កម្មកររោងចក្រ E-Z ជាង៨០០នាក់ កូដកម្មទាមទារលក្ខខណ្ឌការងារ
កម្មកររោងចក្រកាត់ដេរខោខៅប៊យ E-Z ស្ថិតនៅភូមិព្រៃទា
សង្កាត់ចោមចៅ រាជធានីភ្នំពេញ នៅថ្ងៃព្រហស្បតិ៍នេះ
ធ្វើកូដកម្មនៅមុខរោងចក្រ ទាមទារឲ្យថៅកែគោរពលក្ខខណ្ឌការងារ
និងផ្តល់ប្រាក់អត្ថប្រយោជន៍ផ្សេងៗ
សម្រាប់ទ្រង់ទ្រងជីវភាពប្រចាំថ្ងៃ។
តំណាងកម្មកររោងចក្រ E-Z លោក ទូច សំរេច ឲ្យ VOD ដឹងថាកម្មករជាង៨០០នាក់ ធ្វើកូដកម្ម ទាមទារលក្ខណ្ឌការងារ១៧ចំណុច ក្នុងនោះរួមមាន ឲ្យថៅកែរោងចក្រផ្តល់ប្រាក់ធ្វើដំណើរ និងស្នាក់នៅចំនួន១៥ដុល្លារក្នុងមួយខែ ប្រាក់សម្រាប់អាហារថ្ងៃត្រង់៤០០០រៀលក្នុង១ថ្ងៃ និងកុំឲ្យថៅកែរោងចក្រកាត់លុយពេលកម្មករធ្វើកូដកម្មជាដើម។លោក បន្ថែមថា កូដកម្មនេះ មិនជាប់ពាក់ព័ន្ធនឹង ការអំពាវនាវរបស់មេដឹកនាំសហជីព មួយចំនួន ដែលប្រកាសធ្វើកូដកម្មរយៈពេល៣ថ្ងៃ សុំតម្លើងប្រាក់ឈ្នួល១៦០ដុល្លារ និងទាមទារឲ្យដោះលែងអ្នកជាប់ ឃុំ២១នាក់នោះឡើយ «ទាមទារនេះ គឺមិនមែនពាក់ព័ន្ធរឿងនយោបាយ ឬក៏ពាក់ព័ន្ធរឿងអ្វីទាំងអស់ គឺខ្ញុំទាមទារតែអ្វីជាផលប្រយោជន៍ របស់កម្មករទាំងអស់ ឲ្យគាត់រស់នៅសមរម្យ គាត់មានប្រាក់គ្រប់គ្រាន់សម្រាប់ចាយវាយពេញមួយខែ កុំឲ្យគាត់មានផលពិបាកអីតទៅមុខទៀត»។
មន្ត្រីរដ្ឋបាលរោងចក្រ E-Z លោក សោម សំអាត មានប្រសាសន៍ថា កាលពីថ្ងៃពុធម្សិលមិញ ក្រសួងការងារ និងអភិបាលខណ្ឌ បានជួបពិភាក្សាជាមួយក្រុមហ៊ុន និងតំណាងកម្មករ ហើយតំណាងរោងចក្រ សម្រេចយក៦ចំណុច ក្នុងចំណោម១៧ចំណុច ក្នុងនោះរួមមាន រោងចក្រផ្តល់ទឹកក្តៅ ទឹកត្រជាក់ ប្រាក់បាយថ្ងៃត្រង់៣ដុល្លារក្នុង១ខែ នៅក្នុងបន្ទប់ទឹកមានទឹកគ្រប់គ្រាន់ និងអនាម័យ និងរោងចក្រឈប់បង្ខំកម្មករធ្វើការបន្ថែមម៉ោងជាដើម។ ដោយឡែក ចំណុចដែលមិនទាន់ឯកភាពគ្នានោះ នឹងបានបញ្ជូនឯកសារទៅក្រសួងការងារ ហើយក្រសួងបានបញ្ជូនឯកសារទាំងនោះទៅក្រុមប្រឹក្សាអាជ្ញាកណ្តាល ដើម្បីធ្វើការសម្រេចបន្ត«១៧ចំនុច យើងបាន ៦ចំនុច នៅសល់១១ចំនុច យើងរុញទៅក្រុមប្រឹក្សាអាជ្ញាកណ្តាល ដើម្បីឲ្យគាត់កាត់ចេញមក។ខាងវិវាទការងារគាត់បញ្ជូនទៅខាងក្រសួងការងារ គាត់ថាគាត់បញ្ជូនទៅហើយ»។
ការធ្វើកូដកម្មនៅមុខរោងចក្រ E-Z មានសហព័ន្ធសហជីពចំនួនពីរប្រឈមគ្នា គឺសហព័ន្ធសហជីពយុវជនឯករាជ្យ ដែលគាំទ្រកម្មករ ទល់នឹងសហព័ន្ធសហជីពស្មារតីកម្មករកម្ពុជា ដែលកម្មករ អះអាងថា គាំទ្រភាគីរោងចក្រ។
ប្រធានកម្មវិធីសិទ្ធិការងារនៅមជ្ឈមណ្ឌលអប់រំ ច្បាប់ សម្រាប់សហគមន៍ លោក មឿន តុលា មានប្រសាសន៍ថា ភាគីរោងចក្រ និងសហជីព ត្រូវជួបពិភាក្សាគ្នារកដំណោះស្រាយរួមមួយ ដើម្បីបញ្ចៀសការធ្វើកូដកម្ម អូសបន្លាយពេលយូរ ដែលប៉ះពាល់ដល់ប្រយោជន៍រោងចក្រ។
