ខេត្តបន្ទាយមានជ័យ៖   អ្នកដំណើរ ជិះម៉ូតូឌុបគ្នា ២នាក់ ត្រូវរថយន្តតាក់ស៊ី មួយគ្រឿង បើកលឿន ចាប់ ហ្វាំងមិនទាន់ បុកពីក្រោយបណ្តាល ឲ្យស្លាប់ម្នាក់ និងរបួសធ្ងន់ ម្នាក់ កាលពីវេលាម៉ោង ៧និ២៥នាទីយប់ ថ្ងៃទី០៣ ខែមិនា ឆ្នាំ២០១៤ លើកំណាត់ផ្លូវជាតិលេខ៦ ក្នុងភូមិរហាល ឃុំរហាល ស្រុកព្រះនេត្រព្រះ ខេត្តបន្ទាយមានជ័យ ។
នាយការិយាល័យ សណ្តាប់ធ្នាប់ នៃអធិការ ដ្ឋាននគរបាល ស្រុកព្រះនេត្រព្រះ លោក ភ្លឹង វិចិត្រ បានឲ្យ ដឹងនៅថ្ងៃទី០៤ ខែមីនា ឆ្នាំ២០១៤នេះថា ជនរងគ្រោះមានឈ្មោះ យ៉ៃ តូច ភេទប្រុស អាយុ១៧ឆ្នាំ រង របួស ធ្ងន់ និងជាអ្នកបើកបរ ម៉ូតូម៉ាកហុងដា សេ១២៥ ពណ៌ខ្មៅ គ្មានស្លាកលេខ និងអ្នកម្នាក់ ទៀត មាន ឈ្មោះ សូរ តូច ភេទប្រុស អាយុ១៦ឆ្នាំ បានស្លាប់បាត់បង់ជីវិតភា្លមៗនៅ កន្លែងកើតហេតុ។
លោក ភ្លឹង វិចិត្រ បានបន្តថា មុនពេលកើតហេតុ ជនរងគ្រោះបាន ធ្វើដំណើរដោយជិះម៉ូតូឌុប គ្នា ពីទិស លិចទៅកើត ខណះនោះ មានរថយន្តកាមរីមួយគ្រឿង ពណ៌ស ចង្កូតឆ្វេង ពាក់ស្លាក លេខ សៀមរាប 2A-1802 បើកបរក្នុងល្បឿនលឿស្របទិសគ្នា ដោយមេឃងងឹតក៏បានបុក អ្នកជិះម៉ូតូពីក្រោយពេញទំហឹង បណ្តាលឲ្យជនរងគ្រោះរបួស និងស្លាប់តែម្តង ភ្លាមនោះអ្នកបើ រថយន្តបានរត់គេចខ្លួនបាត់ស្រមោល ។
បច្ចុប្បន្នសព ត្រូវបានសាច់ញាតិ មកទទួលទៅធ្វើបុណ្យ តាមប្រពៃណី ។ ដោយឡែកម៉ូតូនិង រថយន្ត ត្រូវបាននគរបាល នាំយកទៅរក្សាទុក ដើម្បីដោះស្រាយតាមផ្លូវច្បាប់ ៕