ឡានទួរីស១៥កៅអី បុកឡាននីសាន់មួយបាំងកន្លះ ឆេះខ្ទេច របួស៤នាក់
ប៉ៃលិន: ឡាននីសាន់មួយបាំងកន្លះមួយគ្រឿង ឆេះខ្ទេច ដោយសារឡានទួរីស១៥កៅអី ដឹកខោ
អាវដើរលក់មួយគ្រឿង បុកចំពីមុខខាងស្ដាំដៃ ក្នុងទិសដៅបញ្ច្រាសគ្នា បណ្ដាលឲ្យរងរបួសធ្ងន់ ស្រាល មនុស្សប្រុសស្រី ៤នាក់ ទាំងសងខាង។
ហេតុការណ៍នេះ បានកើតឡើង កាលពីរសៀលថ្ងៃទី៩ ខែកុម្ភៈ ឆ្នាំ២០១៤ នៅចំណុចអូរបេង ឃុំស្ទឹងកាច់ ស្រុកសាលាក្រៅ ខេត្តប៉ៃលិន និងធ្វើឲ្យផ្អើលដល់ប៉ូលិសពន្លត់អគ្គិភ័យ ចេញអន្តរាគមន៍បាញ់ទឹកពន្លត់។
លោកហ៊ីង យ៉ាន់ នាយការិយាល័យប៉ូលិសចរាចរណ៍ខេត្តប៉ៃលិន បានឲ្យដឹងថា រថយន្តដែលបង្កហេតុ គឺឡានទួរីស ពណ៌ស ដឹកខោអាវដើរលក់ បើកចូលទៅចំណែកខាងស្ដាំរបស់ឡាននីសាន់មួយបាំងកន្លះ បុកចំពីមុខ។
លោកបានឲ្យដឹងថា មនុស្សប្រុស ស្រី៤ នាក់ ដែលរងរបួស ទី១- ឈ្មោះសាន់ នី ភេទប្រុស អាយុ២៥ឆ្នាំ(ជាអ្នកបើកបរ)រងរបួសស្រាល, ទី២- ឈ្មោះសាន់ ផល្លី ភេទស្រី អាយុ២២ឆ្នាំ រងបួសបាក់ភ្លៅខាងស្ដាំ(អង្គុយជាប់អ្នកបើកបរ),ទី៣- ឈ្មោះម៉ាត់ យ៉ៃ ភេទស្រី អាយុ៥៧ឆ្នាំ រងរបួសស្រាល(អង្គុយខាងស្ដាំ)។ ទាំងបីនាក់នេះ រស់នៅភូមិទួលងោក ឃុំកំពង់ហ្លួង ស្រុកពញាឮ ខេត្តកណ្ដាល ជិះឡានដឹកខោអាវម៉ាកសាំយ៉ុង ទួរីស១៥ កៅអី ពណ៌ស។
ចំណែកអ្នកបើកបរឡាននីសាន់ មួយបាំងកន្លះ ដែលឆេះនោះ ឈ្មោះពេជ្រ ថោង អាយុ២៧ឆ្នាំ រស់នៅភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន រងរបួសបាក់ជើងស្ដាំម្ខាង។
ស្ត្រីឈ្មោះម៉ាត់ យ៉ៃ អាយុ៥៧ឆ្នាំ រងរបួសស្រាល ដែលជិះឡានសាំយ៉ុង ដឹកខោអាវ បាននិយាយថា នៅពេលឡានដែលគាត់ជិះ បានបើកពីស្រុកកំរៀង ឆ្ពោះទៅស្រុកកំពង់ហ្លួងវិញនោះ
ពេលបើកមកដល់ចំណុចកើតហេតុ បានឃើញឡាននីសាន់មួយបាំងកន្លះ មួយគ្រឿង បើកបរមកពីមុខ ហើយបើករេពេញផ្លូវ មិនដឹងឆ្វេងស្ដាំទេ។ ពេលនោះ កូនប្រុសគាត់ ជាអ្នកបើកបរ បានបើកឡានគេចពី ឡាននីសាន់មួយបាំងកន្លះ ដែលចូលមកចំណែកខាងស្ដាំដៃ (ឡានទួរីស) ទៅខាងឆ្វេង ស្រាប់តែបុកគ្នាចំពីមុខចំហៀងខាងស្ដាំឡានទួរីស ហើយឡាននីសាន់ ជ្រុលទៅខាងឆ្វេងដៃឆេះតែម្ដង។
