ផ្តល់សិទ្ទិដោយ៖looking today.com

ភ្នំពេញ៖ សោភ័ណ្ឌ លីដា តារាសម្តែងស្រីវ័យក្មេង តែងជួបប្រទះបញ្ហា រឿងអាស្រូវ ស្នេហាក្រៅសិល្បៈ ជាញឹកញាប់ ថ្មីៗនេះនាងត្រូវបាន បញ្ជូនទៅសង្គ្រោះបន្ទាន់ នៅមន្ទីពេទ្យឯកជនមួយ បន្ទាប់តារាស្រីរូបនេះ ជួបអាការខ្យល់គដួលសន្លប់បាត់បង់ស្មារតីភ្លាមៗមួយរំពេច នៅក្នុងផ្ទះរបស់នាង។

ប្រភពពីអ្នកសិល្បៈស្និទ្ធស្នាល បាននិយាយថា តារាសម្តែង សោភ័ណ្ឌ លីនដា មុននេះបានដួល សន្លប់ស្តូកស្តឹង នៅក្នុងផ្ទះ ដោយសារមួយរយៈនេះ នាងខំប្រឹងជាមួយការងារ សិល្បៈច្រើនពេក រហូតគ្មានពេលសម្រាក គ្រប់គ្រាន់ ទើបបណ្តាលឲ្យកម្លាំងចុះខ្សោយ និងមានជំងឺខ្យល់គ នេះតែម្តង។ ប៉ុន្តែសំណាងល្អ ត្រូវបានគេប្រទះឃើញ ហើយដឹកយកទៅសង្គ្រោះ នៅមន្ទីពេទ្យទាន់ពេលវេលា។

ប្រាប់គេហទំព័រ LookingTODAY តាមសារអេឡិចត្រូនិច កញ្ញា សោភ័ណ្ឌ លីនដា បាននិយយាឲ្យដឹងថា កាលពីប៉ុន្មានថ្ងៃមុននេះ នាងពិតជាបានដួលសន្លប់ នៅផ្ទះពិតមែន តែសំណាងល្អ មានគេឃើញ និង ជួយដឹកយកទៅសង្គ្រោះ នៅមន្ទីពេទ្យទាន់ពេល។

តារាសម្តែង និង ម៉ូឌែល សោភ័ណ្ឌ លីនដា បានបន្តថា “ខ្ញុំខ្យល់គរ ហើយនៅផ្ទះម្នាក់ឯង ក៏ធ្លាក់ពីចុះមកក្រោម ប៉ុន្តែឥឡូវនេះ បានធូរស្បើយខ្លះៗហើយ និងកំពុងតែសម្រាកនៅផ្ទះឯខេត្តព្រៃវែង។ មូលហេតុ ដែលបណ្តាលឲ្យខ្ញុំ ខ្យល់គនេះគឺ មកពីខ្ញុំគេងមិនសូវគ្រប់គ្រន់ ព្រោះរវល់ជាមួយនឹងការសម្តែងសិល្បៈរាល់ថ្ងៃ..អស់កម្លាំងពីខ្លួន..!”។

ស្ថិតក្នុងវ័យ២០ ឆ្នាំ តារាសម្តែង និងតារាបង្ហាញម៉ូដ កំពុងស្រូបបានប្រជាប្រិយភាព នៅលើវិស័យសិល្បៈ កញ្ញា សោភ័ណ្ឌ លីនដា ក្រោយពីបានឈានជើង ចូលប្រឡូក អស់រយៈពេលជាងមួយ ឆ្នាំមកនេះ ត្រូវបានគេមើឃើញថា ទាំងការសម្តែង និងការដើរមូដ ហាក់មានស្ទុះ ទៅមុខគួរកត់សម្គាល់ ។ មិនតែប៉ុណ្ណោះ សន្ទុះនៃការគាំទ្រ ពីសំណាក់ទស្សនិកជន ក៏ចាប់ផ្តើមមានការកើនឡើង ទៅមុខជាលំដាប់ផងដែរ៕