កាប់ប្រពន្ធ កាប់ម្ដាយក្មេកឱ្យរបួសធ្ងន់ រួចកាប់ខ្លួនឯងស្លាប់
សៀមរាប: បុរស
ជាប្ដីបានធ្វើសកម្មភាពកាប់ប្រពន្ធខ្លួនឯងជាច្រើនកាំបិតផ្គាក់យ៉ាង
កំរោល ពេលនោះម្ដាយក្មេកបានរត់ទៅជួយកូនបង្កើត ធ្វើឱ្យជនដៃ ដល់
កាប់មកលើម្ដាយក្មេកខ្លួនឯងបន្ថែមទៀត បណ្ដាល ឱ្យជនរងគ្រោះទាំង ២
នាក់រងរបួសជាទម្ងន់។ ក្រោយពីកាប់ប្រពន្ធ និងម្ដាយក្មេករួចហើយ
បុរសរូបនោះ បានយកកាំបិតផ្គាក់កាប់សំលាប់ខ្លួនឯង។ ប៉ុន្ដែការស្លាប់របស់ជនដៃដល់ ធ្វើឱ្យមានការសង្ស័យខ្លះៗព្រោះថា ជនដៃដល់ត្រូវបានកាប់ខ្លួនឯងបែកក្បាលពីខាងក្រោយទៅវិញ។
ហេតុការណ៍ដ៏សង្វេគកើតឡើងខាងលើនេះ ស្ថិតនៅវេលាម៉ោង៩និង៣០នាទីព្រឹកថ្ងៃទី២ ខែមិថុនា ឆ្នាំ២០១៤នេះ ស្ថិតនៅភូមិថ្នល់ទទឹង ឃុំព្រះដាក់ ស្រុកបន្ទាយស្រី ខេត្ដសៀមរាប គឺស្ថិតនៅក្នុងផ្ទះជនរងគ្រោះតែម្ដង។
លោកអនុសេនីយ៍ឯកឡុង សំណាង អធិការរងនគរបាលស្រុកបន្ទាយស្រី បានឱ្យដឹងនៅល្ងាចថ្ងៃទី២ ខែមិថុនានេះដែរ ថា នៅវេលាម៉ោងដូចខាងលើ ជនសង្ស័យឈ្មោះខូន ភារុណ អាយុ៣២ឆ្នាំ បានធ្វើសកម្មភាពកាប់ទៅលើប្រពន្ធរបស់ខ្លួនឯងឈ្មោះកួន ណៃ អាយុ២៩ឆ្នាំ បណ្ដាលឱ្យរបួសត្រង់ក្បាលជាច្រើនកន្លែង។ នៅពេលប្ដីរូបនោះ ធ្វើសកម្មភាពកាប់ប្រពន្ធខ្លួនឯងហើយ ម្ដាយក្មេកឈ្មោះចិ នឿន អាយុ៥២ឆ្នាំ បានរត់ទៅជួយកូនស្រីខ្លួនឯង ហើយក៏ត្រូវជនដៃដល់កាប់មកលើម្ដាយក្មេកត្រូវ១កាំបិតផ្គាក់ បណ្ដាលឱ្យរងរបួសជាទម្ងន់។
សាក្សីនៅកន្លែងកើតហេតុ បាននិយាយប្រាប់សមត្ថកិច្ចថា នៅពេលជនសង្ស័យកាប់ប្រពន្ធ និងម្ដាយក្មេកខ្លួនឯងឱ្យរងរបួសធ្ងន់ទាំង ២ នាក់ហើយ ជននោះបានយកកាំបិតផ្គាក់កាប់ក្បាលខ្លួនឯងពីក្រោយ ហើយយកកាំបិតរួសត្រង់មុខរបួសចុះឡើងៗបណ្ដាលឱ្យរយះដល់លលាដ៏ក្បាល ហូរឈាមជោកខ្លួន ដាច់់ខ្យល់ស្លាប់នៅកន្លែងកើតហេតុនោះតែម្ដង។
ក្រោយពីកើតហេតុភ្លាម ជនរងគ្រោះជាប្រពន្ធ និងម្ដាយ ត្រូវបានបងប្អូនសាច់ញាតិនាំគ្នាដឹកយកមកមន្ទីរពេទ្យខេត្ដសៀមរាប ដើម្បីធ្វើការព្យាបាល ប៉ុន្ដែទោះបីយ៉ាងក៏ដោយជនរងគ្រោះទាំង ២ បានរួចផុតពីគ្រោះថ្នាក់ ព្រោះថាមានការជួយជ្រោមជ្រែងពីពេទ្យយ៉ាងខ្លាំង។
លោកឡុង សំណាង បានដកស្រង់សម្ដីសាក្សីមកបញ្ជាក់ថា ជនដៃដល់ដែលកាប់ប្រពន្ធ និងម្ដាយក្មេក គឺមិនមានរឿងអ្វីទាស់ទែងគ្នានោះឡើយ ព្រោះថាជនសង្ស័យកន្លងមកធ្លាប់លេបថ្នាំសរសៃប្រសាទ ហើយបច្នុប្បន្ននេះដែរជនសង្ស័យក៏មិនមា នលក្ខណៈសម្បត្ដិល្អប្រសើរ ១០០ ភាគរយដូចគេឯងឡើយ។
សមត្ថកិច្ចបានដកស្រង់សម្ដីសាក្សីមកបញ្ជាក់ថា មុនពេលកើតហេតុ ជនដៃដល់បានផឹកស្រាស្រវឹង ប៉ុន្ដែសមត្ថកិច្ចស្រាវ ជ្រាវថាមិនមានការផឹកស្រាទេ។ ទោះបីយ៉ាងណាក៏ដោយការស្លាប់របស់ជនសង្ស័យដែលថា កាប់ខ្លួនពីក្រោយមើលទៅហាក់បី ដូចជាមិនទំនងព្រោះថា ការធ្វើអត្ដឃាតដោយខ្លួនឯងដែលកាប់ក្បាលពីក្រោយបែបនេះដូចជាមិនសម ទំនងទេ។ តែទោះបីយ៉ា ងណាសមត្ថកិច្ចយកសម្ដីពីសាក្សីថា ជននោះពិតជាបានសម្លាប់ខ្លួនឯងពិតប្រាកដមែន។
លោកឡុង សំណាង បាននិយាយថា ទោះបីយ៉ាងណាជនសង្ស័យត្រូវបានសេចក្ដីរាយការណ៍ថា មានការសម្លាប់ខ្លួនឯងបែបនេះក្ដី តែសមត្ថកិច្ចនៅតែធ្វើការស្រាវជ្រាវបន្ថែមទៀត ដើម្បីរកការពិត ហើយលទ្ធផលយ៉ាងណានោះនឹងបញ្ជាក់នៅពេល ក្រោយ៕L
ប្រភពពី CEN
