អាដហុក៖ ការចាប់នឹងឃុំខ្លួនតំណាងកម្មករដោយទាហាន គឺជាអំពើខុសច្បាប់
ក្រោយពីបាន
បើកការស៊ើបអង្កេតអស់រយៈពេលជិត ១ សប្តាហ៍រួចមក
នៅថ្ងៃម្សិលមិញនេះអង្គការសមាគមសិទ្ធិមនុស្សអាដហុក
បានចេញសេចក្តីប្រកាសព័ត៌មានមួយ ដោយចាត់ទុកសកម្មភាពចាប់ខ្លួន
និងឃុំខ្លួនតំណាងកម្មករពីសំណាក់កងកម្លាំងរដ្ឋាភិបាលក្នុង
អំពើហិង្សាកាលពីថ្ងៃទី ២ ខែមករា សប្តាហ៍មុនថា គឺជាអំពើខុសច្បាប់។
ក្នុងសេចក្តីប្រកាសព័ត៏មានរបស់សមាគមសិទ្ធិមនុស្សអាដហុកបានលើឡើងថា
យោងលើមាត្រា ៦០ នៃក្រមនីតិវិធីព្រហ្មទណ្ឌ ឆ្នាំ ២០១០ ដែលចែងថា
កងកម្លាំងប្រដាប់អាវុធជាទាហាន មិនមែនជានគរបាលយុត្តិធម៌នោះទេ ដូច្នេះ
កងកម្លាំងទាហានមិនមានសមត្ថកិច្ចធ្វើជាជំនួយតុលាការនោះឡើយ។
ហើយម្យ៉ាងទៀត កងកម្លាំងប្រដាប់អាវុធ
ក៏គ្មានសមត្ថកិច្ចកំណត់អត្តសញ្ញាណចាប់ជនល្មើស
ព្រមទាំងប្រមូលភស្តុតាងនោះដែរ។ លើសពីនេះទៅទៀត
កងកម្លាំងប្រដាប់អាវុធគ្មានសិទ្ធិណាមួយអាចចាប់ឃាត់ខ្លួនជនល្មើស
បានឡើយ។ ដូច្នេះ ហើយអំពើរបស់កងកម្លាំងប្រដាប់អាវុធកាលពីថ្ងៃទី ២
ខែមករា កន្លងទៅជាអំពើល្មើសច្បាប់។នៅក្នុងសេចក្តីប្រកាសដដែលបានសេសេររិះគន់បន្តថា មន្ត្រីយុត្តិធម៌កំពុងស្ថិតនៅក្រោមអំណាចរបស់យោធា ស្ទើរតែទាំងស្រុងទៅហើយ៕
ប្រភពពី Free Press Magazine
