ភ្នំពេញ៖ ស្រ្តីម្នាក់ បានបើករថយន្តកូរ៉ូឡាពណ៌ស មួយគ្រឿងបុកចូលទៅក្នុងហ្វូងកម្មករ និងអ្នកគាំទ្រគណបក្ស សង្រ្គោះជាតិ ដឹកនាំដោយ លោក សម រង្ស៊ី និងលោក កឹម សុខា ដែលកំពុងនាំគ្នាប្រមូលផ្តុំតវ៉ានៅលើស្ពាននាគ  ក្បែរវត្តភ្នំ តែមិនបណ្តាលឲ្យនរណាម្នាក់រងរបួសនោះទេ។ ហេតុការណ៍នេះ បានកើតឡើងនាវេលាម៉ោង ប្រមាណ ៩ និង៤០នាទីព្រឹកថ្ងៃទី១ ខែឧសភា ឆ្នាំ២០១៤នេះ។

បើតាមសេចក្តីរាយការណ៍ពីកន្លែងកើតហេតុ បានឲ្យដឹងទៀតថា ក្រោយពីបើករថយន្តចូលទៅក្នុងហ្វូងអ្នកតវ៉ាជា  មួយល្បឿនដ៏លឿននោះ បានធ្វើឲ្យក្រុមអ្នកតវ៉ាផ្ទុះកំហឹងវាយរថយន្តនោះ ខូចខាតយ៉ាងដំណំ។ ដោយឡែកស្រ្តី  ដែលបើករថយន្តមិនរងការវាយតបពីក្រុមអ្នកតវ៉ានោះទេ។

ក្រោយកើតហេតុភ្លាមៗ សមត្ថកិច្ច បានឃាត់ខ្លួនស្រ្តីជាម្ចាស់រថយន្តទៅសួរនាំ ព្រមទាំងស្ទួចយករថទៅរក្សាទុក  ផងដែរ។

ជុំវិញការបើករថយន្តសំដៅចូលទៅក្នុងហ្វូងអ្នកតវ៉ានេះ គេមិនទាន់ដឹងពីមូលហេតុនៅឡើយនោះទេ៕