យោងតាមរបាយការណ៍ថ្មី បានឲ្យដឹងថា នៅពេលនេះ ក្រុមហ៊ុន Apple កំពុងតែសាកល្បង ប្រើនូវកំណែទម្រង់ថ្មី iOS 7.1.2។
យោងតាមគេហទំព័រ MacRumors បានឲ្យដឹងថា កំណែទម្រង់ថ្មីនេះ ត្រូវបានធ្វើឡើងដើម្បី កែនូវបញ្ហាមួយចំនួន ដូចជាបញ្ហាទៅលើ ការភ្ជាប់ឯកសារ តាមអ៊ីមេល និងបញ្ហា iMessage ដោយសារមួយរយៈ ពេលក្រោយនេះមានអតិថិជន ជាច្រើនបានរអ៊ូរទាំថា ទូរស័ព្ទរបស់ពួកគេ កើតមានបញ្ហាខាងលើ។
កំណែទម្រង់  iOS 7.1.2 ថ្មីនេះ ប្រហែលជានឹងដាក់ ឲ្យប្រើប្រាស់នូវមុនពេល iOS 8 បង្ហាញខ្លួន ព្រោះថាក្រុមហ៊ុនត្រូវ សាកល្បងឲ្យដឹងពី ចន្លោះប្រហោងឲ្យ អស់មុនពេលចេញ iOS 8៕