អ្នកនាំពាក្យក្រសួងធម្មការនិងសាសនា អះអាងជុំវិញការរុះរើទ្វា វិទ្យាស្ថានពុទ្ធសាសនបណ្ឌិត្យ
រាជធានីភ្នំពេញ
៖ ក្រសួងធម្មការ និងសាសនា បានចេញមកធ្វើការបដិសេធន៏ និងអះអាងថា
ជុំវិញការអភិវឌ្ឍន៍ ប៉ះពាល់ដល់ក្លោងទ្វារ និងរបង
របស់វិទ្យាស្ថានពុទ្ធសាសនបណ្ឌិត្យ ពុំមែនជាការលក់ដូរ
ឬជួលអ្វីនោះឡើយ។ ការរុះរើចេញនូវក្លោងទ្វារ និងរបងផ្នែកខាងជើង
គឺដើម្បីសាងសង់គ្រឹះក្រោមឲ្យកាន់តែរឹងមាំជាងមុននាគ្រា
ដែលក្រុមហ៊ុនណាហ្គាសាងសង់ផ្លូវក្រោមដីនៅក្បែរនោះ។
នេះបើយោងតាមសម្ដី របស់អ្នកនាំពាក្យក្រសួងធម្មការ
និងសាសនាក្នុងសន្និសីទកាសែតកាលពីល្ងាចថ្ងៃទី២៧ ខែឧសភា
នៅទីស្ដីការក្រសួង។
លោក សេង សុមុនី អនុរដ្ឋលេខាធិការ
និងជាអ្នកនាំពាក្យក្រសួងធម្មការ និងសាសនា បានមានប្រសាសន៍ថា
ថ្នាក់ដឹកនាំមិនបានព្រងើយកន្តើយ ឬក៏មិនយកចិត្ត
ទុកដាក់រក្សាការពារទ្រព្យសម្បត្តិ របស់វិទ្យាស្ថានពុទ្ធសាសនបណ្ឌិត្យ
ដូចដែលមនុស្សមួយចំនួន លើកឡើង និងចោទប្រកាន់នោះឡើយ។
លោកអនុរដ្ឋលេខាធិការ សេង សុមុនី បន្តថា
ការអភិវឌ្ឍន៍ផ្លូវក្រោមដី
របស់ក្រុមហ៊ុនណាហ្គានាំឲ្យប៉ះពាល់ដល់របង និងក្លោងទ្វារ
របស់ពុទ្ធសាសនបណ្ឌិត្យគឺធ្វើឡើងទៅតាមការសម្រេច
របស់រាជរដ្ឋាភិបាលរួមនឹងស្ថាប័នពាក់ព័ន្ធក្នុងការអភិវឌ្ឍន៍
នៅរាជធានីភ្នំពេញ។ លោកបន្តថា ការអភិវឌ្ឍន៍ផ្លូវក្រោមដី
របស់ក្រុមហ៊ុនណាហ្គា វាចំទៅនឹងក្លោងទ្វារ និងរបង របស់វិទ្យាស្ថាន
ពុទ្ធសាសនបណ្ឌិត្យ បន្ទាប់មក ក្រុមហ៊ុនបានស្នើសុំទៅរាជរដ្ឋាភិបាល
និងស្ថាប័នពាក់ព័ន្ធ ដើម្បីរើរបង និងក្លោងទ្វារចេញសិន
ដោយសាងសង់ផ្លូវក្រោមដី
តភ្ជាប់ពីអាគារថ្មីTSCCK ទៅអគារណាហ្គារួចក្រុមហ៊ុន
នឹងសាងសង់ក្លោងទ្វារ និងរបងឡើងវិញ ដោយមានរចនាបថ ដូចដើម
និងចំកន្លែងដើមវិញ។
លោកបន្ថែមថា ការរុះរើរបង
និងក្លោងទ្វារចេញហើយសាងសង់ថ្មី គឺដើម្បីធ្វើគ្រឹះក្រោមទាំងរបង
និងក្លោងទ្វារឲ្យមានភាពរឹងមាំជាងមុន ព្រោះអ្នកជំនាញបានអះអាងថា
ផ្លូវក្រោមដីធ្វើចំកន្លែងហ្នឹង
ហើយជើងក្រោមគ្រឹះមិនមានភាពរឹងដូច្នេះ ហើយបានជារាជរដ្ឋាភិបាល
និងស្ថាប័នពាក់ព័ន្ធរួមនឹងក្រសួងធម្មការ និងសាសនា
អនុញ្ញាតឲ្យវាយចោលសិន
បន្ទាប់មកនាងសាងសង់ឡើងវិញតាមគម្រោងក្រុមហ៊ុន
និងសាងសង់រួចនៅឆ្នាំ២០១៥ខាងមុខនេះ៕
ប្រភពពី Free Press Magazine
