សំណង់ប្លែកៗមានតែ មួយគត់នៅអតីត យូហ្គោស្លាវី

2/28/2014 Aohyi Gamer 0 Comments A⁺ a^-

សំណង់ប្លែកៗដែលប្រិយមិត្តបានឃើញនៅ ពេលនេះ អាចធ្វើឲ្យមិត្តអ្នកអានមានចំណាប់អារម្មណ៍ ដោយគិតថា ហេតុអ្វីបានជាដែនដីអតីតយូហ្គោស្លាវីសាងសង់សំណង់ទាំងនេះ ឡើង?
សាងសង់ឡើងនៅទីកន្លែងផ្សេងៗគ្នានៅអំឡុងទសវត្សទី៦០ ដល់ទី៧០ ហេតុផលពិតប្រាកដនៅពីក្រោយសំណង់ទាំងនេះ គឺសាងសង់ឡើង ទុកជានិមិត្តរូបដល់ទីតាំងសមរភូមិប្រយុទ្ធរបស់កងទ័ពរបស់ខ្លួន ក្នុងអំឡុងសង្គ្រាមលោកលើកទី២។ វាតំណាងឲ្យភាពអង់អាចក្លាហាន ទំនុកចិត្ត និង កម្លាំងដ៏រឹងមាំរបស់សាធារណរដ្ឋសង្គមនិយមមួយនេះ។

អ្នកទេសចរមិនតិចឡើយបានធ្វើដំណើរទៅទស្សនាសំណង់ទាំងនេះនៅតាម ទីតាំងជាច្រើននៅទូទាំងប្រទេសជាបន្តបន្ទាប់ ក្រោយពីបានសាងសង់រួច។ ក៏ប៉ុន្តែ បន្ទាប់ពីយូហ្គោស្លាវីបាត់ចេញពីផែនទីពិភពលោក ពោលគឺត្រូវបានពុះច្រៀកជារដ្ឋតូចៗនៅអំឡុងទសវត្សទី៩០ សំណង់ដែលជានិមិត្តរូបដ៏សំខាន់របស់ខ្លួនទាំងនេះ លែងជានិមិត្តរូបសំខាន់អ្វីទៀតហើយសម្រាប់ប្រទេសនេះ ដែលត្រូវបោះបង់ចោលរហូតមកទល់នឹងបច្ចុប្បន្ន៕