កម្មកររោងចក្រកាត់ដេរខោខៅប៊យ E-Z ស្ថិតនៅភូមិនព្រៃទា សង្កាត់ចោមចៅ រាជធានីភ្នំពេញ សរុបជាង៨៥០នាក់ ក្នុងនោះអ្នកចេញមុខតវ៉ាទាមទារប្រាក់អត្ថប្រយោជន៍ និងលក្ខខណ្ឌការងារពីថៅកែរោងចក្រ ប្រមាណជាង៨០០នាក់៕
តំណាងកម្មកររោងចក្រ E-Z លោក ទូច សំរេច ឲ្យ VOD ដឹងថាកម្មករជាង៨០០នាក់ ធ្វើកូដកម្ម ទាមទារលក្ខណ្ឌការងារ១៧ចំណុច ក្នុងនោះរួមមាន ឲ្យថៅកែរោងចក្រផ្តល់ប្រាក់ធ្វើដំណើរ និងស្នាក់នៅចំនួន១៥ដុល្លារក្នុងមួយខែ ប្រាក់សម្រាប់អាហារថ្ងៃត្រង់៤០០០រៀលក្នុង១ថ្ងៃ និងកុំឲ្យថៅកែរោងចក្រកាត់លុយពេលកម្មករធ្វើកូដកម្មជាដើម។លោក បន្ថែមថា កូដកម្មនេះ មិនជាប់ពាក់ព័ន្ធនឹង ការអំពាវនាវរបស់មេដឹកនាំសហជីព មួយចំនួន ដែលប្រកាសធ្វើកូដកម្មរយៈពេល៣ថ្ងៃ សុំតម្លើងប្រាក់ឈ្នួល១៦០ដុល្លារ និងទាមទារឲ្យដោះលែងអ្នកជាប់ ឃុំ២១នាក់នោះឡើយ «ទាមទារនេះ គឺមិនមែនពាក់ព័ន្ធរឿងនយោបាយ ឬក៏ពាក់ព័ន្ធរឿងអ្វីទាំងអស់ គឺខ្ញុំទាមទារតែអ្វីជាផលប្រយោជន៍ របស់កម្មករទាំងអស់ ឲ្យគាត់រស់នៅសមរម្យ គាត់មានប្រាក់គ្រប់គ្រាន់សម្រាប់ចាយវាយពេញមួយខែ កុំឲ្យគាត់មានផលពិបាកអីតទៅមុខទៀត»។
មន្ត្រីរដ្ឋបាលរោងចក្រ E-Z លោក សោម សំអាត មានប្រសាសន៍ថា កាលពីថ្ងៃពុធម្សិលមិញ ក្រសួងការងារ និងអភិបាលខណ្ឌ បានជួបពិភាក្សាជាមួយក្រុមហ៊ុន និងតំណាងកម្មករ ហើយតំណាងរោងចក្រ សម្រេចយក៦ចំណុច ក្នុងចំណោម១៧ចំណុច ក្នុងនោះរួមមាន រោងចក្រផ្តល់ទឹកក្តៅ ទឹកត្រជាក់ ប្រាក់បាយថ្ងៃត្រង់៣ដុល្លារក្នុង១ខែ នៅក្នុងបន្ទប់ទឹកមានទឹកគ្រប់គ្រាន់ និងអនាម័យ និងរោងចក្រឈប់បង្ខំកម្មករធ្វើការបន្ថែមម៉ោងជាដើម។ ដោយឡែក ចំណុចដែលមិនទាន់ឯកភាពគ្នានោះ នឹងបានបញ្ជូនឯកសារទៅក្រសួងការងារ ហើយក្រសួងបានបញ្ជូនឯកសារទាំងនោះទៅក្រុមប្រឹក្សាអាជ្ញាកណ្តាល ដើម្បីធ្វើការសម្រេចបន្ត«១៧ចំនុច យើងបាន ៦ចំនុច នៅសល់១១ចំនុច យើងរុញទៅក្រុមប្រឹក្សាអាជ្ញាកណ្តាល ដើម្បីឲ្យគាត់កាត់ចេញមក។ខាងវិវាទការងារគាត់បញ្ជូនទៅខាងក្រសួងការងារ គាត់ថាគាត់បញ្ជូនទៅហើយ»។
ការធ្វើកូដកម្មនៅមុខរោងចក្រ E-Z មានសហព័ន្ធសហជីពចំនួនពីរប្រឈមគ្នា គឺសហព័ន្ធសហជីពយុវជនឯករាជ្យ ដែលគាំទ្រកម្មករ ទល់នឹងសហព័ន្ធសហជីពស្មារតីកម្មករកម្ពុជា ដែលកម្មករ អះអាងថា គាំទ្រភាគីរោងចក្រ។
ប្រធានកម្មវិធីសិទ្ធិការងារនៅមជ្ឈមណ្ឌលអប់រំ ច្បាប់ សម្រាប់សហគមន៍ លោក មឿន តុលា មានប្រសាសន៍ថា ភាគីរោងចក្រ និងសហជីព ត្រូវជួបពិភាក្សាគ្នារកដំណោះស្រាយរួមមួយ ដើម្បីបញ្ចៀសការធ្វើកូដកម្ម អូសបន្លាយពេលយូរ ដែលប៉ះពាល់ដល់ប្រយោជន៍រោងចក្រ។
កម្មកររោងចក្រកាត់ដេរខោខៅប៊យ E-Z ស្ថិតនៅភូមិនព្រៃទា សង្កាត់ចោមចៅ រាជធានីភ្នំពេញ សរុបជាង៨៥០នាក់ ក្នុងនោះអ្នកចេញមុខតវ៉ាទាមទារប្រាក់អត្ថប្រយោជន៍ និងលក្ខខណ្ឌការងារពីថៅកែរោងចក្រ ប្រមាណជាង៨០០នាក់៕