លោកហ៊ីង យ៉ាន់ បានបញ្ជាក់ថា ក្រោយហេតុការណ៍ភ្លើងឆេះឡាននីសាន់ ឡានពន្លត់អគ្គិភ័យប៉ូលិសខេត្តប៉ៃលិន ចេញអន្តរាគមន៍បាញ់ទឹកពន្លត់ភ្លើងបានទាន់ពេលវេលា។
កម្លាំងប៉ូលិសចរាចរណ៍ខេត្តប៉ៃលិន បានចុះទៅវាស់វែង រកឃើញថា ឡានទួរីសដឹកខោអាវដើរលក់ បើកមកពីទិសខាងស្រុកសាលាក្រៅ ចូលទៅចំណែកខាងស្ដាំដៃរបស់ឡាននីសាន់មួយបាំងកន្លះ បុកចំពីមុខខ្ទាតចេញមកចំណែកខាងឆ្វេង បណ្ដាលឲ្យឆេះខ្ទេចតែម្ដង។
លោកបានបន្តថាក្រោយហេតុការណ៍នេះ កម្លាំងប៉ូលិសបានដឹកនាំអ្នករងរបួស មកសង្គ្រោះព្យាបាលនៅមន្ទីរពេទ្យបង្អែកខេត្តប៉ៃលិន គឺមានអ្នកបើកបរឡាននីសាន់មួយបាំងកន្លះបាក់ជើងខាងស្ដាំម្ខាង ហើយស្ត្រីម្នាក់ដែលជិះក្នុងឡានទួរីស១៥កៅអី បាក់ភ្លៅខាងស្ដាំម្ខាង និងប្រុសម្នាក់ដែលបើកបរឡានទួរីស រងរបួសស្រាល និងម្ដាយអាយុ៥៧ឆ្នាំម្នាក់របួសស្រាល។ ចំណែកអ្នករបួសបាក់ភ្លៅបាក់ជើង ក្រុមគ្រូពេទ្យបានបញ្ជូនទៅសង្គ្រោះព្យាបាលនៅឯមន្ទីរពេទ្យ ខេត្តបាត់ដំបងបន្តទៀតហើយ។
មធ្យោបាយទាំង២គ្រឿង ប៉ូលិសបានដឹកអូសយកមករក្សាទុកនៅការិយាល័យចរាចរជើងគោក ខេត្តប៉ៃលិន ដើម្បីរង់ចាំធ្វើការដោះស្រាយទៅតាមផ្លូវច្បាប់៕V/L
ប្រភពពី CEN
អាវដើរលក់មួយគ្រឿង បុកចំពីមុខខាងស្ដាំដៃ ក្នុងទិសដៅបញ្ច្រាសគ្នា បណ្ដាលឲ្យរងរបួសធ្ងន់ ស្រាល មនុស្សប្រុសស្រី ៤នាក់ ទាំងសងខាង។
ហេតុការណ៍នេះ បានកើតឡើង កាលពីរសៀលថ្ងៃទី៩ ខែកុម្ភៈ ឆ្នាំ២០១៤ នៅចំណុចអូរបេង ឃុំស្ទឹងកាច់ ស្រុកសាលាក្រៅ ខេត្តប៉ៃលិន និងធ្វើឲ្យផ្អើលដល់ប៉ូលិសពន្លត់អគ្គិភ័យ ចេញអន្តរាគមន៍បាញ់ទឹកពន្លត់។
លោកហ៊ីង យ៉ាន់ នាយការិយាល័យប៉ូលិសចរាចរណ៍ខេត្តប៉ៃលិន បានឲ្យដឹងថា រថយន្តដែលបង្កហេតុ គឺឡានទួរីស ពណ៌ស ដឹកខោអាវដើរលក់ បើកចូលទៅចំណែកខាងស្ដាំរបស់ឡាននីសាន់មួយបាំងកន្លះ បុកចំពីមុខ។
លោកបានឲ្យដឹងថា មនុស្សប្រុស ស្រី៤ នាក់ ដែលរងរបួស ទី១- ឈ្មោះសាន់ នី ភេទប្រុស អាយុ២៥ឆ្នាំ(ជាអ្នកបើកបរ)រងរបួសស្រាល, ទី២- ឈ្មោះសាន់ ផល្លី ភេទស្រី អាយុ២២ឆ្នាំ រងបួសបាក់ភ្លៅខាងស្ដាំ(អង្គុយជាប់អ្នកបើកបរ),ទី៣- ឈ្មោះម៉ាត់ យ៉ៃ ភេទស្រី អាយុ៥៧ឆ្នាំ រងរបួសស្រាល(អង្គុយខាងស្ដាំ)។ ទាំងបីនាក់នេះ រស់នៅភូមិទួលងោក ឃុំកំពង់ហ្លួង ស្រុកពញាឮ ខេត្តកណ្ដាល ជិះឡានដឹកខោអាវម៉ាកសាំយ៉ុង ទួរីស១៥ កៅអី ពណ៌ស។
