ក្មេងស្រីអាយុ១២ឆ្នាំ ចងកសម្លាប់ខ្លួនដោយ មិនដឹងមូលហេតុ
ភ្នំពេញ ៖ ក្មេងស្រីម្នាក់អាយុ១២ឆ្នាំត្រូវបានប្រជាពលរដ្ឋរស់នៅក្នុងភូមិបាន ប្រទះឃើញចងកនឹងដំបូលផ្ទះស្លាប់មិន ដឹងតាំងពីពេលណា ហើយខណៈដែល ប្រជាពលរដ្ឋមានការសង្ស័យមិនឃើញ ចេញមកដាំបាយដូចសព្វដងក៏ទៅអើត មើលឃើញនាងស្លាប់បាត់ទៅហើយ ។
ហេតុការណ៍គួរឱ្យភ្ញាក់ផ្អើលនេះបាន កើតឡើងនៅវេលម៉ោង១១ព្រឹកថ្ងៃទី ២៧ ខែមីនា ឆ្នាំ២០១៤ នៅក្រុម២ ភូមិ ២ សង្កាត់ជ្រោយចង្វា ខណ្ឌឫស្សីកែវ ។
ក្មេងស្រីរងគ្រោះត្រូវបានគេស្គាល់ ឈ្មោះ ក្រូច ស្រីលក្ខណ៍ អាយុ១២ឆ្នាំ រៀនថ្នាក់ទី២ នៅសាលាបឋមសិក្សា ជ្រោយចង្វា ជាកូនទី៥ក្នុងចំណោមបង ប្អូន៦នាក់ប្រុស៣ ស្រី៣ ដែលមាន ម្ដាយឈ្មោះ អ៊ឹម ថារី អាយុ៥០ឆ្នាំ មុខ របររុញរទេះលក់ធ្យូងតាមភូមិ មាន ទីលំនៅកន្លែងកើតហេតុខាងលើ ។
ក្មេងស្រីរូបនេះត្រូវបានគេប្រទះឃើញ ចងកនឹងខ្សែនីឡុងជាមួយនឹងធ្នឹមផ្ទះមិន ដឹងស្លាប់តាំងពីពេលណានោះទេ ខណៈ ដែលម្ដាយចាកចេញពីផ្ទះតាំងពីម៉ោង ៥ព្រឹកដើម្បីរុញរទេះលក់ធ្យូង ។
បើតាមស្ដ្រីឈ្មោះ អ៊ឹម ថារី ជាម្ដាយ បានឱ្យដឹងថា កន្លងមកកូនស្រីរបស់គាត់ មិនដែលមានបញ្ហាអ្វីនោះទេ ជាពិសេស បញ្ហាផ្លូវចិត្ដក៏មិនមានដែរ ព្រោះថា សូម្បីតែគាត់ប្រើឱ្យធ្វើអ្វីធ្ងន់ក៏គ្មានដែរ។ ប៉ុន្ដែរយៈកាលប៉ុន្មានថ្ងៃមកនេះកូនស្រី របស់គាត់ចេះតែត្អូញថា ឈឺអួលណែន ក្នុងទ្រូងចុកដង្ហើមស្ទើរដកដង្ហើមមិនរួច។ ពេលឮកូនស្រីត្អូញត្អែរដូច្នេះរូបគាត់ជា បានអង្វរកូនថា ចាំម៉ែរកលុយបានសិន ចាំនាំកូនយកទៅពេទ្យ ឥឡូវនេះម៉ែគ្មាន មួយរៀលទេ កូនទ្រាំសិនទៅ ។ លុះមិន ដឹងរឿងហេតុអ្វីមកដល់ថ្ងៃកើត ខណៈ ដែលគាត់ចាកចេញពីផ្ទះរុញរទេះដើរ លក់ធ្យូងតាមផ្លូវ ស្រាប់តែមានប្រជា ពលរដ្ឋរស់នៅក្បែរនោះទូរស័ព្ទប្រាប់ថា កូនស្រីរបស់គាត់បានចងកស្លាប់ហើយ។ ដំណឹងនេះធ្វើឱ្យរូបគាត់មានក្ដីរន្ធត់យ៉ាង ក៏ប្រញាប់ប្រញាល់មកផ្ទះវិញប្រទះឃើញ កូនស្រីចងកស្លាប់មែនដែលករណីនេះ ធ្វើឱ្យគាត់តូចចិត្ដខ្លាំងណាស់ ព្រោះគិត ថាមិនគួរណាកូនស្រីមានគំនិតខ្លីយ៉ាង ដូច្នេះទេ ។ សព្វថ្ងៃនេះម្ដាយប្រឹងប្រែង រកស៊ីបែកញើសហូរញើសដើម្បីចិញ្ចឹម ឱ្យកូនរស់ តែផ្ទុយទៅវិញកូនបែរជាចង កសម្លាប់ខ្លួនចោលម្ដាយយ៉ាងដូច្នេះ ឡើយ ។
បន្ទាប់មកទើបគេឃើញមន្ដ្រីនគរ បាលជំនាញចុះទៅធ្វើកោសល្យវិច័យ ដោយបានសន្និដ្ឋានថា ក្មេងស្រីរងគ្រោះ ពិតជាធ្វើអត្ដឃាតដោយចងកសម្លាប់ ខ្លួនប្រាកដមែន រួចបានប្រគល់សពឱ្យ ក្រុមគ្រួសារយកទៅតម្កល់ធ្វើបុណ្យតាម ប្រពៃណីនៅវត្ដប្រជុំសាគរ ៕
_______________
ប្រភពពីនគរវត្ត
