ភ្លៀងលាយនិងខ្យល់ កន្ត្រាក់រលំផ្ទះចំនួន១៤ខ្នង និងរបួស៤នាក់នៅខេត្តពោធិ៍សាត់
ខេត្តពោធិ៍សាត់៖ ភ្លៀង
លាយឡំនឹងខ្យល់កន្ត្រាក់ បានបោកបក់រលំខូចខាតផ្ទះរបស់ប្រជាពលរដ្ឋ
ចំនួន ១៤ខ្នង និងបណ្តាលអោយប្រជាកសិករចំនួន ៤នាក់បានរងរបួសធ្ងន់
នឹងស្រាលផងដែរ កាលពីម៉ោង៣ និង៤០ នាទីល្ងាចថ្ងៃទី២៧ ឧសភានេះនៅ
ក្នុងឃុំ ស្រែស្ដុក ស្រុកកណ្ដៀង ខេត្តពោធិ៍សាត់។
មន្ត្រីអាជ្ញាធរឃុំស្រែស្ដុកបានឲ្យដឹង
ថា កាលពីរសៀលម៉ោងជាង ៣ ល្ងាច នៅថ្ងៃខាងលើនោះ
មានភ្លៀងធ្លាក់យ៉ាងច្រើនក្នុងឃុំស្រែស្ដុក
ហើយក៏មានខ្យល់បក់បោកយ៉ាងខ្លាំង មកប៉ះចំ ៣ភូមិ គឺភូមិកោះ
ភូមិវាល និងភូមិចំការតាប៉ូ ក្នុងឃុំស្រែស្ដុក
បណ្ដាលអោយ ផ្ទះចំនួន ១៤ខ្នង រងការខូចខាតស្ទើរទាំងស្រុង
ក្នុងនោះធ្ងន់ធ្ងរជាងគេ គឺភូមិកោះ បណ្ដាលអោយខូចខាតផ្ទះ ចំនួន
៩ខ្នង និងប្រជាកសិករចំនួន ៤នាក់របួសធ្ងន់ ២នាក់ នឹងរបួសស្រាលពី
២នាក់ ដោយសារតែផ្ទះពួកគាត់
ដួលរលំបោកសង្កត់ពីលើ។ នាក់ដែលរងរបួសធ្ងន់ ស្រាលនោះទី១ឈ្មោះ អ៊ូ
យន់ ទី២ឈ្មោះ មឹល ណន អ្នកទាំងពីរបួសស្រាល ទីប៣ឈ្មោះ ទេព សឿន
និងទី៤ឈ្មោះ ម៉ែ ខាំ អ្នកទាំងពីររបួសធ្ងន់ ដោយទាំងបួននាក់នេះ
រស់នៅក្នុងភូមិកោះនោះទាំងអស់។
មន្ត្រីអាជ្ញាធររូបនោះ
បានឲ្យដឹងទៀតថា ឥទ្ធិពលភ្លៀងលាយខ្យល់កន្ត្រាក់បក់បោកនេះ
គឺពុំមានគ្រោះថ្នាក់ដល់អាយុជីវិតប្រជាពលរដ្ឋណាម្នាក់ឡើយ។
ហើយស្របជាមួយគ្នាភ្លាមៗនោះដែរខាង អាជ្ញាធរសមត្ថកិច្ចមូលដ្ឋាន
បានទៅដល់ទីតាំងនោះ ក្នុងការជួយជនរងគ្រោះ បញ្ជូនទៅមន្ទីរពេទ្យ
និងស្រង់របាយការណ៍លំអិត
ដើម្បីធ្វើរបាយការណ៍ជូនអាជ្ញាធរស្រុក-ខេត្ត និងសាខាកាកបាទក្រហម
ស្រុក និងខេត្តពោធិ៍សាត់ ជួយដោះស្រាយបន្ទាន់ដល់ជនរងគ្រោះទាំនោះ៕
ប្រភពពី Free Press Magazine
