ពលរដ្ឋ៣គ្រួសារចោទថា ក្រុមហ៊ុនហេងអភិវឌ្ឍន៍ ជីកដីរំលំផ្ទះ តែក្រុមហ៊ុនថា ខ្លួនមានបណ្ណកម្មសិទ្ធិស្របច្បាប់
រាជធានីភ្នំពេញ៖
ប្រជាពលរដ្ឋចំនួន ៣គ្រួសារ រស់នៅភូមិព្រែករទាំង សង្កាត់ព្រែកកំពឹស
ខណ្ឌដង្កោ ចោទក្រុមហ៊ុនហេងអភិវឌ្ឍន៍ថា ជីកដីក្បែរផ្ទះ
ដើម្បីរំលំផ្ទះសម្បែងរបស់ពួកគាត់
ខណៈក្រុមហ៊ុនបានព្យាយាមទិញដីពលរដ្ឋ តែពួកគេ មិនព្រមលក់អោយ
ប៉ុន្តែតំណាងក្រុមហ៊ុនហេងអភិវឌ្ឍន៍បានអះអាងថា
ដីរបស់ខ្លួនមានបណ្ណកម្មសិទ្ធិស្របច្បាប់
ដែលបានទិញពីប្រជាពលរដ្ឋ។
អ្នកស្រី ហង្ស ចន្ថា
អាយុ៥៣ឆ្នាំ ប្រកបមុខរបរ ជាអ្នកលក់ដូរបន្តិចបន្តួច និងមានកូន
៨នាក់នៅក្នុងបន្ទុក ដែលជាម្ចាស់ផ្ទះ បានប្រាប់ឱ្យដឹងថា
ក្រុមហ៊ុនហេងអភិវឌ្ឍន៍ បានព្យាយាមទិញដី របស់អ្នកស្រី
កាលពី៣ឆ្នាំមុន តែអ្នកស្រីបានបដិសេធន៏លក់ ដោយសារក្រុមហ៊ុន
បានផ្តល់តម្លៃដីត្រឹមតែ៧០០០ដុល្លារ ដែលអ្នកស្រីអះអាងថា
មិនសាកសមនឹងតម្លៃដីពិតប្រាកដ។ អ្នកស្រីបន្តថា
ដោយសារការមិនលក់នេះ កាលពីថ្ងៃទី២៤ខែឧសភា
ក្រុមហ៊ុនបានជីកដីក្បែរផ្ទះជម្រៅប្រហែល៣ម៉ែត្រ បណ្តាយ១៥ម៉ែត្រ
ជាការគំរាមកំហែងនឹងពលរដ្ឋមិនលក់ដីអោយ។ប៉ុន្តែតំណាងក្រុមហ៊ុនហេង
អភិវឌ្ឍន៍បានអះអាងថា
ដីរបស់ខ្លួនមានបណ្ណកម្មសិទ្ធិស្របច្បាប់
ដែលបានទិញពីប្រជាពលរដ្ឋក្នុងនោះប្រជាពលរដ្ឋដែលជាអ្នកលក់ដី
ឲ្យក្រុមហ៊ុនក៏ដូចជាសាក្សីនិងអាជ្ញាធរពួកគាត់បានរស់នៅទី
នោះដឹងឮទទួលស្គាល់សព្វថ្ងៃ។
មិននតែប៉ុណ្ណោះ
តំណាងក្រុមហ៊ុនហេងអភិវឌ្ឍន៍បានអះអាងបន្តទៀតថា
នៅព្រឹកថ្ងៃទី២៧ ខែឧសភា ឆ្នាំ២០១៤
លោកមេឃុំដែលធ្លាប់ស៊ីញ៉េទទួលស្គាល់លើលិខិតលក់-ទិញរវាងប្រជា
ពលរដ្ឋមកឲ្យក្រុមហ៊ុន
គាត់ក៏ធានាថាចូលខ្លួនមកឆ្លើយបំភ្លឺនៅទីនោះ
ដើម្បីបញ្ជាក់ពីប្រវត្តិដី កុំឲ្យអាជ្ញាធរខណ្ឌដង្កោ
ពិបាកក្នុងការដោះស្រាយ។
តំណាងក្រុមហ៊ុនដដែលបានលើកឡើងថា
ការចោទប្រកាន់ របស់ប្រជាពលរដ្ឋមកលើក្រុមហ៊ុនថា
បានរំលោភយកដីរបស់ប្រជាពលរដ្ឋនោះគឺជារឿងមិនពិត
និងបង្កើតឲ្យមានបញ្ហាផ្សេងខុសពីការពិតរហូតដល់ក្រុមឆ្លៀតឱ
កាសនិយមយករឿងនេះទៅបង្ហោះតាមហ្វេសប៊ុក
បំភ្លើសការពិតក្នុងន័យចោទប្រកាន់និងបរិហារកេរ្តិ៍មកលើក្រុម
ហ៊ុនទាំងបំពាន។
តំណាងក្រុមហ៊ុនលើកហេតុផលថា
បើមិនកាយព្រំការរំលោភបំពានពីអ្នកដែលគ្មានបណ្ណកម្មសិទ្ធិចេះ
តែនាំគ្នាមករស់នៅនិងសង់ផ្ទះលើដីស្របច្បាប់
របស់ក្រុមហ៊ុនកាន់តែរីកយកដីបន្តិចម្តងៗ
ទើបក្រុមហ៊ុនសម្រេចកាយដីព្រំបែបនេះ។
លោក ជុំ ឈាង ចៅសង្កាត់ព្រែកំពិស
បានឲ្យដឹងផងដែរថា
ប្រជាពលរដ្ឋដែលមានទំនាស់ជាមួយក្រុមហ៊ុននេះ
កន្លងទៅគាត់បានធ្វើបណ្ណឲ្យ ប៉ុន្តែបណ្ណនោះ
គ្រាន់តែជាការទទួលស្គាល់ថា គាត់ជាប្រជាពលរដ្ឋ
ស្នាក់នៅទីនោះ ដើម្បីខ្ចីប្រាក់អង្គការប៉ុណ្ណោះ។
លោកប្រាជ្ញ សីហា
អភិបាលរងខណ្ឌដង្កោដែលបានចុះទៅដោះស្រាយជុំវិញបញ្ហានេះ
បានប្រាប់តាមទូរស័ព្ទថា ខាងក្រុមហ៊ុនបានអះអាងថា
ខ្លួនមានបណ្ណកម្មសិទ្ធិ ដូច្នេះត្រូវដាក់ពាក្យបណ្តឹង
ហើយប្រជាពលរដ្ឋ ក៏ត្រូវបង្ហាញឯកសារ
ប្រសិនបើខ្លួនមានលិខិតស្នាមកាន់កាប់ដីធ្លីពិតប្រាកដមែន ។
ប៉ុន្តែករណីនេះ លោកអភិបាលរងខណ្ឌបញ្ជាក់ថា
ការដោះស្រាយបានមួយចំនួន អាចនឹងឈានទៅបញ្ចប់នៅពេលក្រោយ។
ប្រភពពី Free Press Magazine
