សុះ ម៉ាច បង្ហាញជំហរ ស្វែងរកយុត្តិធម៌ ឲ្យតារាចម្រៀង អូ រស្មី
ភ្នំពេញ: ប្រធានសមាគមសិល្បករខ្មែរ លោក សុះ ម៉ាច
បានបញ្ជាក់ពីជំហររបស់ខ្លួនថា នឹងស្វែងរកយុត្តិធម៌
ឲ្យអតីតតារាចម្រៀង នាង អូ រស្មី ទៅតាមលទ្ធភាព ដែលអាចទៅរួច
ដើម្បីបង្ហាញឲ្យដឹងពិតប្រាកដថា តើសិល្បការិនីរូបនេះ
ទទួលរងនូវការចោទប្រកាន់ ដោយអយុត្តិធម៌ ឬជាការពិត ។
ឆ្លើយឆ្លងជាមួយគេហទំព័រ CEN តាមរយៈទូរស័ព្ទ តារាចម្រៀងចាស់វស្សា លោក សុះ ម៉ាច បានលើកឡើងថា លោកពិតជាមានអារម្មណ៍ក្តុកក្តួលខ្លាំងណាស់ នៅពេលឮសំឡេងស្រែកអង្វរ ពីពន្ធនាគាព្រៃស របស់នាង អូ រស្មី ឲ្យជួយរកយុត្តិធម៌ ក្នុងខណៈពេលដែលលោក រួមជាមួយនឹងមេធាវី របស់សមាគមសិល្បករខ្មែរ បានធ្វើដំណើរទៅសួរសុខទុក្ខនាង នៅទីនោះចំនួនពីរលើក កន្លងមក ។
ក្នុងនាមជាប្រធានសមាគមសិល្បករខ្មែរ លោក សុះ ម៉ាច បានអះអាងថា លោកមិនអាចទ្រាំឈរ ឱបដៃមើលបានឡើយ នូវរាល់បញ្ហាទាំងឡាយណា ដែលកើតមាន ឡើង ចំពោះសមាជិករបស់ខ្លួន ។ យ៉ាងណាក៏ដោយ លោកបញ្ជាក់ថា នឹងមិនការពារអ្នកសិល្បៈណាម្នាក់ ដែលបានប្រព្រឹត្តិផ្ទុយពីច្បាប់ឡើយ ប៉ុន្តែលោកក៏ត្រូវស្វែងរកការពិតផងដែរ ដើម្បីបង្ហាញពីភាពយុត្តិធម៌ ត្រឹមត្រូវ និងស្អាតស្អំ សម្រាប់អ្នកសិល្បៈ ។
លោក សុះ ម៉ាច ប្រធានសមាគមសិល្បករខ្មែរ ថានឹងស្វែងរកយុត្តិធម៌ ឲ្យអតីតតារាចម្រៀង នាង អូ រស្មី ទៅតាមលទ្ធភាព
តាមរយៈគេហទំព័រ CEN លោក សុះ ម៉ាច បានបញ្ជាក់បន្ថែមថា
ក្រោមកិច្ចសហការ ជាមួយសមត្ថកិច្ចប៉ូលិស ពេលនេះ មេធាវីរបស់លោក
រួមជាមួយមេធាវីអង្គការមួយ ចំនួន ដែលបានចេញមុខជួយជ្រោមជ្រែង
ស្វែងរកយុត្តិធម៌ឲ្យ នាង អូ រស្មី កំពុងតែតាមដាន និងស៊ើបអង្កេតបន្ត
ពោលគឺស្ថិតក្នុងដំណាក់កាល ស្រាវជ្រាវនៅឡើយ ។
ជាតារាចម្រៀង និងជាប្រធានសមាគមសិល្បករខ្មែរ ដែលនៅសល់តែ ៤ ខែទៀត ផុតអាណត្តិនោះ លោក សុះ ម៉ាច បានប្រកាន់ជំហរស្វែងរកយុត្តិធម៌ ក៏ដូចជា ខិតខំធ្វើគ្រប់បែបយ៉ាង ទៅតាមលទ្ធភាព ដើម្បីជួយដល់សិល្បការិនី នាង អូ រស្មី បើទោះជាត្រូវទាមទារនូវពេលវេលា និងថវិកាជាចាំបាច់ យ៉ាងណាក៏ដោយ ។ ទន្ទឹមនោះ លោក សុះ ម៉ាច ក៏បានអំពាវនាវផងដែរ ទៅដល់សិល្បករ សិល្បការិនី ទាំងអស់ គួរគប្បីសាងនូវអំពើល្អ កុំប្រព្រឹត្តិអំពើទាំងឡាយណា ដែលខុសឆ្គង ផ្ទុយពីច្បាប់ ដែលនាំឲ្យខូចអនាគត ៕V/s
_________________
ប្រភពពីcen
