ការជួយខ្លួនឯងដើម្បីបន្ធូរភាពតានតឹងច្រើនពេក អាចមានបញ្ហាពេលរួមភេទជាមួយដៃគូ
ទន្ទឹមនឹងពេលនេះ ក៏មានពាក្យចចាមអារ៉ាម និងមានការចោទសួរ ជាច្រើនថាតើ ការជួយខ្លួនឯងពិតជាធ្វើឲ្យសក់ជ្រុះ ភ្នែកឆាប់ងងឹត ស្បែកដៃឡើងជ្រួញ និងឆាប់ចាស់មុនអាយុ មែនឬយ៉ាងណា? សំណួរបែបនេះ មានយ៉ាងច្រើននៅក្នុង ប្រអប់ស្វែងរករបស់ Google ពេលដែលអ្នកស្វែងរកចម្លើយ របស់សំណួរនេះ។
បើយោងតាមគេហទំព័រ kinseyconfidential.org បានឲ្យដឹងថា តាមពិតទៅ ការជួយខ្លួនឯង គ្មានផលប៉ះពាល់ ដូចសំណួរចោទលើនោះទេ ប៉ុន្តែវាក៏អាស្រ័យលើថាតើ អ្នកជួយខ្លួនឯង ញឹកញាប់ប៉ុណ្ណាដែរ ? ការជួយខ្លួនឯងញឹកញាប់ពេក ក៏មានផលវិបាកសំខាន់ធំៗពីរគឺ ៖
១. អសមត្ថភាពផ្លូវភេទ ៖ ការជួយខ្លួនដោយដៃ ឬដោយឧបករណ៍សិច ពិតជាមានអារម្មណ៍ផ្លូវភេទ ប្លែកគ្នាទាំងស្រុង ពីការរួមភេទពិតជាមួយដៃគូ។ ការជួយខ្លួនឯងជាប្រចាំ ឆាប់ធ្វើឲ្យអ្នកសម្រេចកាម ក្នុងរយៈពេលខ្លី ដែលទម្លាប់នេះ នឹងអាចប៉ះពាល់ដល់ រយៈពេលអ្នកធ្វើបាន ពេលរួមភេទផ្ទាល់ជាមួយដៃគូ ពោលគឺឆាប់បាញ់ទឹកកាម។
២. ហានិភ័យនៃមហារីក ក្រពេញប្រូស្តាត ឬក្រពេញផលិតទឹកកាម ក្នុងពងស្វាស ៖ ក្នុងការសិក្សាចុងក្រោយ ចេញផ្សាយក្នុង BJU International ក្រុមអ្នកស្រាវជ្រាវ រកឃើញថា ការជួយខ្លួនឯងញឹកញាប់ សម្រាប់បុរសវ័យក្មេង ខ្ទង់ជាង ១០ឆ្នាំ និងខ្ទង់ ២០ឆ្នាំ មានហានិភ័យ ប្រឈមនឹងជំងឺមហារីក ក្រពេញប្រូស្តាត ច្រើនជាងបុរស មានវ័យចំណាស់ជាង។ ប៉ុន្តែការរួមភេទផ្ទាល់ ជាមួយដៃគូ មិននាំឲ្យមានមហារីក ប្រូស្ដាតនោះឡើយ។
សរុបមកការជួយខ្លួនឯង ក្នុងបរិមាណសមស្រប នៅតែជម្រើសមួយបែប ដើម្បីសម្រេចកាមដោយខ្លួនឯង ដោយមិនប្រថុយ នឹងជំងឺកាមរោគ តែបើធ្វើញយដងពេក នឹងនាំបញ្ហាដល់សមត្ថភាពផ្លូវភេទ របស់អ្នកមិនខាន។ វិធីដ៏ល្អ អ្នកត្រូវទៅពិគ្រោះ ជាមួយគ្រូពេទ្យជំនាញ បើសិនអ្នកមានអារម្មណ៍ថា ឆាប់សម្រេចកាមពេក បន្ទាប់ពីជួយខ្លួនឯង៕
_________________________
ប្រភពព័ត៌មានពី៖ វត្តភ្នំ
ប្រភពព័ត៌មានពី៖ វត្តភ្នំ
