លួចកាច់កបម្រុងយកម៉ូតូ ត្រូវម្ចាស់ឃើញទាន់ចាប់បានឲ្យសមត្ថកិច្ច
ជនសង្ស័យនោះមានឈ្មោះ កែវ រតនា អាយុ 26 ឆ្នាំ មុខរបរជាកម្មកររោងចក្រស្នាក់ផ្ទះជួលម្តុំសួនកាណាឌីយ៉ា សង្កាត់ចោមចៅ ខណ្ឌពោធិសែនជ័យ និងមានស្រុកកំណើតភូមិចំការចេក ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។ ចំណែកម្ចាក់ម៉ូតូឈ្មោះ សូន្យ ឌី
យ៉ាម៉ង់ ភេទប្រុសអាយុ 21 ឆ្នាំ ជានិស្សិត បច្ចុប្បន្នស្នាក់នៅភូមិកើតហេតុខាងលើ។
ម៉ូតូដែលជនសង្ស័យខាងលើធ្វើសកម្មភាពកាច់(ក)យក ម៉ាក KYMCO ពណ៌ខ្មៅលាយសពាក់ស្លាកលេខ ភ្នំពេញ1BZ-3117 ។
បើតាមសំដីម្ចាក់ម៉ូតូបានប្រាប់សមត្ថកិច្ចថា នៅមុនពេលកើតហេតុខណះដែលខ្លួនត្រឡប់មកពីរៀនវិញ បានទុកម៉ូតូចាក់សោរចោលនៅមុខផ្ទះ រួចក៏ចូលផ្ទះបាត់ទៅ ក្រោយមកប្អូនស្រីរបស់គេបានចេញមកបិតទ្វាផ្ទះស្រាប់តែឃើញជនសង្ស័យ ខាងលើកំពុងតែជិះម៉ូតូចេញ ក៏ស្រែកថាចោរៗ ភ្លាមនោះត្រូវបានប្រជាពលរដ្ឋព័ទ្ធចាប់បានភ្លាមៗ និងបានដាក់មួយដៃមួយជើងសល់តែដង្ហើមចង្រិត ទើបប្រគល់ឲ្យសមត្ថកិច្ច។
ជនសង្ស័យត្រូវបានឃាត់ខ្លួនសួរនាំបណ្តោះអាសន្ននៅប៉ុស្តិ៍នគបាល រដ្ឋបាលទឹកថ្លា និងបានកសាងសំណុំរឿងបញ្ជូនសួរនាំបន្តទៅអធិការដ្ឋាននគបាលខណ្ឌសែន សុខ៕
ប្រភពពី ANN
