ផ្តល់សិទ្ទិដោយ៖dap-news.com

កណ្តាលៈ បុរសវ័យចំណាស់ម្នាក់ បានធ្វើអត្តឃាតដោយចងកសម្លាប់ខ្លួន នៅលើដើមអំពិល ក្បែរផ្ទះក្មួយបង្កើតរបស់ខ្លួន ក្រុម គ្រួសារបានអះអាងថា ប្រពន្ធរបស់គាត់បានចាកចេញចោលគាត់ ទៅរស់នៅឯខេត្តរតនគីរី។ ហេតុការនេះកើតឡើង កាលពីវេលាម៉ោង២០និង៣០នាទី ថ្ងៃទី២៦ ខែមេសា ឆ្នាំ២០១៤ ស្ថិតនៅក្នុងភូមិព្រែកហូរ ក្រុងតាខ្មៅ ខេត្តកណ្តាល។

នគេបាលបានឲ្យដឹងថា ជនរងគ្រោះមានឈ្មោះ ខាត់ កៃ ភេទប្រុស អាយុជាង៦០ឆ្នាំ ស្នាក់នៅភូមិព្រែកហូរ ខាងលិច សង្កាត់ព្រែកហូរ ក្រុងតាខ្មៅ មកស្នាក់នៅជាមួយកូន មានស្រុកកំណើតនៅភូមិចេក ឃុំត្នោតស្រុកបាទី ខេត្តតាកែវ។

នគរបាលបានបន្តទៀត មុនពេលកើតជនរងគ្រោះបាន មកលេងផ្ទះក្មួយបង្កើតនៅកន្លែងកើតហេតុ ពេលនោះ ក្មួយបានរៀបចំបាយទឹកឲ្យហូប ប៉ុន្តែជនរងគ្រោះរងហាក់បីដូចជាមានកង្វល់អ្វីមួយ ពេលរៀបចំ បាយទឹករួច ហើយមករកឪពុកមា ស្រាប់ឃើញ  ជនរងគ្រោះចងកសម្លាប់ខ្លួនស្លាប់បាត់ទៅហើយ  រួចក៏រាយការប្រាប់ នគរបាលមូលដ្ឋានឲ្យចុះពិនិត្យសាកសព ក្រុមគ្រួសារបានអះអាង ប្រាប់នគរបាលថា ជនរងគ្រោះទើបមកពី ស្រុកកំណើតមកស្នាក់នៅជាមួយ និងកូនបាន ៤ទៅ៥ថ្ងៃប៉ុណ្ណោះ រីឯប្រពន្ធរបស់គាត់បានចាកចោល គាត់ ទៅរស់នៅខេត្តរតនគីរី ដូច្នេះ ប្រហែលជាគាត់តូចចិត្តឬក៏នឹកដល់ប្រពន្ធគាត់ រហូតខូចចិត្តចងកសម្លាប់ខ្លួន បែបនេះតែម្តងទៅ៕