នាង អូ រស្មី អតីតតារាចម្រៀង ដែលត្រូវកម្លាំងនគរបាល ការិយាល័យប្រឆាំងការជួញដូរមនុស្ស និងការពារអនីតិជន ឃាត់ខ្លួន ពីបទនាំក្មេងស្រីមិនទាន់គ្រប់អាយុ ទៅរួមភេទជាមួយអាណិកជន
ការប្រកាសជំហរបែបនេះ របស់លោក សុះ ម៉ាច ធ្វើឡើង
បន្ទាប់ពីអតីតតារាចម្រៀង នាង អូ រស្មី ត្រូវបានកម្លាំងនគរបាល
ការិយាល័យប្រឆាំងការជួញដូរមនុស្ស និងការពារអនីតិជន
នៃស្នងការនគរបាលរាជធានីភ្នំពេញ ឃាត់ខ្លួន កាលពីថ្ងៃទី១៨ ខែមករា
ឆ្នាំ២០១៤ ពីបទនាំក្មេងស្រីមិនទាន់គ្រប់អាយុ ទៅរួមភេទជាមួយអាណិកជន
។ ហើយពេលនេះ នាង អូ រស្មី កំពុងឃុំខ្លួននៅពន្ធនាគារព្រៃស
ខណៈសមត្ថកិច្ចកំពុងបន្តការស្រាវជ្រាវ លើសំណុំរឿងនេះ
តាមនីតិវិធីនៅឡើយ ។នាង អូ រស្មី អតីតតារាចម្រៀង ដែលត្រូវកម្លាំងនគរបាល ការិយាល័យប្រឆាំងការជួញដូរមនុស្ស និងការពារអនីតិជន ឃាត់ខ្លួន ពីបទនាំក្មេងស្រីមិនទាន់គ្រប់អាយុ ទៅរួមភេទជាមួយអាណិកជន
ឆ្លើយឆ្លងជាមួយគេហទំព័រ CEN តាមរយៈទូរស័ព្ទ តារាចម្រៀងចាស់វស្សា លោក សុះ ម៉ាច បានលើកឡើងថា លោកពិតជាមានអារម្មណ៍ក្តុកក្តួលខ្លាំងណាស់ នៅពេលឮសំឡេងស្រែកអង្វរ ពីពន្ធនាគាព្រៃស របស់នាង អូ រស្មី ឲ្យជួយរកយុត្តិធម៌ ក្នុងខណៈពេលដែលលោក រួមជាមួយនឹងមេធាវី របស់សមាគមសិល្បករខ្មែរ បានធ្វើដំណើរទៅសួរសុខទុក្ខនាង នៅទីនោះចំនួនពីរលើក កន្លងមក ។
ក្នុងនាមជាប្រធានសមាគមសិល្បករខ្មែរ លោក សុះ ម៉ាច បានអះអាងថា លោកមិនអាចទ្រាំឈរ ឱបដៃមើលបានឡើយ នូវរាល់បញ្ហាទាំងឡាយណា ដែលកើតមាន ឡើង ចំពោះសមាជិករបស់ខ្លួន ។ យ៉ាងណាក៏ដោយ លោកបញ្ជាក់ថា នឹងមិនការពារអ្នកសិល្បៈណាម្នាក់ ដែលបានប្រព្រឹត្តិផ្ទុយពីច្បាប់ឡើយ ប៉ុន្តែលោកក៏ត្រូវស្វែងរកការពិតផងដែរ ដើម្បីបង្ហាញពីភាពយុត្តិធម៌ ត្រឹមត្រូវ និងស្អាតស្អំ សម្រាប់អ្នកសិល្បៈ ។
ជាតារាចម្រៀង និងជាប្រធានសមាគមសិល្បករខ្មែរ ដែលនៅសល់តែ ៤ ខែទៀត ផុតអាណត្តិនោះ លោក សុះ ម៉ាច បានប្រកាន់ជំហរស្វែងរកយុត្តិធម៌ ក៏ដូចជា ខិតខំធ្វើគ្រប់បែបយ៉ាង ទៅតាមលទ្ធភាព ដើម្បីជួយដល់សិល្បការិនី នាង អូ រស្មី បើទោះជាត្រូវទាមទារនូវពេលវេលា និងថវិកាជាចាំបាច់ យ៉ាងណាក៏ដោយ ។ ទន្ទឹមនោះ លោក សុះ ម៉ាច ក៏បានអំពាវនាវផងដែរ ទៅដល់សិល្បករ សិល្បការិនី ទាំងអស់ គួរគប្បីសាងនូវអំពើល្អ កុំប្រព្រឹត្តិអំពើទាំងឡាយណា ដែលខុសឆ្គង ផ្ទុយពីច្បាប់ ដែលនាំឲ្យខូចអនាគត ៕V/s
_________________
ប្រភពពីcen
