មន្រ្តីបក្សប្រឆាំងថា ក្រុមការងារអាចនឹងជួបគ្នានៅដើម សបា្តហ៏ក្រោយ តែមន្រ្តីបក្សកាន់អំណាចថា អត់ទាន់ដឹងទេ
រាជធានីភ្នំពេញ៖
មន្ត្រីអ្នកនំាពាក្យគណបក្សប្រឆាំង លោក យ៉ែម បុញ្ញប្ញទ្ឋិ
បានបា្រប់សារព័ត៌មាន ក្នុងស្រុក នៅរសៀលថ្ងៃទី២៦ ខែឧសភា ឆ្នាំ ២០១៤នេះ ថា
ក្រុមការងារបច្ចេកទេសនៃគណៈកម្មការចម្រុះគណបក្សប្រជាជនកម្ពុជា
និង គណបក្សសង្គ្រោះជាតិ អាចនឹងជួបពិភាក្សាគ្នាឡើងវិញ នៅថ្ងៃចន្ទ
ឬ អង្គារ ដើម សបា្តហ៏ក្រោយនេះ តែមន្រ្តីគណបក្ស កាន់អំណាចថា
អត់ទាន់ដឹងទេ។
បើតាមលោក យ៉ែម បុញ្ញប្ញទ្ឋិ បានឱ្យដឹងថា
ជំនួបនោះ នឹងពិភាក្សាគ្នា ទៅតាមអ្វី ដែលបានព្រៀមព្រៀង និង
ឯកភាពគ្នាក្នុងជំនួបក្រៅផ្លូវការ រវាងលោក គួយ ប៊ុន
រឿនមន្រ្តីជាន់ខ្ពស់គណបក្សសង្គ្រោះជាតិ និង លោក ព្រុំ សុខា
មន្រ្តីជាន់ខ្ពស់គណបក្សប្រជាជនកម្ពុជា និងជារដ្ឋលេខា ធិការ
ក្រសួងមហាផ្ទៃកាលពីព្រឹកថ្ងៃទី២២ ខែឧសភាកន្លងមកថ្មីៗនេះ។
ចំណែក លោក ជាម យៀប សមាជិករដ្ឋសភា
និងជាសមាជិកគណៈកម្មាធិការអចិន្ត្រៃយ៍រដ្ឋសភា បានប្រាប់ឲ្យដឹង
នៅរសៀលថ្ងៃចន្ទនេះដែរថា លោកមិនទាន់ដឹងនៅឡើយទេថា
ក្រុមការងារនៃគណៈកម្មការចម្រុះគណបក្សទំាងពីរ នឹងជួបគ្នានៅពេលណានោះ។
គួរបញ្ជាក់ថា ក្នុងជំនួបក្រៅផ្លូវការរវាងលោក
គួយ ប៊ុនរឿន និងលោក ព្រុំ សុខា កាលពីពាក់កណ្តាលសបា្តហ៏មុននេះ បើតាមលោក
គួយ
ប៊ុនរឿន បានប្រាប់អ្នកកាសែត បន្ទាប់ពីចប់ជំនួបពិភាក្សាទ្វេភាគីថា
ភាគីទាំងពីរបានពិភាក្សាគ្នា លើគោល ការណ៍សំខាន់ៗ និងស្មារតី
ដែលបានឯកភាពគ្នាពីមុនមក និងត្រៀមរៀបចំឲ្យគណៈកម្មការបច្ចេកទេស
នៃគណបក្សទាំងពីរធ្វើការជាមួយគ្នា ពិនិត្យលើក្របខណ្ឌកំណែទំរង់
លើយន្តការបោះឆ្នោត។ លោក បានបញ្ជាក់បន្តថា
ក្រុមការរងារបច្ចេកទេសនៃគណបក្ស
ទាំងពីរនិងមានជំនួបជាមួយគ្នានៅពេលបន្ទាប់ទៀត។
ប៉ុន្តែជំនួបនេះភាគីតាំងពីរត្រូវយកទៅជម្រាបថ្នាក់ដឹកនាំគណបក្ស
ទាំងពីរ
ហើយបន្តទាក់ទងគគ្នានៅពេលក្រោយ។ការពិភក្សាគ្នានេះទទួលបានផល
វិ្ជមានហើយការជជែកកចង់ដោះស្រាយបញ្ហាដែលចាប់គាំងមកដល់
ពេលបច្ចុប្បន្ន។ ជាពិសេសផ្តោតទៅលើកំណែទម្រង់ស្ថាប័នបោះឆ្នោត
រួមទាំងសមាសភាព គ.ជ.ប
និងយន្តការនៃដំណើរការបោះឆ្នោត។ ទាំងគណបក្សប្រជាជនកម្ពុជា
