គ្រាន់តែរឿងបាយផ្អូម ឈ្លោះគ្នាយ៉ាងតឹងសសៃ.ក ហើយផឹកថ្នាំពុលស្លាប់ចោលប្តីនិងកូនៗ
ខេត្តកណ្តាល
៖ ដោយសារជម្លោះពាក្យសំដី
ជាមួយប្តីរឿងដាំបាយហូបបន្តិចបន្តួចសោះ
ស្ត្រីជាប្រពន្ធទៅសំងំនៅក្រោមផ្ទះ
លេបថ្នាំបំពុលសត្វល្អិត អស់មួយកញ្ចប់ រហូតបាត់បង់ជីវិត
ពេលបញ្ជូនទៅសង្គ្រោះ នៅមន្ទីរពេទ្យបង្អែក ស្រុកល្វាឯមកាលពី
វេលាម៉ោង ១១និង១០ នាទីព្រឹក ថ្ងៃទី១១ ខែមីនា ឆ្នាំ២០១៤
នៅចំណុចផ្ទះស្ត្រីរងគ្រោះ ស្ថិតក្នុងភូមិកោះរះលើ ឃុំកោះរះ
ស្រុកល្វាឯម ។សមត្ថកិច្ចបានឲ្យដឹងថា ស្ត្រីដែលលេថ្នាំបញ្ចប់ជីវិត ព្រោះតែមានទំនាស់ ជាមួយប្តីនោះ មានឈ្មោះ ហែម ហ៊ៀវ អាយុ ៤៨ឆ្នាំ មុខរបរកសិករ និងស៊ីឈ្នួល មានប្តីឈ្មោះ ម៉ម ប្រុស អាយុ ៤៩ឆ្នាំ មុខរបរកសិករនិងស៊ីឈ្នួល បច្ចុប្បន្នស្នាក់នៅ ក្នុងភូមិកោះរះលើ ឃុំកោះរះ ស្រុកល្វាឯម ហើយស្ត្រីរងគ្រោះបានផឹកថ្នាំ បាញ់សម្លាប់ក្រា អស់ចំនួនកន្លះដប ទំហំ ប៉ុន.កដៃក្មេង ។ ក្រោយពីផឹកថ្នាំពុលរួច បុរសជាប្តី និងអ្នកជិតខាង បាននាំគ្នាជួយដឹកយកទៅ មន្ទីរពេទ្យបង្អែកស្រុកល្វាឯម ដើម្បីជួយសង្គ្រោះ តែជាអកុសល ពេលទៅដល់មន្ទីរពេទ្យ ជនរងគ្រោះ បានដាច់ខ្យល់ ស្លាប់តែម្តង ។
បុរសជាប្តី បានឲ្យដឹងថា នៅវេលាព្រឹកថ្ងៃទី១១ ខែមីនា ឆ្នាំ២០១៤ គាត់និងប្រពន្ធ បាននាំគ្នាទៅស៊ីឈ្នួលច្រូតស្រូវ អោយឈ្មោះ វ៉េង នៅក្នុងភូមិជាមួយគ្នា រហូតដល់វេលាម៉ោង ១១ថ្ងៃត្រង់ ក៍បាននាំគ្នាត្រឡប់មកផ្ទះវិញ ដើម្បីឈប់សម្រាកហូបបាយ ។ ពេលមកដល់ផ្ទះ ខ្លួនបានប្រើប្រពន្ធឲ្យដាំបាយហូប តែនៅគ្រានោះប្រពន្ធមិនព្រមដាំ ដោយសម្អាងថា ហូបបាយកកនៅសល់ពីល្ងាច ខណៈនោះខ្លួនក៏បានប្រាប់ទៅប្រពន្ធវិញថា បាយកកនោះវាផ្អូមអស់ហើយ តែស្ត្រីជាប្រពន្ធ មិនព្រមដាំបាយ រហូតកើតមានទំនាស់ពាក្យសំដី ហើយប្រពន្ធរបស់គាត់ ក៍រត់ចុះពីលើផ្ទះបាត់ទៅ ។ បាត់ប្រពន្ធមួយសន្ទុះ គាត់ក៍តាមរក ទើបប្រទះឃើញប្រពន្ធ ដេកបែកពពុះមាត់ ក្បែរដបថ្នាំពុលក៏នាំទៅពេទ្យ តែនាងបានស្លាប់ បាត់ទៅហើយ៕
ប្រភពពី វត្តភ្នំ