ចំណែកអ្នកបើកបរឡាននីសាន់ មួយបាំងកន្លះ ដែលឆេះនោះ ឈ្មោះពេជ្រ ថោង អាយុ២៧ឆ្នាំ រស់នៅភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន រងរបួសបាក់ជើងស្ដាំម្ខាង។
ស្ត្រីឈ្មោះម៉ាត់ យ៉ៃ អាយុ៥៧ឆ្នាំ រងរបួសស្រាល ដែលជិះឡានសាំយ៉ុង ដឹកខោអាវ បាននិយាយថា នៅពេលឡានដែលគាត់ជិះ បានបើកពីស្រុកកំរៀង ឆ្ពោះទៅស្រុកកំពង់ហ្លួងវិញនោះ
ពេលបើកមកដល់ចំណុចកើតហេតុ បានឃើញឡាននីសាន់មួយបាំងកន្លះ មួយគ្រឿង បើកបរមកពីមុខ ហើយបើករេពេញផ្លូវ មិនដឹងឆ្វេងស្ដាំទេ។ ពេលនោះ កូនប្រុសគាត់ ជាអ្នកបើកបរ បានបើកឡានគេចពី ឡាននីសាន់មួយបាំងកន្លះ ដែលចូលមកចំណែកខាងស្ដាំដៃ (ឡានទួរីស) ទៅខាងឆ្វេង ស្រាប់តែបុកគ្នាចំពីមុខចំហៀងខាងស្ដាំឡានទួរីស ហើយឡាននីសាន់ ជ្រុលទៅខាងឆ្វេងដៃឆេះតែម្ដង។
លោកហ៊ីង យ៉ាន់ បានបញ្ជាក់ថា ក្រោយហេតុការណ៍ភ្លើងឆេះឡាននីសាន់ ឡានពន្លត់អគ្គិភ័យប៉ូលិសខេត្តប៉ៃលិន ចេញអន្តរាគមន៍បាញ់ទឹកពន្លត់ភ្លើងបានទាន់ពេលវេលា។
កម្លាំងប៉ូលិសចរាចរណ៍ខេត្តប៉ៃលិន បានចុះទៅវាស់វែង រកឃើញថា ឡានទួរីសដឹកខោអាវដើរលក់ បើកមកពីទិសខាងស្រុកសាលាក្រៅ ចូលទៅចំណែកខាងស្ដាំដៃរបស់ឡាននីសាន់មួយបាំងកន្លះ បុកចំពីមុខខ្ទាតចេញមកចំណែកខាងឆ្វេង បណ្ដាលឲ្យឆេះខ្ទេចតែម្ដង។
លោកបានបន្តថាក្រោយហេតុការណ៍នេះ កម្លាំងប៉ូលិសបានដឹកនាំអ្នករងរបួស មកសង្គ្រោះព្យាបាលនៅមន្ទីរពេទ្យបង្អែកខេត្តប៉ៃលិន គឺមានអ្នកបើកបរឡាននីសាន់មួយបាំងកន្លះបាក់ជើងខាងស្ដាំម្ខាង ហើយស្ត្រីម្នាក់ដែលជិះក្នុងឡានទួរីស១៥កៅអី បាក់ភ្លៅខាងស្ដាំម្ខាង និងប្រុសម្នាក់ដែលបើកបរឡានទួរីស រងរបួសស្រាល និងម្ដាយអាយុ៥៧ឆ្នាំម្នាក់របួសស្រាល។ ចំណែកអ្នករបួសបាក់ភ្លៅបាក់ជើង ក្រុមគ្រូពេទ្យបានបញ្ជូនទៅសង្គ្រោះព្យាបាលនៅឯមន្ទីរពេទ្យ ខេត្តបាត់ដំបងបន្តទៀតហើយ។
មធ្យោបាយទាំង២គ្រឿង ប៉ូលិសបានដឹកអូសយកមករក្សាទុកនៅការិយាល័យចរាចរជើងគោក ខេត្តប៉ៃលិន ដើម្បីរង់ចាំធ្វើការដោះស្រាយទៅតាមផ្លូវច្បាប់៕V/L
ប្រភពពី CEN
