លោកហេង ឈាង ប្តឹងប្រធានសាលាឧទ្ធរណ៍ពីបទ «សមគំនិតក្នុងអំពើក្លែងដោយអ្នកជំនាញ»
លោកយូ ប៊ុនឡេង ប្រធានតុលាការឧទ្ធរណ៍ ដែល លោក ហេង ឈាងប្តឹង
ការដាក់ពាក្យបណ្តឹងរបស់លោកហេង ឈាងប្រឆាំងនឹងលោកចៅក្រម យូ ប៊ុនឡេងខាងលើនេះ ត្រូវបានធ្វើឡើង បន្ទាប់ ពីគាត់(ហេង ឈាង) បានដាក់លិខិតចំនួន៣ ច្បាប់ ដោយឡែកពីគ្នា កាលពីពេលថ្មីៗនេះ ទៅកាន់លោកប្រធានសាលាឧទ្ទរណ៍ យូ ប៊ុនឡេង និងប្រធានសភាស៊ើបសួរនៃសាលាឧទ្ធរណ៍ ដើម្បីសុំឲ្យធ្វើមោឃភាពរបាយការណ៍សវកម្មរបស់អាជ្ញាធរសវនកម្មជាតិ និងសុំឲ្យអគ្គសវនករ នៃអាជ្ញាធរសវនកម្មជាតិ មេត្តាពិចារណាចាត់ឲ្យមានប្រតិកោសល្យវិច័យ ដើម្បី កែសម្រួលរបាយការណ៍សវនកម្ម លេខ ០៣០/១៣ អសជ/របក ចុះថ្ងៃទី ១១ ខែ ធ្នូ ឆ្នាំ២០១៣ ស្តីពីការធ្វើបដិសវនកម្មលើរបាយការណ៍សវនកម្មរបស់ លោក កាក់ កី ក្នុងសំណុំរឿងព្រហ្មទណ្ឌលេខ ១០១៨ ចុះថ្ងៃទី ២៤ ខែ តុលា ឆ្នាំ ២០១២ របស់សាលាឧទ្ធរណ៍ ក៏ប៉ុន្តែ រហូតមកទល់ពេលនេះ គេពុំឃើញមានការឆ្លើយតប ឬ ចំណាត់ការពីអាជ្ញាធមានសមត្ថកិច្ចទាំងខាងលើនេះនៅឡើយទេ។
ហើយចំពោះករណីខាងលើនេះដែរ កាលពីថ្ងៃទី ៣ ខែ មករា ២០១៤ លោកហេង ឈាង ក៏បានដាក់ពាក្យបណ្តឹង ប្រឆាំង នឹងលោកស្រី សោម គីមសួគ៌ អគ្គសវនករ នៃអាជ្ញាធរសវនកម្មជាតិ លោក ធុច បញ្ចកំពូល លោក ស ពិសិដ្ឋ និងកញ្ញា គង់លក្ខិណា ជាមន្ត្រីនៃអាជ្ញាធរសវនកម្មជាតិ ពីបទ «ក្លែងដោយអ្នកជំនាញ» និងប្តឹងលោកចៅក្រម ចាយ ច័ន្ទតារាវណ្ណ លោកតាំង ស៊ុនឡាយ និង លោក អ៊ុំ សារិទ្ធ និងគូកន ពីបទ«ផ្សំគំនិតក្លែងដោយអ្នកជំនាញ»តាមមាត្រា ២៩ និង ៥៥១ នៃក្រមព្រហ្មទណ្ឌ និងមាត្រា២៨ ច្បាប់ស្តីសវនកម្ម នៃ ព្រះរាជណាចក្រកម្ពុជា ទៅកាន់សាសាដំបូងរាជធានីភ្នំពេញ ផងដែរ។ ទន្ទឹមនឹងគ្នា កាលពីថ្ងៃទី ២៤ ខែ មករា ២០១៤ កន្លងទៅនេះ លោកហេង ឈាង ក៏បានដាក់ពាក្យបណ្តឹងលោកយូ ប៊ុនឡេង និង ចៅក្រមចំនួន៣រូបផ្សេងទៀត រួមមាន៖ លោកចាយ ច័ន្ទតារាវណ្ណ លោកតាំង ស៊ុនឡាយ និង លោកអ៊ុំ សារិទ្ធទៅកាន់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និង ជាប្រធានក្រុមប្រឹក្សា នៃអង្គចៅក្រម ពីករណីដែលចៅក្រមទាំង៤រូបនេះ បានប្រព្រឹត្តអំពើផ្ទុយច្បាប់ និងអយុត្តិធម៌មកលើរូបគាត់នៅក្នុងសំណុំរឿងព្រហ្មទណ្ឌលេខ ១០១៨ ចុះថ្ងៃទី២៤ ខែតុលា ឆ្នាំ២០១២ របស់សាលាឧទ្ធរណ៍រាជធានីភ្នំពេញផងដែរ។
លិខិតរបស់លោកហេង ឈាងប្តឹងប្រធានសាលាឧទ្ទរណ៍មានខ្លឹមសារទាំងស្រុង ដូចខាងក្រោមនេះ៖
____________________________
ប្រភពព័ត៌មានពី៖ ខ្មែរប៉ុស្តិ៍
