- (មនុស្សប្រុស) ពេលមានបញ្ហាមនុស្សប្រុស ចូលចិត្តនៅម្នាក់ឯង មិនចង់ឲ្យគេសួរដេញដោលច្រើន មិនចង់ ឲ្យគេឃើញថា ខ្លួនទន់ខ្សោយ ហើយក៏មិនត្រូវការ ពាក្យលួងលោមដែរ ។
- (មនុស្សស្រី) ពេលមានបញ្ហាមនុស្សស្រី ត្រូវការនិយាយចេញ មកក្រៅបន្ធូរអារម្មណ៍ តានតឹង នាងត្រូវការ អ្នកលួងលោមយល់ចិត្តថ្លើម និងយល់អារម្មណ៍ឈឺចាប់របស់នាង ។
- (មនុស្សប្រុស) បុរសចង់ឲ្យស្រ្តីនៅស្និទ្ធស្នាលខណៈពេលសប្បាយរីករាយ។
- (មនុស្សស្រី) ស្រ្តីចង់ឲ្យបុរសនៅក្បែរ ក្នុងគ្រាទុក្ខព្រួយ ពិបាកចិត្ត។
- (មនុស្សប្រុស) បុរសនឹងមួម៉ៅប្រសិនបើស្រ្តី ធ្វើឲ្យគាត់មានអារម្មណ៍ថា គាត់មិនមែនជាបង្គោលគ្រួសារ ដូចជារអ៊ូ រឿងប្រាក់ចំណូល មិនគ្រប់គ្រាន់ជាដើម ។ (មនុស្សស្រី) ស្ត្រីនឹងមួម៉ៅប្រសិន បើបុរសសំដែងឲ្យ ឃើញថា គាត់មិនមែនជាមេផ្ទះដ៏ល្អ ដូចជារអ៊ូថាផ្ទះមិនស្អាតជាដើម ។
- (មនុស្សប្រុស) បុរសមិនចូលចិត្តនិយាយពាក្យថា "ស្រឡាញ់" ទេ តែចូលចិត្តបង្ហាញ តាមរយៈទង្វើដូចជា ខំរកស៊ីជាដើម ។ បុរសគិតថា ធ្វើកិច្ចការធំៗតែពីរបី គ្រប់គ្រាន់នឹងជំនួស ពាក្យថាស្រឡាញ់បានហើយ ។
- (មនុស្សស្រី) ស្រ្តីចូលចិត្តឮពាក្យថា "ស្រឡាញ់" ពិសេសក្រោយរៀបការរួច ដើម្បីឲ្យនាងកាន់ តែមានជំនឿ ចិត្ត ។ ស្ត្រីចូលចិត្តឲ្យបុរស ធ្វើល្អជាប់ជាប្រចាំ មិនគិតរឿងធំឬតូចទេ ផ្កាមួយទង និងរថយន្តមួយគ្រឿង មាន តម្លៃប៉ុនគ្នាក្នុងចិត្តស្រ្តី ។
- (មនុស្សស្រី) ស្រ្តីចង់ឲ្យបុរសជួយការងារផ្ទះ ជួយមើលកូន តែមិនព្រមនិយាយ បែរជារអ៊ូ ។ (មនុស្សប្រុស) ឯបុរសរង់ចាំ ឲ្យស្រ្តីនិយាយ ទើបជួយ ។
- (មនុស្សស្រី) ស្រ្តីពេលមកពិភាក្សា នាងចង់បានការជួយសម្រេចចិត្ត និងពាក្យផ្តល់កម្លាំងចិត្ត ដែលធ្វើឲ្យ នាងមានអារម្មណ៍ ថាខ្លួនមានតម្លៃ ។
- (មនុស្សស្រី) ស្ត្រីទ្រាំមិនបានទេ បើនាងមានអារម្មណ៍ថាបុរស លាក់កំបាំងការពិតអ្វីមួយជាមួយនាង ។
- (មនុស្សប្រុស) ស្របពេលជាមួយគ្នានោះ បុរសគិតថាលាក់បាំងរឿងនោះ ដើម្បីឲ្យស្រ្តីសប្បាយចិត្ត តែបែរ ជាធ្វើឲ្យនាងកាន់ តែខឹងខ្លាំងឡើងទៅវិញ ។ ស្រ្តីចូលចិត្តឈ្លេច រកចម្លើយបើនាងសង្ស័យអ្វីមួយ ធ្វើឲ្យបុរស ធុញទ្រាន់ រឹតតែបិទមាត់មិនប្រាប់ ៕