ដាច់ខ្សែបង្អោងធ្លាក់ពីលើចុងត្នោតកំពស់ ២៥ម៉ែត្រ ស្លាប់ចោលប្រពន្ធកូនគួរឲ្យសង្វេគ
ជនរងគ្រោះមានឈ្មោះ ប៉ោ ធឿន អាយុ ៥០ឆ្នាំ មុខរបរជាអ្នកឡើងត្នោត រកលុយមកទ្រទ្រង់ ជីវភាពគ្រួសារ មានប្រពន្ធនិងកូន ៣នាក់រស់នៅ ក្នុងភូមិឃុំ កើតហេតុខាងលើ។ បុរសរងគ្រោះ បានទៅចងត្នោតមួយដើម ដែលមានកំពស់ ប្រមាណ ២៥ ម៉ែត្រនៅក្នុងរបងភូមិ ពេលឡើងចងបង្អោង ដល់កត្នោតទៅហើយ ស្រាប់តែដាច់ចំណងបង្អោង ផ្ងាកក្រោយធ្លាក់មកដីផ្កាប់មុខ បណ្តាលអោយ រងរបួសបាក់កដៃ ទាំងសងខា ងនិងបែកមុខមាត់យ៉ាងធ្ងន់ធ្ងរ។
ភ្លាមៗនោះក្រុមគ្រួសារ បានលើកបុរសរងគ្រោះ ដឹកតាមម៉ូតូមកកាន់ មន្ទីរពេទ្យបង្អែកខេត្ត ប៉ុន្តែពេលដឹកមកដល់មន្ទីរពេទ្យ បានប្រមាណតែ ១០នាទីប៉ុណ្ណោះ ជនរងគ្រោះបាន ដាច់ខ្យល់ស្លាប់ ចោលប្រពន្ធកូន យ៉ាងអាណោចអាធ័មបំផុត។ សាច់ញាតិរបស់សព បានអោយដឹងទៀតថា បុរសរងគ្រោះ បានប្រកបមុខរបរឡើងត្នោត រាប់សិបដើមរំងាស់យកស្ករ ជាច្រើនឆ្នាំមកហើយ មិនដែលមានគ្រោះថ្នាក់ឡើយ ទើបតែពេលនេះ ក៏ជួបរឿងស៊យតែម្តង៕
ប្រភពពី វត្តភ្នំ
