ជនដៃដល់ដែលកាប់គ្នាស្លាប់ ពេលរាំធុងបាស់ក្នុងពិធីឡើង គេហដ្ឋានថ្មីប៉ូលិសចាប់ខ្លួនបានម្នាក់
កំពង់ឆ្នាំង: ជនដៃដល់
ដែលបានវាយ និង កាប់ទៅលើបុរសម្នាក់ បណ្តាលអោយស្លាប់
កាលពីយប់ថ្ងៃទី៨ ខែមេសា ឆ្នាំ២០១៤ នៅភូមិសេរី ឃុំខុនរ៉
ស្រុកបរិបូរណ៍ ត្រូវសមត្ថកិច្ចប៉ូលីសការិយាល័យព្រហ្មទណ្ឌកម្រិតធ្ងន់
នៃស្នងការដ្ឋាននគរបាលខេត្តកំពង់ឆ្នាំង
សហការជាមួយកម្លាំងប៉ូលីសស្រុកបរិបូរណ៍ ចាប់ខ្លួនបានម្នាក់ហើយ
កាលពីរសៀលថ្ងៃទី១០ មេសានេះ ។ជនសង្ស័យដែលត្រូវសមត្ថកិច្ចចាប់ខ្លួនឈ្មោះគិត គៀត ភេទប្រុស អាយុ២៧ឆ្នាំមានទីលំនៅក្នុងភូមិសេរី ឃុំខុនរ៉ង ស្រុកបរិបូរណ៍ ខេត្តកំពង់ឆ្នាំង។
គួរំលឹកថា បុរសម្នាក់បានស្លាប់ក្នុងថ្លុកឈាមនៅកន្លែងកើតហេតុ និង មានមនុស្សមួយចំនួនទៀតបានរងរបួស បន្ទាប់មានការប៉ះទង្គិចគ្នាមួយប្រាវរវាងក្រុមជនរងគ្រោះនិង ភាគីម្ខាងទៀត កាលពីវេលាម៉ោងជាង១០យប់ថ្ងៃទី៨ខែមេសា ឆ្នាំ២០១៤ នៅភូមិសេរី ឃុំ ខុនរ៉ង ស្រុកបរិបូរណ៌ ខេត្តកំពង់ឆ្នាំង ។
ជនរងគ្រោះនៅក្នុងជម្លោះហឹង្សានេះ ឈ្មោះលន់ ឈួន ហៅលប ភេទប្រុស អាយុ២៦ឆ្នាំ មានទីលំនៅក្នុងភូមិដើមជ្រែ ឃុំខុនរ៉ង ស្រុកបរិបូរណ៌ ខេត្តកំពង់ឆ្នាំង ។
នៅចំពោះមុខសមត្ថកិច្ចជនសង្ស័យបានឆ្លើយសារភាពថា នៅក្នុងថ្ងៃកើតហេតុនោះក្រុមគ្រួសារលោកភួង ហ៊ិន នៅក្នុងភូមិសេរី ឃុំខុនរ៉ង បានប្រារព្វពិធីឡើងគេហដ្ឋានថ្មី ហើយនៅវេលាយប់ ក៏មានចាក់ធុងបាស់រាំលេងកំសាន្តផងដែរ ។
ជនសង្ស័យបានបញ្ជាក់ថា ក្នុងពេលរាំលេងនោះ ខ្លួនបានរាំប៉ះជើងឈ្មោះលន់ ឈួន ( ជនរងគ្រោះ ) ក៏បង្ករជាជម្លោះឡើង ។ ការវាយគ្នាក្នុងពេលនោះមាន៣លើក ដែលលើកទី១ វាយគ្នាក្នុងវង់រាំតែត្រូវគេឃាត់ លើកទី២វាយគ្នានៅខាងក្រៅវង់ត្រូវគេឃាត់ទៀត និងលើកទី៣វាយគ្នានៅវាលស្រែ ចម្ងាយពីវង់រាំប្រហែល១០០ម៉ែត្រ ដោយរូបគេបានយកពូថៅគប់ទៅលើឈ្មោះលន់ ឈួនបណ្តាលអោយត្រូវចំបំពង់ក៕R/L
