​ ព័ត៌មាន​ចុង​ក្រោយ​ពី​យន្តហោះ​ម៉ា​ឡេ​ស៊ី​ដែល​បាត់​ខ្លួន​គឺ​ត្រូវ​គេ​ប្លន់ ​ ហើយ​អ្នក​ប្លន់​នោះ​អាច​ជា​អាកាសយានិក​ផ្ទាល់​តែ​ម្តង​ ពេល​នេះ​បាន​បង្ហាញ​នៅ​ព័ត៌មាន​ជា​ច្រើន​ស្តី​ពី​ផ្លូវ​ដែល​យន្តហោះ​MH​ 370​ ចុះ​ចត​បាន​មាន​រហូត​ដល់​ទៅ​៦០០​ផ្លូវ​ ។​
​សារព័ត៌មាន​ Straits​ Times​ របស់​សឹ​ង្ហ​បុរី​បាន​ដកស្រង់​សារព័ត៌មាន​ Mirror​ របស់​អង់គ្លេស​បាន​ផ្សព្វផ្សាយ​ថា​ ជាមួយ​និង​ថាមពល​នៅ​លើ​យន្តហោះ​អាច​គ្រប់គ្រាន់​សម្រាប់​ការ​ហោះហើរ​ទៅ​ចុះ​ ចត់​នៅ​គ្រប់​ទីកន្លែង​ចាប់ពី​ប៉ា​គី​ស្ថាន​រហូត​ដល់​ទៅ​ភាគ​ខាងលិច​ប្រទេស​ អូស្ត្រាលី​ ។​ យន្តហោះ​នោះ​អាច​ចុះ​ចត​នៅ​លើ​ផ្លូវ​១​ក្នុង​ចំណោម​៦៣៤​ផ្លូវ​នៅ​ក្នុង​តំបន់​ បើ​យន្តហោះ​នោះ​ពិតជា​ត្រូវ​គេ​ប្លន់​ពិតមែន​។​
​តួលេខ​ស្តី​ពី​ផ្លូវ​ខាងលើ​ពឹងផ្អែក​ទៅ​លើ​ផែនទី​ WNYC​ ជា​គេហទំព័រ​មិន​យក​ផលប្រយោជន៍​មា​នទី​តាំងនៅ​ទីក្រុង​ញ៉ូ​វ​យ៉​ក​អា​មេ​រិ​ ក​។​  គេហទំព័រ​នោះ​បាន​បញ្ជាក់​ថា​ យន្តហោះ​ដែល​បាត់​ខ្លួន​នោះ​អាច​ចុះ​ចក​នៅ​លើ​ផ្លូវ​មួយ​ក្នុង​ចំណោម​ផ្លូវ​ ៦៣៤​ផ្លូវ​ក្នុង​២៦​ប្រទេស​ផ្សេង​គ្នា​។​
​អាកាសយានិក​ជំនាញ​បើក​យន្តហោះ​ប៊ូ​អ៊ិ​ង​៧៧៧​ បាន​បញ្ជាក់​ថា​ យន្តហោះ​ប្រភេទ​នេះ​ត្រូវការ​ផ្លូវ​ចុះ​ចត​មាន​ប្រវែង​តែ​១៥២៤​ម៉ែត្រ​ ប៉ុណ្ណោះ​។​ ពឹងផ្អែក​ទៅ​លើ​ឯកសា​ WNYC​ បាន​រក​ឃើញ​ផ្លូវ​ចុះ​ចត​រាប់រយ​កន្លែង​តំបន់​ដាច់​ស្រយាល​ ដូច​ជា​ផ្លូវ​ក្នុង​អាកាសយានដ្ឋាន​ Gan​ ក្នុង​ប្រទេស​ Maldives,​ អាកាសយានដ្ឋាន​ Dalanzadgad​ នៅ​មុង​ហ្គោ​លី​ អាកាសយានដ្ឋាន​Yap​ នៅ​ Micronesia​  ឬ​ក៏​អាកាសយានដ្ឋាន​ Miyazaki​ នៅ​ជប៉ុន​ជាដើម​ ដែល​សុទ្ធសឹងតែ​តំបន់​ដាច់​ស្រយាល​គ្មាន​មនុស្ស​ទៅ​ដល់​។​
