ប្ដីអ្នកលេងភ្លេងវាយ ប្រពន្ធអ្នកច្រៀងបែកមុខរឿង ប្រចណ្ឌមានគេទូរស័ព្ទចូល
ភ្នំពេញ ៖ បុរសម្នាក់ដោយសារតែ ខឹងសង្សារចង់បែកចិត្ដមានប្រុសថ្មី បានចាប់បោចសក់និងវាយដំទៅលើស្រីស្នេហ៍ដើម្បីស្រាយកំហឹងតែត្រូវនគរ បាលខណ្ឌសែនសុខចាប់ឃាត់ខ្លួនភ្លាម យកទៅសាកសួរនិងកសាងសំណុំរឿងតាមច្បាប់ ។
ហេតុការណ៍នេះកើតឡើងកាលពី វេលាម៉ោង១២និង១០នាទីរំលងអធ្រាត្រ ឈានចូលថ្ងៃទី១១ ខែមីនា ឆ្នាំ២០១៤ ស្ថិតនៅបរិវេណស្ថានីយប្រេងឥន្ធនៈ តេលាមួយកន្លែងតាមផ្លូវ២០០៤ ក្នុងសង្កាត់ទឹកថ្លា ខណ្ឌសែនសុខ ។
មន្ដ្រីនគរបាលខណ្ឌសែនសុខមួយរូបបានឱ្យដឹងថា បុរសខាងលើឈ្មោះរ៉ុង ភារម្យ អាយុ៣១ឆ្នាំ ជាអ្នកលេងភ្លេង សម័យនៅភោជនីយដ្ឋាន ស្នាក់នៅផ្ទះ ជួលក្នុងភូមិឫស្សី សង្កាត់ស្ទឹងមានជ័យ ខណ្ឌមានជ័យ ។ ចំណែកនារីរងគ្រោះ ឈ្មោះសៀរ លក្ខណ៍ធីតា អាយុ៣០ឆ្នាំ ជាអ្នកចម្រៀងក្នុងភោជនីយដ្ឋានជាមួយគ្នានិងស្នាក់នៅផ្ទះជួលភូមិគោកបញ្ជាន់ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពពីនាង សៀ លក្ខណ៍ធីតា បានរៀបរាប់ទាំងយំសោកប្រាប់នគរ បាលថា កន្លងមករូបនាងនិងបុរសរ៉ុង ភារម្យ បានទាក់ទងនិងរួមរស់នៅជា មួយគ្នាដូចប្ដីប្រពន្ធរយៈពេលជាង១ឆ្នាំមកហើយនិងធ្លាប់បានបែកបាក់គ្នា២ ទៅ៣ដងហើយដែរ ។ លុះមកដល់យប់កើត ហេតុបុរសម្នាក់នោះបានទូរស័ព្ទមក សុំត្រូវរ៉ូវគ្នាវិញហើយរូបនាងក៏យល់ ព្រមទៅ ប៉ុន្ដែនៅពេលត្រូវគ្នាវិញនោះ រ៉ុង ភារម្យ បានបើកម៉ូតូ១គ្រឿងមក ដឹកនាងចេញពីច្រៀងនៅក្នុងភោជនីយ ដ្ឋានមួយនៅម្ដុំពោធិ៍ចិនតុងដើម្បីត្រឡប់ទៅផ្ទះរបស់គាត់នៅភូមិឫស្សី ។ នៅពេល មកដល់ផ្លូវ២០០៤ក៏ឈប់ម៉ូតូចូលទៅ ចាក់សាំងពេលនោះស្រាប់តែទូរស័ព្ទ របស់រ៉ុង ភារម្យ បានរោទ៍ឡើងហើយរូប នាងក៏បានទទួលទូរស័ព្ទនោះ ស្រាប់តែ ឮសំឡេងមនុស្សស្រីនិយាយ ។ ពេលឮ ដូច្នោះនាងក៏បានចុចបិទទូរស័ព្ទនោះចោល ហើយសួរ រ៉ុង ភារម្យថា នរណាគេទូរស័ព្ទ មក?ប៉ុន្ដែ រ៉ុង ភារម្យមិនព្រមឆ្លើយទេ រួចថែមទាំងសំឡុតរករឿងនាងទៀតផង ។
នាង សៀ លក្ខណ៍ធីតា និយាយឱ្យដឹង ទៀតថា ដោយសារតែខ្ជិលឈ្លោះគ្នា ច្រើនដងទៀតនាងក៏សម្រេចហៅម៉ូតូ រ៉ឺម៉កជិះទៅដេកផ្ទះមិត្ដភក្ដិនៅម្ដុំព្រែក លាភ តែភ្លាមនោះ រ៉ុង ភារម្យ ស្រែក គំរាមថាមិនឱ្យទៅដេកផ្ទះនរណាទេ បើក ហ៊ានទៅគេនឹងបើកម៉ូតូបុកឱ្យស្លាប់ ។ បន្ទាប់មកស្រាប់តែស្ទុះមកចាប់បោចសក់ក្បាលហើយវាយជាច្រើនដៃបែក មាត់ឈាមកក្លាក់ ទើបនគរបាលមកដល់ នាងប្ដឹងឱ្យឃាត់ខ្លួនតែម្ដង ៕
___________________
ប្រភពពីនគរវត្ត
