YotaPhone ទូរស័ព្ទអេក្រង់ពីរ របស់រុស៊្សីចាប់ផ្ដើមចេញលក់នៅអឺរ៉ុប
ក្រុមហ៊ុនរុស៊្សីឈ្មោះ YotaPhone ទើបតែបានប្រកាសចេញលក់ទូរស័ព្ទទំនើបដំបូងរបស់ខ្លួនទៅលើទីផ្សារនៅក្នុងប្រទេសមួយចំនួនដែលស្ថិតនៅក្នុងទ្វីបអឺរ៉ុបដូចគ្នា រួមមាន ៖ រុស៊្សី អាល្លឺម៉ង់ អូត្រីហ្ស បារាំង និង អេស្ប៉ាញ ហើយសម្រាប់បណ្ដាប្រទេសសហភាពអឺរ៉ុបមួយចំនួនទៀតមានដូចជា ចក្រភពអង់គ្លេស (UK) និង ប្រទេសក្រិក ជាដើមអាចនឹងត្រូវប្រកាសចេញលក់នៅក្នុង ខែមករា ដើមឆ្នាំ ២០១៤ ។ ទូរស័ព្ទដំបូងរបស់ក្រុមហ៊ុនមានឈ្មោះថា YotaPhone បំពាក់ដោយអេក្រង់ពីរមុខក្រោយ និងដំណើរការដោយប្រព័ន្ធប្រតិបត្តិការ Android 4.2.2 ។ ប៉ុន្តែមិនមានព័ត៌មានពីការចេញលក់ទូរស័ព្ទ YotaPhone ទៅលើទីផ្សារក្រៅពីទ្វីបអឺរ៉ុបនៅឡើយទេ ។
លក្ខណសម្បត្តិរបស់ YotaPhone ៖
- អេក្រង់មុខ 4.3-inch LCD កម្រិតភាពច្បាស់ 720×1280 pixels
- អេក្រង់ក្រោយ 4.3-inch EPD កម្រិតភាពច្បាស់ 360×640 pixels
- កាមេរ៉ា 13MP AF(auto focus) LED flash, 1MP
- CPU Dual Core 1.7 GHz Krait
- RAM 2GB
- អង្គចងចាំជាប់ម៉ាស៊ីន 32GB
- បំពាក់ LTE 800/1800/2600 MHz, UMTS 900/1800/2100 MHz, GSM 900/1800/1900 MHz
- បំពាក់ WiFi 802.11 a/b/g/n, BT v4.0, GPS w/A-GPS + Glonass
- វិមាត្រ 133.6 x 67 x 9.99mm
- ទម្ងន់ 146g
- ថាមពលថ្ម 1,800mAh
- ដំណើរការដោយ Android Jelly Bean 4.2.2
ទស្សនាវីឌីអូខាងក្រោម ៖
សូមបញ្ជាក់ថា ដោយមានបំពាក់អេក្រង់ពីរគឺ ខាងមុខសម្រាប់ការប្រើប្រាស់ធម្មតា និងខាងក្រោយជាប្រភេទអេក្រង់សម្រាប់ E-Reader (អានសៀវភៅ) ទូរស័ព្ទទំនើប YotaPhone ត្រូវបានចេញលក់នៅក្នុងតម្លៃ 499 Euros ប្រហែល $678 ជាមួយជម្រើសពណ៌តែពីរប៉ុណ្ណោះ ស និងខ្មៅ (ចូលទៅកាន់គេហទំព័រ របស់ក្រុមហ៊ុន)៕
