បណ្ដា​អ្នក​ប្រើ​បណ្ដាញ​ទំនាក់ទំនង​សង្គម Facebook ថ្ងៃ​នេះ​នឹង​បាន​ប្លែកភ្នែក​ជា​មួយ​រូប​ស្ទីកគ័រ​ថ្មី​ក្នុង​ទម្រង់​ជា​ ប៊ូតុង Dislike ដែល​មាន​ការ​ទន្ទឹង​រង់​ចាំ​ពី user យ៉ាង​ច្រើន​កន្លង​មក។

ទាំង​ការ​សរសេរ comment និង status លើ​បណ្ដាញ FB កន្លង​ជា​​យូរ​មក​នេះ​ គឺ​សុទ្ធតែ​ប្រើ​ទៅ​តាម​ទម្រង់​ដែល​កំណត់​ដោយ Facebook ពុំ​អាច​បង្ហាញ​អារម្មណ៍​មិន​ពេញចិត្ត​តាម​ការ​ប្រើ​ប៊ូតុង​ dislike បាន​ឡើយ។ ទោះជា​យ៉ាងណា ថ្ងៃ​នេះ ក្រុមហ៊ុន​បាន​បន្ថែម​រូប sticker ទម្រង់ dislike ប៊ូតុង​សម្រាប់​ប្រើ​តាម​កម្មវិធី FB Messenger បាន​។
រូប sticker ថ្មី​នេះ មាន​ឱ្យ​ទាញ​យក​បាន​ពី Sticker Store ពី​ពេល​នេះ​ត​ទៅ​ហើយ។ ទោះ​មិន​ទាន់​ចេញ dislike button សម្រាប់ comment និង​បង្ហោះ status ក៏​ដោយ អ្នក​ក៏​អាច​ប្រើ​រូប sticker ថ្មី​ក្នុង​ទម្រង់​ជា​សញ្ញា​ម្រាមដៃ​ទាំង​នេះ​ផ្ញើ​ទៅ​កាន់ friend បាន។ នេះ​អាច​ជា​ជំហាន​ដំបូង​របស់ Facebook ក្នុង​ការ​បង្កើត dislike button៕