​នៅ​ពេល​នេះ​សកម្មភាព​រុករក​តាម​ដែល​សមុទ្រ​តំបន់​មួយ​ចំនួន​ក៏​ត្រូវ​ បាន​ផ្អាក់​ក្រោយ​ពេល​ដឹង​ថា​យន្តហោះ​ត្រូវ​គេ​បញ្ចារ​ទៅ​ចុះ​ចត់​នៅ​កន្លែង ​ផ្សេង​។​ ប៉ូលិស​ម៉ា​ឡេ​ស៊ី​ក៏​បាន​ចាប់ផ្តើម​ស្រាវជ្រាវ​ទៅ​លើ​អ្នកបើកបរ​ Zaharie​ Ahmad​ Shah​ ។​
​ការ​ស្រាវជ្រាវ​នា​ពេល​នេះ​រួម​មាន​ទស្សន​នយោបាយ​របស់​ Zaharie​ Ahmad​ Shah​ និង​ជំនឿ​សាសនា​ ក៏​ដូច​ជា​ធ្លាប់​បាន​ទៅ​កាន់​ប្រទេស​ណាខ្លះ​នៅ​លើ​ពិភពលោក​។​ ក្រៅពី​នេះ​នៅ​មាន​ចំណង់​ចំណូលចិត្ត​ក៏​ត្រូវ​បាន​ស្វែង​យល់​ផង​ដែរ​។​ មិន​ត្រឹមតែ​អ្នកបើកបរ​ប៉ុណ្ណោះ​ទេ​ ក្រុម​អាកាសយានិក​ទាំងអស់​ត្រូវ​បាន​ស្រាវជ្រាវ​ដូច​គ្នា​។​
​ក្នុង​ពេល​នេះ​សារព័ត៌មាន​ Daily​ Mail​  របស់​អង់គ្លេស​បាន​រក​ឃើញ​ថា​ អ្នកបើកបរ​យន្តហោះ​គឺជា​អ្នកគាំទ្រ​យ៉ាង​ខ្លាំង​ដល់​មេដឹកនាំ​បក្ស​ប្រឆាំង​ នៅ​ម៉ា​ឡេ​ស៊ី​ គឺ​លោក​ Datuk​ Seri​ Anwar​ Ibrahim​ ។​ នៅ​មុន​ពេល​យន្តហោះ​ដែល​បាត់​ខ្លួន​ចាប់ផ្តើម​ហោះហើរ​ប៉ុន្មាន​ម៉ោង​ អាកាសយាន​និក​ Zaharie​ បាន​ទៅ​ចូលរួម​ស្តាប់​ការ​កាត់ទោស​របស់​តុលាការ​ទៅ​លើ​មេ​បក្ស​ Ibrahim​ ដោយ​តុលាការ​បាន​សម្រេច​ដាក់គុក​រយៈពេល​៥​ឆ្នាំ​ ។​ ការ​សម្រេច​របស់​តុលាការ​ធ្វើ​ឲ្យ​អាកាសយានិក​បង្ហាញ​ការ​ខកចិត្ត​យ៉ាង​ ខ្លាំង​។​ ចំណុច​ទាំងនោះ​ហើយ​បាន​គេ​ដាក់​សំនួរ​សួរ​ថា​ ការ​ប្លន់​យន្តហោះ​នោះ​ជា​សកម្មភាព​សងសឹក​របស់​អ្នកបើកបរ​យន្តហោះ​ទៅ​លើ​ រដ្ឋាភិបាល​ម៉ា​ឡេ​ស៊ី​ឬ​?៕
​
_______________
ប្រភពពីនគរវត្