និងគណបក្សសង្គ្រោះជាតិ គឺបានឯកភាពគ្នាទៅលើស្មារតី
នៃកិច្ចព្រមព្រៀងគ្នាពីមុនមក។
ចំណែកលោក ព្រុំ សុខា
បានប្រាប់ក្រុមអ្នកកាសែតក្រោយជំនួបនោះដែរថា បញ្ហាមាននៅក្នុង
កិច្ចព្រមព្រៀង
ហើយពេលណាដែលឯកភាពគ្នាធ្វើការដោះស្រាយបញ្ហាឈានទៅមុខ មានន័យថា
ឲ្យតែបានព្រមព្រៀងគ្នាលើកិច្ចព្រមព្រៀងចុងក្រោយ
គឺថាគាត់នឹងចូលសភា។លោករដ្ឋលេខាធិការក្រសួងមហាផ្ទៃបានបន្តថា
តំណាងក្រុមការងាររវាងគណបក្សទាំងពីរនឹងបន្តការពិភាក្សាគ្នា
តទៅទៀត ហើយឯកភាពគ្នាទៅលើអ្វីដែលបានព្រមព្រៀងគ្នាកន្លងទៅ
ដើម្បីបញ្ចប់បញ្ហាដែលនៅសេសសល់
និងឈានទៅដល់ការដោះស្រាយចុងក្រោយ។
អំពីកិច្ចព្រមព្រៀងដែលថ្នាក់ដឹកនាំគណបក្សទាំងពីរបានឯកភាពគ្នា
កាលពីថ្ងៃទី០៩មេសា២០១៤ (លោកសម រង្ស៊ី
បានទូរស័ព្ទពិភាក្សាជាមួយសម្តេចតេជោ ហ៊ុន សែន)
យើងនឹងផ្អែកលើកិច្ចព្រមព្រៀងនោះ ដើម្បីពិភាក្សាបន្តទៅទៀត ។
លោកព្រុំ សុខា បានបញ្ជាក់បន្ថែមថា
បញ្ហាដែលនៅសេសសល់មិនទាន់ដោះស្រាយ គឺខិតខំបញ្ចប់
ដើម្បីឈានទៅដល់ការជួបគ្នាផ្លូវការ រួចនឹងមានដំណោះស្រាយ។ លោកថា
ជំនួប រវាងលោក និងលោក គួយ ប៊ុនរឿន គឺជាការជួប
ដើម្បីរៀបចំការជួបចរចាជាផ្លូវការ ទាំងក្រុមការងារ និង
បន្តការជួបជាផ្លូវការ រវាងថ្នាក់ដឹកនាំកំពូល នៃគណបក្សទំាងពីរ។
សូមព្ជាក់ថា
ចាប់តាំងពីក្រោយការបោះឆ្នោតជ្រើសតំាងតំណាងរាស្ត្រនីតិកាលទី៥ នៃរដ្ឋសភា
កាលពីថ្ងៃទី២៨ កក្កដា ២០១៣ រហូតមកដល់ពេលនេះ មានរយៈពេលជិតមួយឆ្នាំហើយ
ដែលវិបតិ្តជាប់គាំង នយោបាយ មិនទាន់បានត្រូវបិទ បញ្ចប់នៅឡើយ
បើទោះបីជាគណបក្សប្រជាជនកម្ពុជា និងគណបក្សសង្គ្រោះជាតិ
ដែលទទួលបានអាសនៈសភាក្នុង អាណត្តិទី៥នេះ បានជួបពិភាក្សា
និងចរចាគ្នាជាច្រើនលើក រាប់ទំាងជំនួបថ្នាក់ដឹកនំាកំពូលផងនោះ។
យ៉ាងណាក៏ដោយ
ក្រុមអ្នកវិភាគនយោបាយនៅកម្ពុជា នៅតែផ្តល់ក្តីសង្ឃឹមថា
គណបក្សទំាងពីរនឹងបន្តជួបគ្នាដោះស្រាយបញ្ហាដែលមិនទាន់បានឯកភាពគ្នា
ដើម្បីបញ្ចប់វិបត្តិ ប្រសិនបើភាគីទំាងពីរមានឆន្ទៈពិតបា្រកដ។ យ៉ាងណា
ក៏ដោយប្រជា ពលរដ្ឋពលសង្ឈឹមថា
អ្នកនយោបាយទាំងពីរគណបក្ស បពា្ឈប់ការគិតផលប្រយោជន៍ផ្ទាល់ខ្លួន
ជាងគិតផលប្រយោជន៍ ជាតិទៅ។
ប្រភពពី Free Press Magazine
