ពូថ្លៃចាប់ក្មួយស្រី មានផ្ទៃពោះ៧ខែ រំលោភពេលប្ដីនាង ទៅស៊ីឈ្នួលកាប់អំពៅ
ខេត្ដស្វាយរៀង ៖
ស្ដ្រីមានផ្ទៃពោះ៧ខែត្រូវពូថ្លៃចាប់រំលោភយ៉ាងព្រៃផ្សៃខណៈប្ដី
របស់នាងទៅស៊ីឈ្នួល
កាប់អំពៅហើយបានគំរាមសម្លាប់ស្ដ្រីរងគ្រោះប្រសិនបើនាងហ៊ាន
ទម្លាយអាថ៌កំបាំងនេះប្រាប់ដល់ប្ដី ។ករណីនេះបានកើតឡើងនៅវេលា ម៉ោង៧និង៣០នាទីព្រឹកថ្ងៃទី១០ ខែមីនា ឆ្នាំ២០១៤ នៅក្នុងផ្ទះស្ដ្រី រងគ្រោះស្ថិតនៅក្នុងភូមិស្វាយ គយ ឃុំពពែត ស្រុកស្វាយទាប តែ ដោយសារអំពើព្រៃផ្សៃនេះស្ដ្រីរង គ្រោះបានទម្លាយរឿងរ៉ាវប្រាប់ប្ដីនិងម្ដាយទើបប្ដឹងឱ្យសមត្ថកិច្ច ចាប់ ខ្លួនបញ្ជូនទៅស្នងការដ្ឋាននគរបាលខេត្ដដើម្បីចាត់ការតាមផ្លូវច្បាប់ ។
នគរបាលបានឱ្យដឹងថា ជនសង្ស័យ ឈ្មោះ ជា សារ៉ាន់ អាយុ៣៥ឆ្នាំ មាន ជាកសិករ និងមានទីលំនៅផ្ទះក្បែរស្ដ្រី រងគ្រោះនិងត្រូវជាពូសាច់ថ្លៃ ។ ចំណែក ស្ដ្រីរងគ្រោះឈ្មោះ ស.រ.ណ អាយុ២៣ឆ្នាំ មានប្ដីឈ្មោះ ស.វ.រ អាយុ២៥ឆ្នាំ មាន មុខរបរជាកម្មករស៊ីឈ្នួលកាប់អំពៅ រស់នៅភូមិ-ឃុំកើតហេតុខាងលើ ។
ម្ដាយបង្កើតស្ដ្រីរងគ្រោះបានឱ្យដឹងថា មុនពេលកើតហេតុកូនស្រីបាននៅ ផ្ទះម្នាក់ឯង ខណៈរូបគាត់និងកូនប្រសា ទៅស៊ីឈ្នួលកាប់អំពៅឱ្យគេ ។ លុះពេល ពួកគាត់ចេញទៅបាត់ដែលជាឱកាសល្អជនសង្ស័យក៏បានធ្វើសកម្មភាពចាប់ កូន ស្រីរបស់គាត់រំលោភ ហើយបានគំរាម មិនឱ្យប្រាប់រឿងរ៉ាវឱ្យអ្នកណាដឹងឱ្យសោះ ហើយប្រសិនបើហ៊ានតែប្រាប់គេនឹង សម្លាប់ចោល ។ លុះនៅវេលាម៉ោង៧ និង៣០នាទីយប់ថ្ងៃដដែលនៅពេលរូប គាត់និងប្ដីព្រមទាំងកូនប្រសាត្រឡប់ មកពីស៊ីឈ្នួលកាប់អំពៅវិិញឃើញកូន ស្រីអង្គុយបង្ហូរទឹកភ្នែកនៅមុខផ្ទះហាក់មានរឿងអ្វីកើតឡើងខុសពី ធម្មតា ។ ពេលនោះគាត់ក៏បានជជីកសួរនាំទើប នាងទម្លាយរឿងដែលពូថ្លៃចាប់នាងរំលោភនៅក្នុងផ្ទះរហូតបានសម្រេច ។
ម្ដាយស្ដ្រីរងគ្រោះបន្ដថា ក្រោយពី កូនស្រីរៀបរាប់ពីហេតុការណ៍ដែលបានកើតឡើងប្ដីរបស់នាងនិងរូបគាត់ បាន ទៅដាក់ពាក្យបណ្ដឹងនៅនគរបាលប៉ុស្ដិ៍ ឃុំពពែតដើម្បីរកអន្ដរាគមន៍ឃាត់ខ្លួន ។
ជនសង្ស័យបានឆ្លើយនៅចំពោះមុខ សមត្ថកិច្ចយ៉ាងនេះថា រូបគេពិតជា ចាប់រំលោភលើក្មួយស្រីសាច់ថ្លៃកំពុង មានទម្ងន់ពិតប្រាកដមែន ។ កាលដែល គេចាប់រំលោភក្មួយស្រីបែបនេះព្រោះ តែប្រពន្ធរបស់គាត់មានជំងឺយូរខែមក ហើយដែលពុំអាចដេកនៅជាមួយគ្នា បានហើយពេលដែលឃើញក្មួយស្រីនៅផ្ទះតែម្នាក់ឯង ទើបមានអារម្មណ៍ខ្លាំង ឈានទៅចាប់រំលោភតែម្ដង ។
យោងតាមចម្លើយសារភាពនិងផ្អែក តាមបណ្ដឹងក្រុមគ្រួសារស្ដ្រីរងគ្រោះ ជនសង្ស័យឈ្មោះ ជា សារ៉ាន់ ត្រូវបាន នគរបាលខេត្ដស្វាយរៀងកសាងសំណុំ រឿងបញ្ជូនទៅតុលាការដើម្បីចាត់ការ តាមផ្លូវច្បាប់ ៕
ប្រភពពី នគរវត្ត
