រូវការពេលវេលាជាងមួយឆ្នាំទៀត។
លោកប្រយុទ្ធមិនបានលាតត្រដាង
អំពីការកែទម្រង់បែបណានោះទេ ប៉ុន្ដែ
ក្រុមប្រឆាំងលោកថាក់ស៊ីនមានបំណង
ចង់ឱ្យកែទម្រង់ប្រព័ន្ធបោះឆ្នោត បញ្ចប់
ឥទ្ធិពលរបស់ត្រកូលថាក់ស៊ីន។ មិនថា តែត្រកូលថាក់ស៊ីន
ឬគណបក្សសម្ពន្ធ មិត្ដនោះឡើយតែងតែឈ្នះរាល់ការបោះ
ឆ្នោតនៅក្នុងប្រទេសថៃចាប់តាំងពីឆ្នាំ ២០០១រៀងមក។
ពលរដ្ឋថៃរស់នៅទី ជនបទដាច់ស្រយាល ជាពិសេសនៅ
ភាគខាងជើងប្រទេសនៅតែគាំទ្រគោល
នយោបាយដឹកនាំរបស់ត្រកូលថាក់ស៊ីន។
វិបត្ដិនយោបាយនៅក្នុងប្រទេសថៃ
កើតឡើងដោយសារតែការព្រួយបារម្ភពីប្រជាប្រិយភាពអ្នកស្នងរាជ្យបន្ដពី
ព្រះ មហាក្សត្រព្រះបាទភូមិបុល អាប់ឌុល យ៉ាដេត។
ព្រះមហាក្សត្រថៃដែលគ្រង រាជ្យយូរបំផុតក្នុងពិភពលោកនោះមាន
ព្រះជន្ម៨៦ព្រះវស្សាហើយ ៗចាប់ពីឆ្នាំ ២០០៩ដល់ឆ្នាំ២០១៣
ព្រះអង្គបាន ចំណាយពេលវេលាស្ថិតនៅក្នុងមន្ទីរ
ពេទ្យដើម្បីពិនិត្យ ព្រះរាជសុខភាព ។
ស្ថាប័នមហាក្សត្រជាស្ថាប័នមាន
អំណាចកំពូលបំផុតនៅក្នុងព្រះរាជាណាចក្រថៃ ៕
ប្រភពពី នគរវត្ត
